नवी दिल्लीः डिसेंबर २०१९ मध्ये टॅरिफ महाग झाल्यानंतर रिलायन्स () सह एअरटेल आणि व्होडाफोनच्या प्लानमध्ये खूप मोठा बदल झाला आहे. कंपन्यांना नुकसान होत असल्याने प्रीपेड प्लान महाग करावे लागल्याचे कंपन्यांनी म्हटले होते. परंतु, काही कंपन्या टॅरिफ महाग झाल्यानंतरही १०० रुपयापेक्षा कमी किंमतीचे काही प्लान ऑफर करीत आहेत. या प्लानमध्ये कॉलिंग, डेटा बेनिफिट दिला जात आहे.

एअरटेलचे १०० रुपयांपेक्षा कमी किंमतीचे प्लान

१९ रुपयांचा प्लान

एअरटेलच्या या प्लानमध्ये देशभरात कोणत्याही नेटवर्कवर ट्रू अनलिमिटेड कॉलिंग दिली जात आहे. दोन दिवसांची वैधता असलेल्या या प्लानमध्ये एकूण २०० एमबी डेटा दिला जातो. या प्लानमध्ये फ्री एसएमएस दिला जात नाही.

७९ रुपयांचा प्लान

एअरटेलच्या या स्मार्ट रिचार्जवर युजर्संना ६४ रुपयांचा टॉकटाइम मिळतो. २०० एमबी डेटासह या प्लानची वैधता २८ दिवस इतकी आहे. या प्लानमध्ये प्रति मिनिटाला ६० पैसे या दराने चार्ज केला जातो.

४९ रुपयांचा प्लान

एअरटेलचा हा स्मार्ट रिचार्जची वैधता २८ दिवसांची आहे. १०० एमबी डेटा युजर्संना दिला जातो. प्लानच्या रिचार्जवर ३८.५२ रूपयांचा टॉकटॉइम दिला जातो.

व्होडाफोनचा १०० रुपयांपेक्षा कमी किंमतीचा प्लान

१९ रुपयांचा प्लान

व्होडाफोनच्या या प्लानची वैधता २ दिवसांची आहे. या प्लानमध्ये अनलिमिटेड कॉलिंगसह २०० एमबी डेटा दिला जातो. या प्लानचे आणखी एक खास वैशिष्ट्ये म्हणजे यात व्होडाफोन प्ले आमि ५ जी चे सब्सक्रिप्सन दिले जाते.

रिलायन्स जिओचे १०० रुपयांपेक्षा कमी किंमतीचा प्लान

७५ रुपयांचा प्लान

कंपनीचा हा प्लान केवळ जिओ फोन युजर्ससाठी आहे. या प्लानची वैधता २८ दिवस आहे. या प्लानमध्ये एकूण ३जीबी डेटा मिळतो. ५० फ्री एसएमएस दिले जातात. या प्लानमध्ये जिओ नेटवर्क्ससाठी अनलिमिटेड आणि नॉन जिओ नेटवर्क्ससाठी ५०० मिनिट्स दिले जातात. प्लानसोबत जिओ अॅप्सचे फ्री सब्सक्रिप्शन दिले जाते.

६९ रुपयांचा प्लान

हा प्लान जिओ फोन युजर्संसाठी आहे. २५ फ्री एसएमएस आणि ७ जीबी डेटा ऑफर मिळणाऱ्या या प्लानची वैधता १४ दिवस इतकी आहे. प्लानमध्ये जिओ नेटवर्क्ससाठी अनलिमिटेड कॉलिंग दिली जाते. तर दुसरीकडे नेटवर्क्सवर कॉल करण्यासाठी यात २५० मिनिट्स मिळणार आहे. या प्लानमध्ये जिओ अॅप्सचे फ्री सब्सक्रिप्शन दिले जाते.

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here