पार्टी आहे व गाणी वाजणार नाहीत, असे शक्यच नाही. अनेकदा म्यूझिकसाठी बंद व ठराविक ठिकाणच निवडले जाते. कारण, म्यूझिक सिस्टमची गरज भासत असते व सर्वच ठिकाणी उपलब्ध होत नाही. मात्र, बाजारात असे काही पार्टी स्पीकर उपलब्ध आहेत, ज्यांना तुम्ही कोठेही घेऊन जाऊ शकता. यामध्ये बॅटरीचा सपोर्ट असल्याने विजेची गरज भासत नाही. ब्लूटूथ कनेक्टिव्हिटीसह येणाऱ्या या पार्टी स्पीकरमध्ये १०० वॉट साउंड आउटपूट मिळतो. याद्वारे तुम्ही समुद्रकिनाऱ्यापासून ते डोंगरावर कोठेही छोटी पार्टी करू शकता. सोबतच, यात मिळणारी बॅटरी जवळपास ४ ते ५ तास टिकते. याचा आवाज देखील दमदार असतो. तसेच, आकारने लहान असल्याने तुम्ही सहज कोठेही घेवून जाता येईल. बाजारात तुम्हाला कमी किंमतीत असेच काही शानदार पार्टी स्पीकर मिळतील. या पार्टी स्पीकर्सच्या किंमत आणि फीचर्सविषयी जाणून घेऊया.

F&D PA300

fd-pa300

१०० वॉट साउंड आउटपूट आणि ५ तासांच्या बॅटरी बॅकअपसह येणाऱ्या या ब्लूटूथ स्पीकरची किंमत १५,९९९ रुपये आहे. यामध्ये ७ इंचाचे मोठे वूफर आणि २ इंचाच ट्वीटर दिले आहेज, जे साउंड क्वालिटी शानदार बनवतात. स्पीकरमध्ये मल्टी-कलर डिस्को लाइट्स, केराओके आणि गिटार इनपूटची सुविधा दिली आहे. केराओके मोड वायर्ड आणि वायरलेस मायक्रोफोन दोन्हीसोबत काम करते. सोबतच, इनबिल्ट एफएम दिला आहे. तुम्ही स्पीकरला ट्रॉली बॅकप्रमाणे कोठेही घेऊन जाऊ सकता. डिव्हाइसला रिमोटने देखील कंट्रोल करू शकता. स्पीकरला चार्ज होण्यास ८ तास लागतात.

यू आणि मी जंबो मालिका

ui- जंबो-मालिका

१०० वॉट साउंड आउटपूट आणि ४ तास बॅटरी बॅकअपसह येणाऱ्या या स्पीकरची किंमत १९,९९९ रुपये आहे. यामध्ये सराउंड साउंड आणि रेकॉर्डिंग फीचर दिले आहे. याशिवाय यात इको, बेस आणि ट्रेबल सेटिंग्स मिळते. यात केराओके फीचर दिले आहे. हा स्पीकर २ वायरलेस माइकसोबत रेकॉर्डिंग फंक्शन, इनबिल्ट एफएम रेडिओ, १ यूएसबी आणि टीएफ कार्ड स्लॉट, यूएसबी चार्जिंग प्वाइंटसह येतो. स्पीकरला ओढण्यासाठी हँडल पुश बार दिला आहे. याचे वजन तब्बल १५ किलो आहे.

JBL व्यावसायिक EON एक

jbl-professional-eon-one

जेबीएलच्या या स्पीकरची किंमत ३०,५८७ रुपये आहे. यात १५० वॉट साउंड आउटपूट, १२ तास बॅटरी बॅकअप मिळतो. साउंडच्याबाबतीत हे स्पीकर जबरदस्त आहे. यात केराओके फीचर देखील दिले आहे. यात एकाचवेळी २ माइक कनेक्ट करू शकता. याचे सर्वात मोठे वैशिष्ट्यं चार्जिंग असून, स्पीकर केवळ ३ तासात फुल चार्ज होतात. याचे वजन ८ किलो आहे. मोबाइल अ‍ॅपद्वारे देखील तुम्ही स्पीकरला कंट्रोल करू शकता. मात्र, किंमतीच्या तुलनेत यात जास्त फीचर्स मिळत नाही.

सोनी SRS-XP700

सोनी-एसआरएस-एक्सपी 700

या स्पीकरची किंमत तब्बल ३२,९९० रुपये आहे. यात १०० वॉट साउंड आउटपूट आणि २५ तासांची बॅटरी लाइफ मिळते. कोणत्याही पार्टीसाठी हा स्पीकर दमदार असून, याचा बेस साउंड क्वालिटी अधिक शानदार बनवतो. यात क्विक चार्जिंगची सुविधा दिली असून, १० मिनिटांच्या चार्जिंगमध्ये ३ तास वापरू शकता. पाण्यापासून सुरक्षेसाठी स्पीकरला आयपीएक्स४ रेटिंग मिळाले आहे. सोनीच्या या स्पीकरमध्ये इन बिल्ट एफएम आणि मेमरी कार्ड स्लॉट मिळत नाही. तुम्ही म्यूझिक अ‍ॅपने कंट्रोल करुनच याचा वापर करू शकता.

F&D HT-330 साउंडबार

fd-ht-330-

घरी अथवा टेरेसवरील पार्टीसाठी या साउंडबारला डिझाइन करण्यात आले आहे. यामध्ये ८० वॉट साउंड आउटपूट मिळते. तसेच, सबवूफरचे ६.५ बेस ड्रायव्हरयाच्या साउंड क्वालिटीला अधिक शानदार बनवतात. स्पीकरमध्ये मूव्ही साउंड मोड दिला आहे. याचा वापर करून थिएटरसारखा आनंद घेऊ शकता. याच्या रिमोटवर ट्रेबल आणि बेसला कमी-जास्त करण्याचा पर्याय मिळतो. यामुळे साउंड क्वालिटीला एडजस्ट करता येईल. रिमोटने गाणी म्यूट करता येतील. डिव्हाइसमध्ये एक लहान डिस्प्ले दिला असून, यावर आवाज आणि साउंड मोडची माहिती मिळते. डिव्हाइसला टीव्ही, लॅपटॉप, टॅब, स्मार्टफोनशी सहज कनेक्ट करता येईल. या साउंडबारची किंमत ९,९९० रुपये आहे.

Wk लाइफ RTS-20

wk-life-rts-20

या साउंडबारमुळे तुम्हाला घरातच थिएटरसारखा अनुभव मिळेल. साउंडबार पूर्णपणे वायरलेस असून, टेबलवर ठेवू शकता अथवा भिंतीवर देखील टांगता येईल. यात १०० वॉट साउंड आउटपूट देण्यात आला आहे. डिव्हाइसमध्ये ६० वॉटचे सबवूफर दिले आहेत, जे साउंड क्वालिटी अधिक शानदार बनवतात. साउंडबारला टीव्ही, लॅपटॉप, टॅब, स्मार्टफोनशी सहज कनेक्ट करू शकता. याची किंमत १९,९९० रुपये आहे.

येथून करा खरेदी

या स्पीकर आणि साउंडबारला तुम्ही फ्लिपकार्ट आणि अ‍ॅमेझॉनवरुन खरेदी करू शकता. यातील काही स्पीकर्स ऑफलाइन मार्केटमध्ये देखील उपलब्ध आहे. फ्लिपकार्ट आणि अ‍ॅमेझॉनवरील सेलमध्ये स्पीकर्स कमी किंमतीत उपलब्ध आहेत.

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here