एकीकडे देशात महागाईमुळे लोक ग्रासले असताना आता सर्वात मोठ्या टेलिकॉम कंपन्या Vodafone Idea आणि Airtel ने आपल्या प्रीपेड प्लान्सच्या किंमती वाढवल्या आहे. वोडाफोन आयडिया आणि एअरटेलने वाढवलेल्या किंमतीमुळे ग्राहकांना मोठा झटका बसला आहे. दोन्ही कंपन्यांनी आपल्या प्लान्सच्या किंमती ५०० रुपयांपर्यंत वाढवल्या आहे. या नवीन किंमत आजपासून लागू झाल्या आहेत. एअरटेलप्रमाणेच वोडाफोन आयडियाच्या बेस प्लानची किंमत ९९ रुपयांपासून सुरू होते. त्यामुळे आता ग्राहकांना रिचार्ज करताना अतिरिक्त पैसे खर्च करावे लागणार आहेत. Vodafone Idea आणि Airtel पाठोपाठ टेलिकॉम कंपनी रिलायन्स जिओ देखील आपल्या प्रीपेड प्लान्सच्या किंमती वाढवण्याची शक्यता वर्तवली जात आहे. वोडाफोन आयडिया आणि एअरटेलने आपल्या प्लान्सच्या किंमती वाढवल्याने आता ग्राहकांना सिम कार्ड चालू ठेवण्यासाठी देखील अतिरिक्त पैसे खर्च करावे लागणार आहेत. या दोन्ही कंपन्यांच्या प्लान्सविषयी सविस्तर जाणून घेऊया.

​Airtel vs Vodafone Idea चा २८ दिवस वैधतेसह येणारा प्रीपेड प्लान

एअरटेल-वि-व्होडाफोन-आयडिया-

Airtel आणि Vodafone Idea च्या बेस प्लानची किंमत ९९ रुपये झाली आहे. दोन्ही प्लान्सची वैधता २८ दिवस असून, यात २०० एमबी डेटा आणि १ पैसे प्रती सेकंद वॉइस टॅरिफ आहे. एअरटेनुसार ९९ रुपयांच्या ५० टक्के अतिरिक्त टॉकटाइम दिले जाईल.

Airtel च्या १७९ रुपयांच्या प्रीपेड प्लानमझ्ये अनलिमिटेड वॉइस कॉलिंग, दररोज १०० एसएमएस आणि २ जीबी डेटा मिळतो. तर वीआयच्या १७९ रुपयांच्या प्लानमध्ये अनलिमिटेड वॉइस कॉलिंग, ३०० एसएमएस आणि २ जीबी डेटा मिळतो.

एअरटेलचा २६५ रुपयांचा प्लान देखील २८ दिवस वैधतेसह येतो. यात दररोज १ जीबी डेटा, दररोज १०० एसएमएस आणि अनलिमटिडे कॉलिंगची सुविधा मिळते. वीआयच्या २६९ रुपयांच्या प्लानमध्ये देखील समान बेनिफिट्स मिळतात. एअरटेलच्या ३५९ रुपयांच्या प्लानमध्ये अनलिमिटेड कॉलिंग, दररोज २ जीबी डेटा आणि १०० एसएमएसची सुविधा मिळते. वीआयच्या ३५९ रुपयांच्या प्लानमध्ये दररोज १०० एसएमएस, अनलिमिटेड वॉइस कॉलिंग आणि दररोज २ जीबी डेटा मिळतो.

​Airtel vs Vodafone Idea चे ५६ दिवस वैधतेसह येणारा प्रीपेड प्लान

एअरटेल-वि-व्होडाफोन-आयडिया-

एअरटेलच्या ४७९ रुपयांच्या प्लानची वैधता ५६ दिवस असून, यात अनलिमिटेड कॉलिंग, दररोज १०० एसएमएस आणि दररोज १.५ जीबी डेटा मिळतो. ५४९ रुपयांच्या प्लानमध्ये अनलिमिटेड कॉलिंग, दररोज १०० एसएमएस आणि दररोज २ जीबी डेटा मिळतो.

