हायलाइट्स:

  • Microsoft Surface Pro X भारतात लाँच.
  • वाय-फाय कनेक्टिव्हिटीसह येतो हा टॅबलेट.
  • डिव्हाइसची सुरुवाती किंमत ९३,९९९ रुपये.

नवी दिल्ली : मायक्रोसॉफ्ट ने भारतीय बाजारात Surface Pro X टॅबलेटचे वाय-फाय मॉडेल लाँच केले आहे. डिव्हाइस आजपासून सर्व अधिकृत रिसेलर्स आणि रिलायन्स डिजिटलवर खरेदीसाठी उपलब्ध झाले आहे. विंडोज ११ सह येणारे हे नवीन मॉडेल खूपच पातळ असून, यात १३ इंच डिस्प्ले मिळतो.

वाचा: Recharge Plans: BSNL ने लाँच केले २०० रुपयांपेक्षा कमी किंमतीचे प्लान्स, मोफत कॉलिंगसह मिळेल ११२ जीबी डेटा

या नवीन मॉडेलच्या लाँचिंगबाबत बोलताना मायक्रोसॉफ्ट इंडियाचे कंट्री हेड – डिव्हाइसेस (Surface), भास्कर बासू म्हणाले की, बिल्ट-इन वाय-फायसह येणाऱ्या नवीन Surface Pro X सह पोर्टफोलियोचा विस्तार करताना आम्हाला आनंद होत आहे. हे नवीन मॉडेल कमी किंमतीत आकर्षक डिझाइनसह दमदार बॅटरी लाइफ प्रदान करते.

मायक्रोसॉफ्ट सरफेस प्रो एक्स चे स्पेसिफिकेशन्स

Microsoft Surface Pro X चे वजन फक्त ७७४ ग्रॅम असून, हे खूपच हलके व पातळ डिव्हाइस आहे. यात कस्टम-बिल्ट मायक्रोसॉफ्ट प्रोसेसरचा सपोर्ट दिला असून, यामुळे फास्ट कनेक्टिव्हिटी, दमदार बॅटरी लाइफ आणि शानदार परफॉर्मेंस मिळतो.

यात फ्रंटला ५ मेगापिक्सलचा कॅमेरा दिला असून, याद्वारे १०८०पी एचडी व्हिडिओ रेकॉर्ड करू शकता. यात आर्टिफिशियल इंटिलिजेंस आणि ऑनबोर्ड न्यूरल इंजिनचा सपोर्ट दिल्याने व्हिडिओ कॉल दरम्यान तुम्ही थेट कॅमेऱ्यात पाहत असल्याचे दिसते. तसेच, फार-फिल्ड स्टुडिओ माइकस आणि ऑप्टिमाइज्ड स्पीकर्स शानदार व्हिडिओ कॉलिंग अनुभव प्रदान करतात. डिव्हाइसमध्ये दोन यूएसबी-सी पोर्ट्स आणि मॅग्नेटिक सर्फलिंग (अतिरिक्त यूएसबी-ए) दिले आहे.

मायक्रोसॉफ्ट

यामध्ये हाय-रिझॉल्यूशनसह १३ इंच डिस्प्ले दिला आहे. यात बिल्ट-इन किकस्टँड असल्याने तुम्ही तुमच्या गरजेनुसार डिव्हाइसला एडजस्ट करू शकता. यासोबत, Surface Slim Pen 2 देखील दिला असून, याद्वारे तुम्हाला लिहिण्याचा अधिक शानदार अनुभव मिळेल.

Microsoft Surface Pro X हा विंडोज ११ वर काम करतो. यात मायक्रोसॉफ्ट टीम्स, ऑफिससह Adobe Photoshop आणि Lightroom सारखे अ‍ॅप्स देखील दिले आहेत. यात कनेक्टिव्हिटीसाठी बिल्ट-इन वाय-फायचा सपोर्ट दिला आहे.

Microsoft Surface Pro X ची किंमत

बिझनेससाठी Microsoft SQ1 सह येणाऱ्या Surface Pro X च्या ८ जीबी रॅम + १२८ जीबी स्टोरेज व्हेरिएंटची किंमत ९४,५९९ रुपये, ८ जीबी रॅम + २५६ जीबी स्टोरेज व्हेरिएंटची किंमत १,१३,२९९ रुपये आहे. तर Microsoft SQ2 सपोर्टसह येणाऱ्या १६ जीबी रॅम + २५६ जीबी स्टोरेज व्हेरिएंटची किंमत १,३१,७९९ रुपये, १६ जीबी रॅम + ५१२ जीबी स्टोरेज व्हेरिएंटची किंमत १,५०,४९९ रुपये आहे.

ग्राहकांसाठी Microsoft SQ1 सपोर्टसह येणाऱ्या ८ जीबी रॅम + १२८ जीबी स्टोरेज व्हेरिएंटची किंमत ९३,९९९ रुपये आहे.

वाचा: Tecno Smartphone: धुमाकूळ घालायला येतोय ‘हा’ धमाकेदार स्मार्टफोन, किंमत असेल फक्त ६ हजार रुपये

वाचा: Earphones: वायर्ड की ब्लूटूथ, तुम्ही कोणते ईयरफोन्स वापरता? असे निवडा बेस्ट ईयरफोन्स, पाहा डिटेल्स

वाचा: Xiaomi Smartphones: Xiaomi 11i Hypercharge 5G चा पहिला सेल आज, खरेदीवर मिळतोय विशेष ऑफ, पाहा डिटेल्स

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here