भारतात गेल्या काही वर्षात ओटीटी प्लॅटफॉर्म्सची लोकप्रियता प्रचंड वाढल्याचे पाहायला मिळत आहे. करोना व्हायरस महामारीच्या काळात थिएटर बंद असल्याने लोकं ओटीटी प्लॅटफॉर्म्सकडे वळल्याचे पाहायला मिळत आहे. मात्र, ओटीटी प्लॅटफॉर्म्सचे सबस्क्रिप्शन घेणे सर्वांनाच परवडते असे नाही. अनेक रिचार्ज प्लान्सवर देखील मोफत ओटीटी सबस्क्रिप्शन दिले जाते. भारतात अनेक ओटीटी प्लॅटफॉर्म्स उपलब्ध झाले असून, यातील तीन प्रमुख Netflix, Amazon Prime आणि Disney Plus Hotstar हे आहेत. या तिन्ही प्रमुख कंपन्यांनी भारतातील आपल्या सबस्क्रिप्शन प्लान्सच्या किंमतीमध्ये बदल केला आहे. काही कंपन्यांनी आपल्या प्लान्सच्या किंमती वाढवल्या आहेत, तर काहींनी अचानक किंमती कमी करत ग्राहकांना मोठे सरप्राइज दिले आहे. कंपन्या मासिक, त्रिमासिक आणि वार्षिक वैधतेचे प्लान्स सादर करत आहेत व यात मिळणारे बेनिफिट्स देखील वेगळे आहेत. Netflix, Amazon Prime आणि Disney Plus Hotstar च्या सबस्क्रिप्शन प्लान्सविषयी सविस्तर जाणून घेऊया.

​Netflix चे सबस्क्रिप्शन प्लान्स

नेटफ्लिक्स-

Netflix ने भारतात आपल्या प्लान्सच्या किंमती कमी करत ग्राहकांना मोठे गिफ्ट दिले आहे. कंपनीच्या प्लान्सची सुरुवात १९९ रुपयांपासून होत असे, मात्र आता किंमत कमी झाली आहे. आता नेटफ्लिक्सचे प्लान १४९ रुपयांपासून सुरू होतात. हा मोबाइल प्लान असून, यात ४८०पी रिझॉल्यूशनमध्ये कंटेटं पाहता येईल. १९९ रुपयांच्या प्लानमध्ये मोबाइल आणि टीव्ही दोन्हीचा अ‍ॅक्सेस मिळेल. कंपनीने ६४९ रुपयांच्या स्टँडर्ड प्लानची किंमत ४९९ रुपये केली आहे. तसेच, ७९९ रुपयांच्या मासिक प्लानची किंमत आता ६४९ रुपये झाली असून, यात मिळणारे बेनिफिट्स वेगवेगळे आहेत.

​Amazon Prime चे सबस्क्रिप्शन प्लान्स

amazon-prime-

एकीकडे Netflix ने आपल्या प्लान्सच्या किंमती कमी केल्या आहेत, तर Amazon Prime ने दर वाढवले आहेत. प्राइमचे मासिक सबस्क्रिप्शन शुल्क आधी १२९ रुपये होते, आता ही किंमत १७९ रुपये झाली आहे. तसेच, तीन महिन्यांच्या प्लानची किंमत ३२९ रुपये होती, जी आता ४५९ रुपये झाली आहे. कंपनी ९९९ रुपयांच्या वार्षिक प्लानची किंमत वाढवून १,४९९ रुपये केली आहे. Amazon Prime ने प्लान्सच्या किंमती वाढवल्या असल्या तरीही सर्व्हिस आधीप्रमाणेच मिळेल.

​Disney+ Hotstar चे सबस्क्रिप्शन प्लान्स

डिस्ने-हॉटस्टार-

Netflix आणि Amazon Prime नंतर भारतात Disney+ Hotstar प्रमुख ओटीटी प्लॅटफॉर्म आहे. भारतात Disney+ Hotstar च्या सबस्क्राइबर्स संख्या देखील सर्वाधिक आहे. कंपनीकडे तीन प्लान्स आहेत. यातील वर्षभराच्या वैधतेसह येणारे ४९९ रुपये, ८९९ रुपये आणि १,४९९ रुपये असे तीन प्लान्स आहेत. मात्र, यात मिळणारे फायदे वेगवेगळे आहेत. ४९९ रुपयांच्या बेसिक प्लानमध्ये केवळ १ मोबाइल डिव्हाइसवर कंटेंट पाहू शकता. तर इतर प्लानमध्ये ४ डिव्हाइसचा अ‍ॅक्सेस मिळेल.

​रिचार्ज प्लान्समध्ये मिळेल ओटीटी सबस्क्रिप्शन

टेलिकॉम कंपन्या एअरटेल, जिओ आणि वोडाफोन आयडियाच्या काही प्रीपेड प्लान्समध्ये केवळ डेटा, कॉलिंग, एसएमएस नाही तर ओटीटी सबस्क्रिप्शनची देखील सुविधा मिळते. एअरटेलकडे ५९९ रुपयांचा प्लान असून, यामध्ये २८ दिवस दररोज ३ जीबी डेटा मिळतो. तसेच, एक वर्षासाठी Disney+ Hotstar सबस्क्रिप्शन मोफत मिळेल. जिओच्या ६०१ रुपयांच्या प्लानमध्ये देखील यूजर्सला Disney+ Hotstar सबस्क्रिप्शन मोफत दिले जात आहे. तसचे, वीआयच्या २८ दिवस वैधतेसह येणाऱ्या ५०१ रुपयांच्या प्लानमध्ये देखील ही सुविधा मिळते.

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here