वीआयच्या ४७९ रुपयांच्या प्लानची वैधता ५६ दिवस असून, यात दररोज १.५ जीबी डेटा, अनलिमिटेड कॉलिंग आणि दररोज १०० एसएमएस मिळतोत. ५३९ रुपयांच्या प्लानमध्ये ५६ दिवसांसाठी दररोज २ जीबी डेटा, अनलिमिटेड कॉलिंग आणि दररोज १०० एसएमएस मिळतात.

​Airtel vs Vodafone Idea चे ८४ दिवस वैधतेसह येणारा प्रीपेड प्लान

एअरटेल-वि-व्होडाफोन-आयडिया-

एअरटेलच्या ४५५ रुपयांच्या प्लानची वैधता ८४ दिवस असून, यात दररोज १०० एसएमएस, अनलिमिटेड कॉलिंग आणि एकूण ६ जीबी डेटा मिळतो. एअरटेलच्या ७१९ रुपयांच्या प्रीपेड प्लानमध्ये दररोज १.५ जीबी डेटा, अनलिमिटेड कॉलिंग आणि दररोज १०० एसएमएस मिळतात. प्लानची वैधता देखील ८४ दिवस आहे. एअरटेलच्या ८३९ रुपयांच्या प्लानमध्ये दररोज २ जीबी डेटा, अनलिमिटेड कॉलिंग आणि दररोज १०० एसएमएसची सुविधा मिळते.

वीआयच्या ४५९ रुपयांच्या प्लानमध्ये एकूण ६ जीबी डेटा, अनलिमिटेड कॉलिंग आणि दररोज १०० एसएमएसची सुविधा मिळतात. कंपनीच्या ७१० रुपयांच्या प्लानमध्ये १.५ जीबी डेटा, अनलिमिटेड कॉलिंग आणि दररोज १०० एसएमएस मिळतात. कंपनीच्या ८३९ रुपयांच्या प्लानमध्ये दररोज २ जीबी डेटा, अनलिमिटेड कॉलिंग आणि दररोज १०० एसएमएसची सुविधा मिळते. या तिन्ही प्लान्सची वैधता ८४ दिवस आहे.

​Airtel vs Vodafone Idea चे ३६५ दिवस वैधतेसह येणारा प्रीपेड प्लान

एअरटेल-वि-व्होडाफोन-आयडिया-

Airtel च्या १,७९९ रुपयांच्या प्लानमध्ये एकूण २४ जीबी डेटा, अनलिमिटेड कॉलिंग आणि दररोज १०० एसएमएसची सुविधा मिळते. Airtel च्या २,९९९ रुपयांच्या प्लानमध्ये ३ जीबी डेटा, अनलिमिटेड कॉलिंग आणि दररोज १०० एसएमएसची सुविधा मिळते. या प्लान्सची वैधता देखील ३६५ दिवस आहे.

वोडाफोन आयडियाच्या २,८९९ रुपयांच्या प्रीपेड प्लानमध्ये दररोज १.५ जीबी डेटा, अनलिमिटेड कॉलिंग आणि दररोज १०० एसएमएसची सुविधा मिळते. या प्लान्सची वैधता देखील ३६५ दिवस आहे.

वोडाफोन आयडियाच्या डेटा टॉप अपमध्ये ५८ रुपये, ११८ रुपये, २९८ रुपये, ४१८ रुपयांच्या प्लानमध्ये ३ जीबी डेटा, १२ जीबी डेटा, ५० जीबी डेटा आणि १०० जीबी डेटा मिळतो. तर एअरटेलच्या ५८ रुपये, ११८ रुपये आणि ३१० रुपयांच्या प्लानमध्ये क्रमशः ३ जीबी, १२ जीबी आणि ५० जीबी डेटा मिळतो.

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here