ट्विटरने आपल्या ब्लॉगमध्ये म्हटलेय, सर्व कर्मचाऱ्यांनी घरून काम करावे. घरून काम करणाऱ्या कर्मचाऱ्यांना पैसे मिळणार आहे. तसेच गरज भासल्यास सेट अप तयार करण्यासाठी पैसे देईल, असे कंपनीने स्पष्ट केले आहे. जर कर्मचाऱ्यांच्या आई-वडिलांना काही अडचण असल्यास कंपनी त्यांच्यासाठी पुढाकार घेऊन आर्थिक भरपाई करेन, असे ट्विटरने म्हटले आहे. सर्व मुलाखती या व्हिडिओ कॉन्फ्रेंसिंद्वारे होतील, तसेच निवड झालेल्या व्यक्तीला घरून काम करण्यास मुभा देण्यात येईल, असेही ट्विटरने म्हटले आहे.
करोना व्हायरसच्या भीतीने सुरक्षेचा उपाय म्हणून अॅपल, मायक्रोसॉफ्ट, गुगल आणि फेसबुक या सारख्या कंपन्यांनी आपले मोठे-मोठे कार्यक्रम रद्द केले आहेत. अॅपलने ३१ मार्च रोजी होणारा मोठा कार्यक्रम नुकताच रद्द केला आहे. या कार्यक्रमात सर्वात स्वस्तातील आयफोन (iPhone SE) लाँच करण्यात येणार होता. तर गुगल आणि अॅपलने आपल्या सर्व कमर्चाऱ्यांना घरातून काम करण्याचा सल्ला दिला आहे.
Gadget News in Marathi: Computer, Mobile, Auto News in Marathi | Maharashtra Times
