नवीन स्मार्टफोन खरेदी करताना ज्या प्रमुख गोष्टींकडे लक्ष द्यायला हवे त्यापैकी बॅटरी एक असते. बॅटरीमुळेच तुम्ही दिवसभर त्यावर व्हिडिओ पाहण्याचा, गेम खेळण्याचा आनंद घेऊ शकता. जास्त क्षमतेची बॅटरी असल्यावर तुम्ही एकदा फोन चार्ज केल्यानंतर दिवसभर सहज वापरू शकता. एंट्री- लेव्हल आणि बजेट फोन्समध्ये देखील चांगली बॅटरी मिळते, मात्र ती जास्त वेळ टिकत नाही. २० हजार रुपयांच्या बजेटमध्ये येणाऱ्या फोन्समध्ये फास्ट चार्जिंग सपोर्टसह येणारी जास्त क्षमतेची बॅटरी मिळते. २० हजार रुपयांच्या बजेटमध्ये येणाऱ्या या फोन्समध्ये ५००० एमएएचची दमदार बॅटरी मिळते. एकदा चार्ज केल्यावर तुम्ही फोनला सहज १८-२० तास वापरू शकता. तुम्ही देखील या बजेटमध्ये जास्त क्षमतेच्या बॅटरीसह येणारे फोन शोधत असाल तर आम्ही तुम्हाला अशाच काही पर्यायांची माहिती देत आहोत. या किंमतीत तुम्हाला Redmi Note 10S, Realme 8s, Realme Narzo 30 आणि Motorola Moto G9 सारखे ५००० एमएएच बॅटरीसह येणारे फोन्स मिळतील.

Redmi Note 10S

redmi-note-10s

शाओमीच्या Redmi Note 10S स्मार्टफोनमध्ये शानदार बॅटरी मिळते. या फोनमध्ये ३३ वॉट फास्ट चार्जिंग सपोर्टसह ५००० एमएएचची पॉवरफुल बॅटरी दिली आहे. ही बॅटरी दिवसभर सहज टिकते. दिवसभर गेम्स खेळणाऱ्या, चित्रपट पाहणाऱ्या व सोशल मीडिया वापरणाऱ्या युजर्ससाठी ही बॅटरी पुरेशी आहे. फोनमध्ये ६.४३ इंच फुल एचडी+ डिस्प्ले, ६४ मेगापिक्सल मुख्य रियर कॅमेरा, १३ मेगापिक्स फ्रंट कॅमेरा दिला आहे. ६ जीबी रॅम आणि ६४ जीबी स्टोरेज व्हेरिएंटमध्ये येणाऱ्या या फोनची किंमत १४,९९९ रुपये आहे.

Realme 8s

खरोखर-8s

रियलमीने काही दिवसांपूर्वीच ८ सीरिज अंतर्गत Realme 8s या स्मार्टफोनला लाँच केले आहे. या फोनमध्ये ३३ वॉट फास्ट चार्जिंग सपोर्टसह ५००० एमएएचची बॅटरी दिली आहे. फोनमध्ये ६.५ इंच फुल एचडी+ डिस्प्ले, रियरला ६४ + २ +२ मेगापिक्सल आणि फ्रंटला १६ मेगापिक्सल कॅमेरा, मीडियाटेक डायमेंसिटी ८१०५जी प्रोसेसर दिला आहे. फोनमध्ये ६ जीबी रॅम आणि १२८ जीबी स्टोरेज मिळते. या फोनला तुम्ही १७,९९९ रुपयात खरेदी करू शकता.

Realme Narzo 30

realme-narzo-30

Realme Narzo 30 स्मार्टफोनमध्ये देखील ५००० एमएएचची बॅटरी दिली असून, यामध्ये शानदार फीचर्स मिळतात. फोनमध्ये ६.५ इंच फुल एचडी+ डिस्प्ले दिला आहे. यात फोटोग्राफीसाठी रियरला ४८ + २ +२ मेगापिक्सलचा कॅमेरा दिला असून, फ्रंटला १६ मेगापिक्सलचा कॅमेरा मिळतो. यामध्ये मीडियाटेक हीलियो जी९५ प्रोसेसरचा सपोर्ट मिळतो. रियलमीच्या या फोनमध्ये ६ जीबी रॅम आणि १२८ जीबी स्टोरेज दिले असून, स्टोरेजला २५६ जीबीपर्यंत वाढवू शकता. या फोनची किंमत जवळपास १३ हजार रुपये आहे.

Motorola Moto G9

motorola-moto-g9

Motorola Moto G9 स्मार्टफोनमध्ये ६.५ इंच एचडी प्लस डिस्प्ले दिला आहे. यात फोटोग्राफीसाठी रियरला ४८ + २ + २ मेगापिक्सल आणि फ्रंटला सेल्फीसाठी ८ मेगापिक्सलचा कॅमेरा मिळतो. यात क्वालकॉम स्नॅपड्रॅगन ६६२ प्रोसेसर दिला असून, फोन अँड्राइडवर काम करतो. स्टोरेजबद्दल सांगायचे तर यामध्ये ४ जीबी रॅम आणि ६४ जीबी स्टोरेज दिले आहे. पॉवरसाठी यात ५००० एमएएचची दमदार बॅटरी दिली असून, ही बॅटरी सिंगल चार्जमध्ये दिवसभर टिकते. मोटोरोलाच्या या फोनची किंमत १०,९९९ रुपये आहे.

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here