Motorola Moto G51

Motorola Moto G51 हा ५जी कनेक्टिव्हिटीसह येणारा शानदार स्मार्टफोन असून, याची बॅटरी जवळपास दीड दिवस टिकते. तसेच, २० वॉटच्या चार्जरने फोन फक्त २ तासात फुल चार्ज होतो. फोनमध्ये ६.८ इंच डिस्प्ले दिला असून, याचे रिझॉल्यूशन १८००x२४०० पिक्सल आहे. फोटोग्राफीसाठी यात रियरला ५० मेगापिक्सल + ८ मेगापिक्सल + २ मेगापिक्सल आणि फ्रंटला १३ मेगापिक्सलचा कॅमेरा मिळतो. यात क्वालकॉम स्नॅपड्रॅगन ४८०+ प्रोसेसरसह ४ जीबी रॅम आणि ६४ जीबी स्टोरेज दिले आहे. या फोनची सुरुवाती किंमत १४,९९९ रुपये आहे.
Motorola Moto G31

Motorola Moto G31 स्मार्टफोनमध्ये ६.४० इंच डिस्प्ले दिला असून, याचे रिझॉल्यूशन १०८०x२४०० पिक्सल आहे. यात फोटोग्राफीसाठी रियरला ५० मेगापिक्सल + ८ मेगापिक्सल + २ मेगापिक्सल आणि फ्रंटला १३ मेगापिक्सलचा सेल्फी कॅमेरा दिला आहे. यात मीडियाटेक हीलियो जी८५ प्रोसेसरचा सपोर्ट मिळतो. तसेच, ४ जीबी रॅम आणि ६४ जीबी स्टोरेज दिले आहे. पॉवरसाठी ५००० एमएएचची दमदार बॅटरी मिळते. फोनची किंमत १२,९९९ रुपये आहे.
Infinix Hot 11S

तुम्ही जर कमी किंमतीमध्ये चांगला फोन शोधत असाल तर Infinix Hot 11S एक उत्तम पर्याय आहे. या फोनमध्ये ६.७८ इंच डिस्प्ले दिला असून, याचे रिझॉल्यूशन १०८०x२४८० पिक्सल आहे. यामध्ये मीडियाटेक हीलियो जी८८ प्रोसेसरसह ४ जीबी रॅम आणि ६४ जीबी स्टोरेज दिले आहे. फोटोग्राफीसाठी यात रियरला ५० मेगापिक्सल + २ मेगापिक्सल + एआय कॅमेरा दिला आहे. तर फ्रंटला ८ मेगापिक्सलचा कॅमेरा मिळतो. ५००० एमएएच बॅटरीसह येणाऱ्या या फोनची किंमत १०,४९९ रुपये आहे.
खरोखर 8i

Realme 8i स्मार्टफोनमध्ये ६.६० इंचाचा शानदार डिस्प्ले दिला असून, याचे रिझॉल्यूशन १०८०x२४१२ पिक्सल आहे. यात फोटोग्राफीसाठी ५० मेगापिक्सल + २ मेगापिक्सल + २ मेगापिक्सलचा ट्रिपल रियर कॅमेरा सेटअप मिळतो. तर सेल्फी आणि व्हिडिओ कॉलिंगसाठी फ्रंटला १६ मेगापिक्सलचा कॅमेरा दिला आहे. यात मीडियाटेक हीलियो जी९६ प्रोसेसरसह ४ जीबी रॅम आणि ६४ जीबी स्टोरेज मिळते. पॉवरसाठी ५००० एमएएचची बॅटरी दिली आहे. फोनला फक्त १३,५९५ रुपयात खरेदी करू शकता.
रेडमी 10 प्राइम

Redmi 10 Prime स्मार्टफोनला तुम्ही फक्त १२,४९९ रुपयात खरेदी करू शकता. यामध्ये ६.५० इंच डिस्प्ले दिला असून, याचे रिझॉल्यूशन १०८०x२४०० पिक्सल आहे. यात मीडियाटेक हीलियो दी८८ प्रोसेसरसह ४ जीबी रॅम आणि ६४ जीबी स्टोरेज दिले आहे. तर फोटोग्राफीसाठी फ्रंटला ८ मेगापिक्सल आणि रियरला ५० मेगापिक्सल + ८ मेगापिक्सल + २ मेगापिक्सल + २ मेगापिक्सलचा क्वाड कॅमेरा सेटअप दिला आहे. पॉवरसाठी ६००० एमएएचची बॅटरी मिळेल.
Gadget News in Marathi: Computer, Mobile, Auto News in Marathi | Maharashtra Times