फेसबुकने मेटाचे नाव बदलले
२०२१ मध्ये सोशल मीडिया कंपनी Facebook ने आपल्या कंपनीचे नाव बदलून ‘Meta’ केले. मेटॉवर्स म्हणजे लोकांची उपस्थिती डिजिटल असेलले जग. ज्यात लोक एकमेकांना डिजिटल पद्धतीने भेटू शकतील. कंपनीचे सीईओ मार्क झुकेरबर्ग यांनी याची घोषणा केली. मेटाव्हर्स तयार करण्याच्या मार्क झुकरबर्गच्या दीर्घकालीन दृष्टीचा हा एक भाग असलयाचे सांगितले गेले.
Twitter चे नवीन CEO: २०२१ मध्ये भारतीय वंशाचे IIT बॉम्बे पदवीधर पराग अग्रवाल हे Twitter चे नवीन CEO बनले. पराग सिलिकॉन व्हॅली टेक कंपनीचे नेतृत्व करत आहेत.
जिओफोन नेक्स्ट लॉन्च
JioPhone Next: Reliance Jio आणि Google ने संयुक्तपणे तयार केलेला JioPhone Next, या वर्षी लाँच झाला. या फोनमध्ये कस्टम ओएस देण्यात आला आहे, पण फोनची किंमत तितकी नाही जसा लोकांचा अंदाज होत.
PUBG गेम डेव्हलपर कंपनी Krafton ने बॅटलग्राउंड्स मोबाईल इंडिया म्हणून नवीन अवतारात PUBG ला परत सादर केले हा गेम आल्यानंतर लगेचच हिट झाला आणि क्राफ्टन हे गेमर्स मध्ये एक ओळखीचे आणि प्रसिद्ध नाव बनले.
इंस्टाग्राम रील्स
इंस्टाग्रामवर सध्या बरीच रील्स आहेत. याशिवाय, इंस्टाग्रामने अधिकृतपणे सांगितले आहे की, हे अॅप फोटोंसाठी नसून व्हिडिओसाठी आहे. इंस्टाग्राम रील्ससाठी टिकटॉक बंदी हे कारण मानले जाऊ शकते.
Google Pixel: टेक दिग्गज गुगलने यावर्षी गुगल पिक्सेल सादर केला आहे, ज्याची बाजारात बरीच चर्चा होती. या फोनमध्ये कस्टम मेड प्रोसेसर, उत्तम लुक, मजबूत कॅमेरा आहे. मात्र, हा फोन भारतात आलेला नाही. २०२१ मध्ये Google ने Gmail, Maps आणि इतर सेवांचाही विस्तार केला आहे.
एलोन मस्क आणि स्पेकएक्स
२०२१ हे वर्ष एलन मस्कसाठी सर्वोत्तम ठरले आहे. या काळात टेस्लाचे बाजार मूल्य लक्षणीय वाढले आहे. सोबतच SpaceX देखील वाढले. आता उपग्रहावर आधारित इंटरनेट सेवा घरोघरी येणार आहे. गेल्या १२ महिन्यांत Elon Musk यांच्या संपत्तीत झपाट्याने वाढ झाल्याने यावर्षीच एलोन मस्क हे जगातील सर्वात श्रीमंत व्यक्ती बनले आहेत.
फोल्ड करण्यायोग्य फोन:
फोल्डेबल फोन अद्याप मुख्य प्रवाहात आले नाहीत. Apple ने फोल्डेबल आयफोन बनवल्यास त्याला iFold किंवा iFlip असे म्हटले जाऊ शकते. यादरम्यान सॅमसंग नवीन स्मार्टफोन आणत असून आता Oppo देखील फोल्डेबल स्मार्टफोन घेऊन येत आहे. पुढील वर्षी या श्रेणीत आणखी बरेच स्मार्टफोन येऊ शकतात.
ऍपल उत्पादने
Apple ने २०२१ मध्ये अनेक प्रोडक्टस लाँच केले. ज्यात चार iPhones, नवीन AirPods, AirTag, अनेक Macs आणि iPads यांचा समावेश आहे. अॅपलसाठी हे वर्ष थोडे व्यस्तच राहिले. या वर्षी कंपनीने पॉलिशिंग क्लॉथ देखील सादर केले, ज्याची किंमत १,९९९ रुपये आहे.
बिटकॉइन आणि क्रिप्टोकरन्सी: आजच्या काळात क्रिप्टोकरन्सी भारतात मुख्य प्रवाहात आल्या आहेत. आता लोकांकडे गुंतवणुकीचा नवा पर्याय आहे. मात्र, त्यावर बंदी घालण्याचा कोणताही प्रस्ताव भारत सरकारकडे नाही.
Gadget News in Marathi: Computer, Mobile, Auto News in Marathi | Maharashtra Times
