बीएसएनएल ब्रॉडबँड योजना
BSNL चा अफोर्डेबल प्लान: सरकारी मालकीची दूरसंचार कंपनी BSNL देखील भारत फायबर ब्रॉडबँड अंतर्गत स्वस्त ब्रॉडबँड प्लान ऑफर करते. सर्वात स्वस्त ‘फायबर बेसिक’ योजना आहे, ज्याची किंमत ४४९ रुपये आहे (जीएसटी समाविष्ट नाही) आणि ३० Mbps चा इंटरनेट स्पीड देते. हा प्लान ३३०० GB किंवा ३.३ TB च्या FUP मर्यादेसह येते. डेटा मर्यादा संपल्यानंतरही युजर्स २ Mbps इंटरनेट स्पीडचा आनंद घेऊ शकतात आणि ‘फायबर बेसिक’ प्लान पहिल्या बिलावर ५०० रुपयांपर्यंतच्या रेंटवर ९० % सूट देखील देते.
ACT ब्रॉडबँड योजना
ACT चा स्वस्त प्लान: ACT देखील ४० Mbps अनलिमिटेड डेटा प्लान ऑफर करते ‘ACT Basic’. या प्लानची किंमत साधारणपणे एका महिन्यासाठी ५४९ रुपये असते, परंतु कंपनी आपल्या ग्राहकांसाठी एक अनोखी ऑफर देत आहे, ज्यामध्ये ‘ACT Basic’ प्लान ६ महिन्यांसाठी ४७० रुपये प्रति महिना उपलब्ध आहे. याशिवाय, ब्रॉडबँड प्लाननवर FUP डेटा मर्यादा ५०० GB आहे, त्यानंतर इंटरनेट ५१२ Kbps स्पीडने काम करते. येथे लक्षात घेण्यासारखी गोष्ट म्हणजे हा प्लान बेंगळुरू शहरासाठी आहे आणि देशभरात किंमत वेगळी असू शकते.
नेटप्लस ब्रॉडबँड योजना
नेटप्लसचा सर्वात स्वस्त प्लान : ही कंपनी उत्तरेकडील सात भारतीय राज्यांमध्ये आपली सेवा पुरवते. Netplus १ Gbps पर्यंत इंटरनेट कनेक्शन प्रदान करते. ४९९ रुपये प्रति महिना किमतीत ४० Mbps इंटरनेट स्पीड देणारा खरोखर अनलिमिटेड प्लॅन देखील ऑफर करते. या प्लानमध्ये यूजर्सना अमर्यादित डेटा आणि कॉलिंगचा लाभ मिळतो. Netplus फक्त ४० Mbps प्लान ऑफर करते आणि OTT सदस्यत्व फक्त कंपनीने ऑफर केलेल्या अधिक महाग प्लानसह उपलब्ध आहे. Netplus द्वारे ऑफर केलेला डेटा आँलिंटेड आहे आणि यावर कोणतीही FUP मर्यादा नाही.
एअरटेल ब्रॉडबँड योजना
एअरटेलचा बजेट प्लान: कंपनी एअरटेल एक्सस्ट्रीम फायबरद्वारे उच्च दर्जाची कनेक्टिव्हिटी प्रदान करते. एअरटेलच्या ‘बेसिक’ पॅकची किंमत प्रति महिना ४९९ रुपये आहे आणि ४० Mbps इंटरनेट स्पीड ऑफर करते (कर समाविष्ट नाहीत). युजर्सना या प्लानसह एकूण ३.३ TB किंवा ३३०० GB मासिक FUP डेटा मिळतो. या प्लानमध्ये अनलिमिटेड इंटरनेट तसेच FUP मर्यादेपर्यंत अनलिमिटेड लोकल आणि एसटीडी कॉल्स उपलब्ध आहेत. एअरटेल त्याच्या ब्रॉडबँड प्लानसह ‘Airtel Thanks Benefits’ देखील ऑफर करते. ज्यामध्ये, Wynk Music आणि Shaw Academy चे सदस्यत्व समाविष्ट आहे.
जिओ ब्रॉडबँड योजना
जिओचा सर्वात स्वस्त प्लान: Jio ने ऑफर केलेला सर्वात स्वस्त प्लान ३० Mbps चा इंटरनेट स्पीड देतो. JioFiber च्या या प्लानची किंमत ३९९ रुपये प्रति महिना आहे. या प्लानची FUP मर्यादा ३३०० Gb किंवा ३.३ TB आहे. JioFiber च्या ३० Mbps प्लानचा वापर करून, ग्राहक एकाधिक उपकरणांवर इंटरनेट ऍक्सेस करू शकतात. हाय-स्पीड इंटरनेटसह, युजर्सना डाउनलोड आणि अपलोड गती देखील मिळते. या प्लानमध्ये कोणताही OTT लाभ समाविष्ट केलेला नाही. परंतु जे युजर्स परवडणारे प्लान्स शोधत आहेत त्यांच्यासाठी जिओचा हा प्लान सर्वोत्तम आहे.
Gadget News in Marathi: Computer, Mobile, Auto News in Marathi | Maharashtra Times
