whatsapp: WhatsApp: इतर कोणी तर वाचत नाही तुमचे WhatsApp चॅट? या फीचर्सच्या मदतीने सुरक्षित राहतील मेसेज

​एन्क्रिप्टेड चॅट

WhatsApp हे एंड टू एंड एन्क्रिप्शन टेक्नोलॉजीवर काम करते. यामुळे कॉल, मेसेज, फोटो, व्हिडिओ, वॉइस मेसेज आणि डॉक्यूमेंट्स केवळ सेंडर आणि रिसिव्हर अ‍ॅक्सेस करू शकतात. कोणतीही तिसरी व्यक्ती या मेसेजला वाचू शकत नाही. एवढेच नाही तर कंपनीला देखील कोणत्या व्यक्तीने काय मेसेज पाठवला आहे, याची माहिती नसते.

टू-स्टेप व्हेरिफिकेशन

WhatsApp अकाउंटच्या सुरक्षेसाठी टू-स्टेप व्हेरिफिकेशन फीचर इनेबल करणे गरजेचे आहे. ही एक अतिरिक्त लेअर सिक्योरिटी आहे. याच्या मदतीने सिम कार्ड चोरीला गेल्यास, अकाउंट रीसेट आणि व्हेरिफाय करण्यासाठी ६ डिजिट पिनची गरज असते.

WhatsApp टच आयडी, फेस आयडी आणि फिंगरप्रिंट लॉक

WhatsApp मध्ये सुरक्षेसाठी अनेक शानदार फीचर्स दिले आहेत. यूजर्सला आयफोनमध्ये टच आयडी आणि फेस आयडी सारखे फीचर्स मिळतात. तर अँड्राइडसाठी फिंगरप्रिंट लॉकचा सपोर्ट मिळतो. याद्वारे यूजर्स WhatsApp अकाउंटला सुरक्षित करू शकतात.

​डिसअपेरिंग फीचर

WhatsApp ने काही दिवसांपूर्वीच डिसअपेरिंग नावाने एक खास फीचर आणले आहे. या फीचरच्या मदतीने सर्व मेसेज ठराविक कालावधीनंतर आपोआप डिलीट होतात. यामुळे कोणतीही इतर व्यक्ती तुमचे मेसेज वाचू शकणार नाही. या फीचरच्या मदतीने चॅट २४ तास, ७ दिवस आणि ९० दिवसांनंतर आपोआप गायब होतात.

View One

WhatsApp ने यूजर्ससाठी View One नावाचे फीचर आणले आहे. या फीचरच्या मदतीने फोटो आणि व्हिडिओ एकदा पाहिल्यानंतर आपोआप गायब होतात. यामुळे यूजर्सला जास्त प्रायव्हसी मिळते.

​एंड-टू-एंड एन्क्रिप्टेड बॅकअप

यूजर iCloud अथवा Google ड्राइव्हवर आपल्या चॅट बॅकअपच्या सुरक्षेसाठी एंड-टू-एंड एन्क्रिप्टेड बॅकअप सिक्योर लेअरचा समावेश करू शकतात. मेसेज आणि मीडिया फाइल्स क्लाउडवर स्टोर होत असतात. एंड-टू-एंड एन्क्रिप्टेड बॅकअपमुळे हा डेटा सुरक्षित राहतो. इतर कोणतीही व्यक्ती हा डेटा अ‍ॅक्सेस करू शकत नाही.

ग्रुप प्रायव्हसी सेटिंग्स

WhatsApp च्या प्रायव्हसी सेटिंग आणि इनव्हाइट सिस्टमद्वारे कोण ग्रुपमध्ये अ‍ॅड करू शकते, हे यूजर्सला ठरवता येते. यामुळे प्रायव्हसीसोबतच, इतर अनोळखी व्यक्ती ग्रुपमध्ये अ‍ॅड होत नाहीत.

​ब्लॉक आणि रिपोर्ट करें

WhatsApp यूजर्सला कोणत्याही इतर यूजर्सला ब्लॉक करण्याची सुविधा मिळते. सोबतच, समस्या असल्यास रिपोर्ट देखील करू शकता. त्यामुळे WhatsApp वर जर एखादी व्यक्ती त्रास देत असल्यास त्याविरोधात तक्रार करता येते. तसेच, त्या यूजर्सला ब्लॉक देखील करू शकता.

अ‍ॅडमिन कंट्रोल

WhatsApp ग्रुपमध्ये अ‍ॅडमिनकडे सर्वाधिक पॉवर असते. अ‍ॅडमिनकडे पॉवर असल्याने सेटिंगमध्ये त्याला बदल करता येतात. तसेच, ग्रुपमध्ये कोण मेसेज करू शकते हे देखील त्याला ठरवता येते.