आजकाल स्मार्टफोन्समध्ये कमी किमतीत एकापेक्षा अधिक पर्याय उपलब्ध असतात. पण, जर तुमचे बजेट १५ ते २० हजार रुपयांपर्यंत असेल, तर आज आम्ही तुम्हाला या किंमतीच्या श्रेणीमध्ये कोणते सर्वोत्तम मोबाइल मिळतील याची माहिती देणार आहोत. भारतीय बाजारात गेल्या काही दिवसात अनेक शानदार स्मार्टफोन्स लाँच झाले असून नुकताच नामांकित स्मार्टफोन कंपनी मोटोरोलाने देखील त्यांचा सर्वात स्वस्त ५जी स्मार्टफोन Moto G51 5G नुकताच लाँच केला आहे. तुम्ही देखील १५ ते २० हजार रुपयांमध्ये चांगले स्मार्टफोन्स शोधत असाल तर, सध्या जबरदस्त पर्याय उपलब्ध आहेत. या सेगमेंटमध्ये दमदार फीचर्ससह येणारे फोन्स आहे. तुम्हाला आज आम्ही अशाच काही फोन्सबद्दल माहिती देणार आहोत. यात पॉवरफूल बॅटरी, एचडी डिस्प्ले, शानदार कॅमेरा व प्रोसेसरसह भन्नाट फीचर्स देण्यात आले आहे. जाणून घ्या या फोन्सविषयी सविस्तर.

Redmi Note 11T 5G

redmi-note-11t-5g

Redmi Note 11T 5G स्मार्टफोनमध्ये ६.६ -इंचाचा फुल-एचडी + १०८०x२४०० पिक्सेल डिस्प्ले आहे. डिस्प्लेचा आस्पेक्ट रेशो २०: ९ आहे आणि अॅडॉप्टिव्ह रिफ्रेश रेट ९० Hz आहे. हे डिव्हाइस ८ 8GB पर्यंत RAM आणि १२८ GB पर्यंत स्टोरेजसह ऑक्टा-कोर MediaTek Dimensity ८१० प्रोसेसरद्वारे समर्थित आहे. याला RAM बूस्टर वैशिष्ट्य देखील मिळते, जे इंटर्नल स्टोरेज वापरून ३ GB पर्यंत अतिरिक्त रॅम जोडते. Redmi Note 11T 5G स्मार्टफोन ड्युअल रियर कॅमेरा सेटअपसह येतो. Redmi Note 11T 5G च्या ६ GB रॅम आणि ६४ GB स्टोरेज वेरिएंटची किंमत १६,९९९ रुपये आहे.

Realme 8 5G

realme-8-5g

Realme 8 5G मध्ये MediaTek Dimensity 700 प्रोसेसर आहे. स्मार्टफोनच्या मागील कॅमेरामध्ये ४८ मेगापिक्सलचा प्राथमिक कॅमेरा, २ मेगापिक्सलचा दुसरा कॅमेरा आणि २ मेगापिक्सलचा तिसरा कॅमेरा आहे. या स्मार्टफोनमध्ये १६ मेगापिक्सलचा फ्रंट कॅमेरा आहे. ऑपरेटिंग सिस्टमसाठी, हा स्मार्टफोन Android 11 वर काम करतो. स्टोरेजबद्दल बोलायचे झाले तर या फोनमध्ये ४ GB रॅम आणि ६४ GB स्टोरेज आहे. या स्मार्टफोनमध्ये ५००० mAh बॅटरी आहे, जी ६७ W फास्ट चार्जिंगद्वारे समर्थित आहे. Realme 8 5G च्या ४ GB रॅम आणि ६४ GB स्टोरेज वेरिएंटची किंमत १५,४९९ रुपये आहे.

Poco M3 Pro 5G

poco-m3-pro-5g

हा फोन Octa Core MediaTek MT6833 Dimensity 700 5G वर काम करतो. स्मार्टफोनमध्ये ६४ GB इंटरनल स्टोरेज आणि ४ GB रॅम आहे. कॅमेरा सेटअपच्या बाबतीत, या स्मार्टफोनच्या मागील कॅमेरामध्ये ४८ मेगापिक्सलचा प्रायमरी कॅमेरा,२ -मेगापिक्सलचा दुसरा कॅमेरा आणि २ मेगापिक्सलचा तिसरा कॅमेरा आहे. या स्मार्टफोनमध्ये ८ मेगापिक्सलचा सेल्फी कॅमेरा आहे. या स्मार्टफोनमध्ये ५००० mAh बॅटरी आहे, जी १८ W फास्ट चार्जिंगला सपोर्ट करते. बातमी लिहतपर्यंत, फ्लिपकार्टवर POCO M3 Pro 5G च्या ४GB रॅम आणि ६४ GB इंटर्नल स्टोरेज व्हेरिएंटची किंमत १४,९९९ रुपये आहे.

Oppo A74 5G

oppo-a74-5g

OPPO A74 5G ९० Hz रिफ्रेश रेट, १०८० x २४०० पिक्सेल रिझोल्यूशन आणि २० :९ आस्पेक्ट रेशोसह ६.५ -इंचाचा IPS LCD डिस्प्ले दाखवतो. हा फोन Octa Core Qualcomm SM4350 Snapdragon 480 5G वर काम करतो. स्मार्टफोनमध्ये १२८ GB इंटरनल स्टोरेज आणि ६ GB रॅम आहे. ४८ मेगापिक्सलचा पहिला कॅमेरा, २ मेगापिक्सलचा दुसरा कॅमेरा आणि २ मेगापिक्सलचा तिसरा कॅमेरा आहे. १६ मेगापिक्सलचा सेल्फी कॅमेरा यात आहे. फोनमध्ये ५००० mAh बॅटरी आहे, जी १८ W फास्ट चार्जिंगद्वारे समर्थित आहे. बातमी लिहतपर्यंत, OPPO च्या वेबसाइटवर OPPO A74 5G च्या ६ GB रॅम आणि १२८ GB अंतर्गत स्टोरेज वेरिएंटची किंमत १७,९९० रुपये आहे.

Moto G51 5G

moto-g51-5g

हा नवीन स्मार्टफोन Android 11 वर आधारित MyUX वर काम करतो. फोटोग्राफीसाठी ट्रिपल रियर कॅमेरा सेटअप फोनच्या मागील पॅनलवर, ५० मेगापिक्सलचा प्राथमिक कॅमेरा सेन्सर, ८ मेगापिक्सेल अल्ट्रा-वाइड कॅमेरा आणि २ मेगापिक्सेल मॅक्रो कॅमेरा सेन्सरसह देण्यात आला आहे. सेल्फी आणि व्हिडिओ कॉलिंगसाठी फोनच्या पुढील बाजूस १३ मेगापिक्सेल कॅमेरा सेंसर आहे. सॉफ्टवेअरबद्दल बोलायचे झाल्यास, या Motorola स्मार्टफोनच्या ४ GB रॅम आणि ६४ GB स्टोरेज वेरिएंटची किंमत १४,९९९ रुपये निश्चित करण्यात आली आहे.

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here