वर्ष 2021 मध्ये भारतीय बाजारात एकापेक्षा एक दमदार स्मार्टफोन्स लाँच झाले आहेत. फोल्डेबल स्मार्टफोन्सपासून ते आयफोनपर्यंत अनेक शानदार हँडसेट २०२१ मध्ये लाँच झाले. आता २०२२ वर्षात देखील भन्नाट हँडसेट्सची स्मार्टफोन्स बाजारात एंट्री होणार आहे. तुम्ही जर नवीन वर्षात स्मार्टफोन खरेदी करण्याचा विचार करत असाल तर काही दिवस वाट पाहा. कारण, लवकरच शानदार फीचर्ससह येणारे फोन्स लाँच होणार आहेत. वर्षाच्या पहिल्या महिन्यात म्हणजेच जानेवारीत काही चांगले फोन्स बाजारात येत आहेत. जानेवारीमध्ये लाँच होणाऱ्या फोन्समध्ये iQOO 9 series, oneplus 10 pro, realme gt 2 pro, Vivo V23 Series आणि xiaomi 11i hypercharge चा समावेश आहे. तुम्ही जर नवीन फोन खरेदी करणार असाल तर हे प्रीमियम स्मार्टफोन्स उत्तम पर्याय ठरतील. या फोन्सविषयी सविस्तर जाणून घेऊया.

iQOO 9 मालिका

iqoo-9-मालिका

iQOO 9 series ला ५ जानेवारीला लाँच केले जाण्याची शक्यता आहे. या सीरिज अंतर्गत कंपनी iQOO 9 आणि iQOO 9 Pro ला सादर करणार आहे. या दोन्ही स्मार्टफोन्समध्ये क्वालकॉम स्नॅपड्रॅगन ८ जनरेशन १ चिपसेटचा सपोर्ट दिला जाईल. डिव्हाइसमध्ये १२० हर्ट्ज रिफ्रेश रेटसह २के एमोलेड डिस्प्ले, तर प्रो मॉडेलमध्ये ५० मेगापिक्सलचा प्रायमरी कॅमेरा मिळेल. दोन्ही स्मार्टफोन्समध्ये पॉवरसाठी ४७०० एमएएचची दमदार बॅटरी मिळेल.

वनप्लस 10 प्रो

oneplus-10-pro

OnePlus 10 Pro स्मार्टफोनला ११ जानेवारीला लाँच केले जाईल. हे डिव्हाइस कंपनीच्या OnePlus 9 Pro चे अपग्रेड व्हर्जन आहे. या फ्लॅगशिप स्मार्टफोनमध्ये देखील Snapdragon ८ Gen १ प्रोसेसरचा सपोर्ट मिळेल. रिपोर्टनुसार, वनप्लस १० प्रो स्मार्टफोनमध्ये ६.७ इंच क्वाड एचडी प्लस एमोलेड डिस्प्ले दिला जाण्याची शक्यता असून, याचा रिफ्रेश रेट १२० हर्ट्ज आहे. यात LTPO २.० टेक्नोलॉजी आणि ८८ वॉट फास्ट चार्जिंग सपोर्टसह ५००० एमएएचची दमदार बॅटरी मिळेल.

रिअल जीटी 2 प्रो

खरोखर-gt-2-pro

२०२१ वर्षात रियलमीच्या स्मार्टफोन्सचा दबदबा पाहायला मिळाला. कंपनीने दमदार फीचर्ससह येणारे अनेक स्मार्टफोन्स या वर्षात लाँच केले. आता कंपनी २०२२ च्या सुरुवातीलाच Realme GT 2 Pro ला लाँच करण्याची शक्यता आहे. रियलमीचा हा फोन ४ जानेवारीला लाँच होऊ शकतो. यात Snapdragon ८ Gen १ प्रोसेसर, ६.७ इंच फुल एचडी प्लस एमोलेड डिस्प्ले, १२ जीबीपर्यंत रॅम, ट्रिपल रियर कॅमेरा सेटअप आणि पॉवरसाठी ५००० एमएएचची बॅटरी दिली जाऊ शकते.

Vivo V23 मालिका

vivo-v23-मालिका

Vivo V23 Series ला ५ जानेवारीला भारतीय बाजारात लाँच केले जाणार आहे. या सीरिज अंतर्गत कंपनी Vivo V23 5G आणि Vivo V23 Pro 5G या दोन हँडसेटला लाँच करेल. या दोन्ही स्मार्टफोन्समध्ये कलर चेजिंग बॅक पॅनेल दिला जाईल. याशिवाय अल्ट्रा स्लिम ३डी कर्व्ड डिस्प्ले मिळेल. फोटोग्राफीसाठी हँडसेटमध्ये ५० मेगापिक्सल ड्यूल सेल्फी कॅमेरा आणि १०८ मेगापिक्सलचा मुख्य रियर कॅमेरा दिला जाईल. याशिवाय अनेक शानदार फीचर्स फोनमध्ये मिळतील.

Xiaomi 11i हायपरचार्ज

xiaomi-11i-हायपरचार्ज

Xiaomi जानेवारी २०२२ मध्ये आपली नवीन स्मार्टफोन सीरिज Xiaomi 11i ला लाँच करणार आहे. या सीरिजला ६ जानेवारीला लाँच केले जाईल. कंपनी या सीरिज अंतर्गत Xiaomi 11i आणि Xiaomi 11i HyperCharge फोन्सला लाँच करेल. या सीरिजमधील टॉप व्हेरिएंट १२० हर्ट्ज रिफ्रेश रेट आणि १२० वॉट सुपर फास्ट चार्जिंग सपोर्ट दिला आहे. या फोनमध्ये मीडियाटेक डायमेंसिटी ९२० प्रोसेसरचा देखील सपोर्ट मिळेल.

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here