खासगी टेलिकॉम कंपन्या रिलायन्स जिओ, एअरटेल आणि वोडाफोन आयडियाने प्रीपेड प्लान्सच्या किंमती वाढवल्याने ग्राहक वैतागले आहेत. ग्राहकांना आता प्रीपेड प्लान्सवर ५०० रुपयांपर्यंत अतिरिक्त खर्च करावा लागत आहे. किंमती वाढवल्यानंतर एअरटेल आणि वोडाफोन आयडियाने ग्राहकांना मोफत डेटा देखील दिला होता. तर जिओने मोफत ओटीटी सबस्क्रिप्शनसह येणारे प्लान्स अपडेट केले आहेत. Jio, Airtel आणि Vi या तिन्ही प्रमुख कंपन्यांना प्लान्सचे दर वाढवल्याने आता ग्राहक स्वस्त रिचार्ज प्लान्स शोधत आहेत. या तिन्ही कंपन्यांकडे २५० रुपयांपेक्षा कमी किंमतीत येणारे काही शानदार प्लान्स उपलब्ध आहेत. या प्लान्समध्ये ग्राहकांना डेटा, कॉलिंगसह एसएमएसची सुविधा मिळते. या प्लान्सची वैधता २८ दिवसांपर्यंत आहे. प्लान्समध्ये मात्र ओटीटी बेनिफिट्ससारखे इतर सबस्क्रिप्शन मिळत नाही. Jio, Airtel आणि Vi च्या २५० रुपयांपेक्षा किंमतीच्या प्लान्सविषयी सविस्तर जाणून घेऊया.

​Jio चे २५० रुपयांपेक्षा कमी किंमतीतील प्लान

जिओ-

जिओच्या १४९ रुपयांच्या प्लानची वैधता २० दिवस असून, यात दररोज १ जीबी डेटा, दररोज १०० एसएमएस आणि अनलिमिटेड कॉलिंगची सुविधा मिळते. जिओच्या १७९ रुपयांच्या प्लानमध्ये समान बेनिफिट्स मिळतात. मात्र याची वैधता २४ दिवस आहे.

Jio चा २०९ रुपयांचा प्लान

जिओच्या २०९ रुपयांच्या प्लानची वैधता २८ दिवस आहे. प्लानमध्ये दररोज १ जीबी डेटा, अनलिमिटेड कॉलिंग आणि दररोज १०० एसएमएसची सुविधा मिळते. कंपनीकडे १९९ रुपयांचा प्लान असून, यात दररोज १.५ जीबी डेटा, अनलिमिटेड कॉलिंग आणि दररोज १०० मेसेजची मिळतात. प्लानची वैधता १४ दिवस आहे.

Jio चा २४९ रुपयांचा प्लान

२४९ रुपयांच्या प्लानची वैधता २३ दिवस असून, यात दररोज २ जीबी डेटा, अनलिमिटेड कॉलिंग आणि दररोज १०० एसएमएस मिळतात.

​Vodafone Idea चे २५० रुपयांपेक्षा कमी किंमतीचे प्लान

व्होडाफोन-आयडिया-

वीआयकडे १२९ रुपयांचा प्लान असून, यात एकूण २०० एमबी डेटा मिळतो. मात्र यात आउटगोइंग मेसेजिंगची सुविधा मिळत नाही. यात अनलिमिटेड कॉलिंगची सुविधा मिळते. प्लानची वैधता १८ दिवस आहे.

Vi चा १४९ रुपयांचा प्लान

वोडाफोन आयडियाच्या १४९ रुपयांच्या प्लानची वैधता २१ दिवस आहे. या प्लानमध्ये एकूण १ जीबी डेटा मिळतो. या प्लानमध्ये सर्व नेटवर्कवर अनलिमिटेड कॉलिंगची देखील सुविधा मिळते. प्लानमध्ये आउटगोइंग मेसेजची सुविधा मिळत नाही.

​Vi चा १७९ रुपयांचा प्लान

आम्ही-

Vi च्या या प्लानमध्ये ग्राहकांना २८ दिवसांची वैधता मिळते. या प्लानमध्ये एकूण २ जीबी डेटा, अनलिमिटेड कॉलिंगसह ३०० एसएमएस मिळतात. वीआयकडे १९९ रुपयांचा प्रीपेड प्लान देखील आहे. या प्लानमध्ये दररोज १ जीबी डेटा मिळतो. १८ दिवसांच्या वैधतेसह येणाऱ्या या प्लानमध्ये अनलिमिटेड कॉलिंग आणि दररोज १०० एसएमएस मिळतात. याच बेनिफिट्ससह २१९ रुपयांचा प्लान येतो. प्लानची वैधता २१ दिवस आहे. कंपनीच्या प्लानमध्ये २१ दिवसांसाठी अनलिमिटेड कॉलिंग, दररोज १.५ जीबी डेटा आणि दररोज १०० एसएमएसची सुविधा मिळते.

​Airtel चे २५० रुपयांच्या आतील प्लान्स

एअरटेल-

Airtel कडे असे तीन प्रीपेड प्लान्स आहेत. कंपनीच्या १५५ रुपयांच्या प्लानमध्ये २४ दिवसांसाठी एकूण १ जीबी डेटा, अनलिमिटेड कॉलिंग आणि ३०० मेसेज मिळतात. १७९ रुपयांच्या प्लानमध्ये २८ दिवसांसाठी एकूण २ जीबी डेटा, अनलिमिटेड कॉलिंगसह ३०० मेसेजची सुविधा मिळते.

Airtel चा २३९ रुपयांचा प्लान

एअरटेलच्या २३९ रुपयांच्या प्लानमध्ये ग्राहकांना दररोज १ जीबी डेटा, अनलिमिटेड कॉलिंग आणि दररोज १०० एसएमएस मिळतात. प्लानची वैधता २४ दिवस आहे. एअरटेलच्या सर्व प्लान्समध्ये प्राइम व्हिडिओ मोबाइल एडिशनचे एक महिन्याचे सबस्क्रिप्शन मिळते.

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here