सोशल मीडियावर करोना व्हायरसच्या कॉलर ट्यूनवरून अनेक जणांनी जोक, मिम्स बनवले आहेत. करोना व्हायरसमुळे लोक मरतील की माहिती नाही परंतु, या कॉलर ट्यूनमुळे अनेक जण मरतील, अशा शब्दात या कॉलर ट्यूनची खिल्ली उडवली जात आहे. करोना व्हायरसची कॉलर ट्यून बंद करायची असल्यास काही महत्त्वाची ट्रिक्स आहेत. करोना व्हायरसच्या कॉलर ट्यूनपासून सुटका हवी असल्यास ज्यावेळी आपण एखाद्या व्यक्तीला कॉल करीत असल्यास करोना व्हायरसची कॉलर ट्यून सुरू होते. त्यावेळी ही कॉलर ट्यून सुरू होताच १ किंवा # हे दाबा. यानंतर कॉलर ट्यून बंद होईल. आणि रिंगचा आवाज सुरू होईल. असं असलं तरी काही टेलिकॉम कंपन्यांच्या मोबाइलवर ही सुविधा अद्याप देण्यात आली नाही.
टीपः या बातमीमधून सरकारच्या करोना व्हायरसची जनजागृती मोहिमेला नुकसान पोहोचणे हा या बातमीचा हेतू नाही. परंतु, ज्या लोकांना नेहमी फोन लावल्यानंतर ही कॉलर ट्यून ऐकून त्रास होतो. त्यांच्यासाठी ही बातमी आहे.
Gadget News in Marathi: Computer, Mobile, Auto News in Marathi | Maharashtra Times
