भारतीय बाजारात दर आठवड्याला एकापेक्षा एक शानदार स्मार्टफोन्स लाँच होत आहे. वेगवेगळ्या प्राइस रेंज आणि स्पेसिफिकेशन्समध्ये असंख्य फोन्स बाजारात उपलब्ध आहेत. त्यामुळे कोणता फोन खरेदी करावा, याबाबत गोंधळ निर्माण होतो. तुम्ही जास्त रॅम-स्टोरेज अथवा शानदार कॅमेरा आणि पॉवरफुल बॅटरीसह येणारा फोन घेण्याचा विचार करत असाल तर बाजारात काही चांगले पर्याय उपलब्ध आहेत. विशेष म्हणजे या फोन्सची किंमत देखील कमी आहे. आम्ही तुम्हाला अशाच टॉप – ४ स्मार्टफोन्सची माहिती देणार आहोत, जे ५० मेगापिक्सल ट्रिपल रियर कॅमेरा सेटअप आणि ५००० एमएएच पॉवरफुल बॅटरीसह येतात. या स्पेसिफिकेसन्ससह बाजारात तुम्हाला Redmi 10 Prime, Realme 8i, Infinix Note 11 आणि Realme Narzo 50A हे स्मार्टफोन्स मिळतील. १५ हजार रुपयांच्या बजेटमध्ये येणाऱ्या या स्मार्टफोन्सविषयी सविस्तर जाणून घेऊया.

रेडमी 10 प्राइम

redmi-10-prime

Redmi 10 Prime स्मार्टफोनला तुम्ही फक्त १२,४९९ रुपयात खरेदी करू शकता. यामध्ये ६.५ इंच FHD+ डिस्प्ले दिला आहे. यात मीडियाटेक हीलियो जी८८ चिपसेटचा सपोर्ट मिळतो. फोटोग्राफीसाठी यात क्वाड रियर कॅमेरा सेटअप दिला असून, यात ५० मेगापिक्सल मुख्य कॅमेरा, ८ मेगापिक्सल अल्ट्रा वाइड अँगल लेंस, २ मेगापिक्सल मॅक्रो लेंस आणि २ मेगापिक्सल डेप्थ सेंसरचा सपोर्ट मिळतो. फ्रंटला ८ मेगापिक्सलचा कॅमेरा दिला आहे. हा फोन अँड्राइड ११ आधारित MIUI १२.५ वर काम करतो. यात ६००० एमएएचची बॅटरी दिली आहे.

Realme 8i

खरोखर-8i

Realme 8i स्मार्टफोनची किंमत १४,९९९ रुपये आहे. हा फोन अँड्राइड ११ ओएसवर काम करतो. यामध्ये ६.६ इंच एचडी प्लस डिस्प्ले, ऑक्टा-कोर MediaTek Helio G९६ प्रोसेसर दिला आहे. फोटोग्राफीसाठी ट्रिपल रियर कॅमेरा सेटअप दिला असून, याचा मुख्य कॅमेरा ५० मेगापिक्सल आहे. तसेच, २ मेगापिक्सल लेंस मिळते. सेल्फीसाठी फ्रंटला १६ मेगापिक्सलचा कॅमेरा दिला आहे. पॉवरसाठी १८ वॉट फास्ट चार्जिंग सपोर्टसह ५००० एमएएचची दमदार बॅटरी मिळते.

Infinix Note 11

infinix-note-11

Infinix Note 11 स्मार्टफोनमध्ये ६.७ इंच फुल एचडी प्लस डिस्प्ले दिला असून, याचे रिझॉल्यूशन १०८०x२४०० पिक्सल आहे. यात ऑक्टाकोर मीडियाटेक हीलियो जी८८ प्रोसेसरचा सपोर्ट दिला असून, फोन अँड्राइड ११ आधारित XOS १० कस्टम स्किनवर काम करतो. यामध्ये ट्रिपल रियर कॅमेरा सेटअप दिला असून, यात ५० मेगापिक्सल मुख्य कॅमेरा, २ मेगापिक्सल सेंसर आणि एक एआय लेंस मिळते. फ्रंटला १६ मेगापिक्सल कॅमेरा दिला आहे. तर ३३ वॉट फास्ट चार्जिंग सपोर्टसाठी ५००० एमएएचची बॅटरी मिळते. फोन १२,४९९ रुपयात उपलब्ध आहे.

Realme Narzo 50A

realme-narzo-50a

Realme Narzo 50A स्मार्टफोनमध्ये ६.५ इंच मिनी ड्रॉप फुल स्क्रीन डिस्प्ले दिला असून, याचे स्क्रिन रिझॉल्यूशन ७२०x१६०० पिक्सल आहे. यात रियरला ५० मेगापिक्सल मुख्य कॅमेरा, २ मेगापिक्सल पोर्ट्रेट आणि एक मॅक्रो लेंस मिळते. तर सेल्फीसाठी ८ मेगापिक्सलचा कॅमेरा दिला आहे. हा फोन MediaTek Helio G८५ गेमिंग प्रोसेसर सपोर्टसह येतो. यात १८ वॉट फास्ट चार्जिंग सपोर्टसह ६००० एमएएचची बॅटरी मिळते. हँडसेटला फक्त ११,४९९ रुपयात खरेदी करू शकता.

सर्व स्पेसिफिकेशन्स पाहा

Gadget News in Marathi: Computer, Mobile, Auto News in Marathi | Maharashtra Times

RELATED ARTICLESMORE FROM AUTHOR

LEAVE A REPLY

Please enter your comment!
Please enter your name here