व्हॉट्सअॅपवर एक मेसेज मोठ्या प्रमाणात शेअर केला जात आहे. ज्यात हा दावा करण्यात येत आहे की, भारतीय लष्कराने राजस्थानच्या बाडमेरमध्ये केवळ दोन दिवसात १००० बेडची क्षमता असलेले हॉस्पिटल तयार केले आहे. या दाव्यासह तीन वेगवेगळे फोटो शेअर केले जात आहे.
या फोटोसह मेसेज लिहिलाय की, बाडमेर मध्ये लष्कराने १००० खाटांहून अधिक क्षमता असलेले अत्याधुनिक हॉस्पिटल तयार करून राजस्थान सरकारला केवळ दोन दिवसात समर्पित केले. तीन हॉस्पिटल भारत सरकारला समर्पित केले, देशाच्या जवानाला सलाम.
तसेच, याच फोटोसह ट्विटरवरही हाच दावा करण्यात येत आहे.
खरं काय आहे?
भारतीय लष्कराने राजस्थानच्या बाडमेर मध्ये १००० बेडची क्षमता असलेले हॉस्पिटल बनवले नाही आहे.
कशी केली पडताळणी ?
भारतीय लष्कराच्या अधिकृत ट्विटर हँडलवर गेल्यानंतर आम्हाला २३ मार्च २०२० रोजीचे एक ट्विट मिळाले. या ट्विटमध्ये हा मेसेज फेक असल्याचे म्हटले आहे.
या ट्विटचे भाषांतर असे आहे, सोशल मीडियावर एक चुकीची माहिती शेअर केली जात आहे. भारतीय लष्कराने राजस्थानच्या बाडमेरमध्ये क्वॉरंटीन सुविधा देण्यासाठी १००० बेडची क्षमता अससेले हॉस्पिटल तयार केले आहे. ही माहिती चुकीची आहे.
निष्कर्ष
राजस्थानच्या बाडमेरमध्ये भारतीय लष्कराने १००० बेडची क्षमता असलेले हॉस्पिटल बनवले असल्याचा दावा चुकीचा आहे, असे मटा फॅक्टच्या पडताळणीत स्पष्ट झाले आहे.
Gadget News in Marathi: Computer, Mobile, Auto News in Marathi | Maharashtra Times
