आज प्रत्येक व्यक्तीच्या जीवनात मोबाईलचे महत्त्व वाढले आहे. नोकरदारांना कामासाठी मोबाइल, इतर लोकांना मनोरंजनासाठी, तर मुलांना ऑनलाइन अभ्यासासाठी मोबाइल हवा असतो. मोबाईलमुळे अनेकांचे काम सोपे झाले आहे, मात्र अनेक वेळा बॅटरी कमी असल्याने मोबाईल बंद झाल्यावर लोकांना अडचणींना सामोरे जावे लागते. अशा परिस्थितीत जर तुम्हीही तुमच्या फोनची बॅटरी वारंवार कमी होत असल्याने हैराण झाला असाल तर ही विशेष माहिती तुमच्यासाठीच. आज आम्ही तुम्हाला याशी संबंधित काही टिप्स सांगणार आहोत, ज्याचा अवलंब करून तुम्ही फोन पुन्हा पुन्हा चार्ज करण्यापासून सुटका मिळवू शकाल. त्याचबरोबर तुमच्या फोनची बॅटरी लाइफ वाढेल. फोनमध्ये अशा अनेक गोष्टी आहेत ज्या जास्त बॅटरी वापरण्याचे कारण आहेत आणि जर तुम्हाला हे माहित असेल तर तुम्ही या समस्येपासून सुटका मिळवू शकता. जाणून घ्या डिटेल्स.

पॉवर सेव्हिंग मोड

पॉवर सेव्हिंग मोड

पॉवर सेव्हिंग मोडचा वापर करा: बॅटरी ड्रेन होण्यापासून वाचवायची असल्यास त्याकरिता आवश्यक मजबूत शस्त्रांपैकी एक म्हणजे पॉवर सेव्हिंग मोड. वारंवार बॅटरी संपत असल्यास लो पॉवर मोड वापरणे फायद्याचे ठरेल. हा मोड इनेबल केल्यास फोन केवळ महत्त्वाचीच काम करतो. यामुळे डाउनलोड, मेल फेच सारख्या बॅकग्राउंड अ‍ॅक्टिव्हिटी बंद होतात. पॉवर सेव्हिंग मोड सुरु केल्याने फोनला डाउनलोड आणि मेल फेचेस यांसारख्या बॅकग्राउंड अ‍ॅक्टिव्हिटी थांबवताना केवळ अत्यंत आवश्यक कामं करण्याचीच अनुमती मिळते.

फ्लाइट मोड

फ्लाइट-मोड

फ्लाईट मोड सुरु करा: फोनची बॅटरी लवकर संपण्यापासून वाचवायची असेल तर तुम्ही डिव्हाइसला एअरप्लेन मोडमध्ये देखील ठेवू शकता, जे तुमच्या फोनची सर्व वायरलेस वैशिष्ट्ये बंद करते. पण, इथे लक्षात घेण्यासारखी बाब म्हणजे या काळात कॉल आणि टेक्स्ट मेसेज येणार नाहीत. तुम्ही अद्याप Wi-Fi शी फोन कनेक्ट करू शकता. सेटिंग्समधून तुम्ही एअरोप्लेन मोड ऑन करू शकता आणि या सोप्पी पद्धतींचा अवलंब करून स्मार्टफोनचा बॅटरी बॅक थोडा अधिक वाढवू शकता.

अपडेट्स

अद्यतने

स्मार्टफोनला अपडेटेड ठेवा: स्मार्टफोनमध्ये नेहमी अपडेट्सचे नोटिफिकेशन्स येत असतात. पण, अनेक युजर्स याकडे सर्रास दुर्लक्ष करतात. पण, असे करणे स्मार्टफोनच्या बॅटरी बॅकअपसाठी चांगले नाही. म्हणूनच जर तुम्हाला तुमच्या फोनची बॅटरी लवकर संपण्यापासून वाचवायची असेल, तर तुम्ही तुमच्या फोनमधील अॅप्स आणि ऑपरेटिंग सिस्टम अपडेटेड ठेवणे महत्त्वाचे आहे. यासाठी तुम्ही फोनमध्ये ऑटोमॅटिक अॅप अपडेट सक्षम करावे लागेल. असे केल्यास फोनची बॅटरी अधिक काळ टिकेल.

जीपीएस सेवा

gps-सेवा

GPS चा सतत वापर टाळा: GPS फीचर्समुळे युजर्सची सोय तर नक्कीच झाली आहे. पण, हे फीचर सतत सुरु असेल तर तुमच्या फोनची बॅटरी अधिक काळ तुम्हाला साथ देणार नाही. म्हणूनच, तुमच्या फोनमध्ये GPS वैशिष्ट्याची गरज नसताना ते बंद ठेवा. काही युजर्सच्या फोनमध्ये कायमच Google Maps सारख्या लोकेशन सर्व्हिस सुरू असतात. यामुळे बॅटरी लवकर संपते. ही सर्व्हिस बंद केल्यास फोन या सर्व्हिसेजला डेटा फीड करणे बंद करते. आणि अतिरिक्त चार्जिंग जात नाही. सेटिंग्ज > गोपनीयता > स्थान सेवा याद्वारे स्थान सेवा पूर्णपणे बंद करू शकता.

चमक

चमक

ब्राईटनेस नेहमी कमी ठेवा : आजकाल स्मार्टफोनचे डिस्प्ले मोठे आणि चमकदार असतात. पण, तुम्हाला माहितेय का की स्मार्टफोनचे चमकदार डिस्प्ले तुमच्या बॅटरीचे आयुष्य कमी करतात. म्हणूनच स्मार्टफोनची ब्राईटनेस लो ठेवणे कधीही चांगले. तुम्ही ऑटो-ब्राइटनेसला अ‍ॅक्टिव्हेट करू शकता. यामुळे फोनचे ब्राइटनेस आपोआप एडजस्ट होईल. तसेच, यामुळे तुमच्या फोनची बॅटरी लवकर डिस्चार्ज होणार नाही आणि फोन चांगला बॅटरी बॅकअप देईल. रात्रीच्या वेळी क्रिस्प स्क्रीन फोनची बॅटरी लवकर ड्रेन करते. अशात तुम्ही ब्राइटनेस कमी केल्यास याचा फायदा होईल.

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here