इंटलेक्चुअल प्रॉपर्टीची चोरी
काही वर्षांपूर्वी अमेरिकेने चीनवर आरोप केला होता की, त्यांची इंटलेक्चुअल प्रॉपर्टी चोरी करत आहे. चीन आपल्या औद्योगिक धोरणांचा विस्तार करत आहे. ज्या परदेशी कंपन्या आपला प्लांट चीनमध्ये सेटअप करतात, त्यांना टेक्नोलॉजी चीनसोबत शेअर करावी लागते. याच कारणामुळे अ‍ॅपल, सॅमसंगसह इतर कंपन्यांना आपली टेक्नोलॉजी त्यांच्यासोबत शेअर करावी लागते. यामुळेच चीन सहज इतर कंपन्यांचे स्मार्टफोन्स, गॅजेट्सव इतर वस्तूंचे बनावट प्रोडक्ट बनवून जगभरात विक्री करते. तसेच, चीनवर चलनात फेरफार करून देखील व्यापार केला जात असल्याचा आरोप केला जातो.
ट्रेड वॉर
चीनवर अनेकदा चलनात फेरफार करून व्यापार करत असल्याचा आरोप झाला आहे. याच कारणामुळे अमेरिका आणि चीनमध्ये ट्रेड वॉर सुरू झाले होते. अमेरिकेने ४ मोठ्या स्तरावर चीनमधून देशात येणाऱ्या वस्तूंवर बंदी घातली होती. तसेच, अमेरिकेने चीनची मोठी कंपनी Huawei ला देखील देशात बॅन केले होते. Huawei अमेरिकेत ५जी चा मोठा सेटअप उभारणार होती. मात्र, अमेरिकेत बंदी घालण्यात आल्याने या हा प्रोजेक्टवर बंद झाला.
डेटा चोरीचा आरोप
अमेरिकेने huawei वर बंदी घालण्यामागे मोठे आरोप केले होते. अमेरिकेने दावा केला होता की, Huawei कंपनी खासगी डेटाची चोरी करत आहे. तसेच, चोरी केलेला हा डेटा थेट चीनच्या लष्करापर्यंत पोहचवला जात आहे. यामुळे भविष्यात देशाच्या सुरक्षेला मोठा धोका निर्माण होऊ शकतो. हे कारण देत अमेरिकेने Huawei वर बंदी घातली होती. यासोबतच, चीनची मोठी टेलिकॉम्युनिकेशन कंपनी ZTE वर देखील अमेरिकेने आपल्या देशात बंदी घातली आहे.
ब्रिटन-ऑस्ट्रेलिया अमेरिकेच्या मार्गावर
अमेरिकेच्या पावलांवर पाऊल ठेवत ब्रिटन आणि ऑस्ट्रेलियाने देखील आपल्या देशात Huawei ला बॅन केले होते. याशिवाय अमेरिका वेळोवेळी आरोप करत आहे की, चीन त्यांची औद्योगिक हेरगिरी करत आहे. सध्या भारतात huawei कंपनी वर बंदी घालण्याबाबत कोणताही निर्णय घेण्यात आलेला नाही. देशातील प्रमुख कंपन्या एअरटेल आणि वीआय हे मोठ्या प्रमाणात आपले इक्विपमेंट Huawei कडून खरेदी करतात. त्यामुळे सध्या केवळ जिओच एकमेव कंपनी आहे जी हे उपकरणं स्वतः तयार करते.
भारत-चीनमधील संबंध
गलवान खोऱ्यात चीन आणि भारतीय सैनिकांमध्ये झालेल्या झटापटीनंतर दोन्ही देशातील संबंधांमध्ये तणाव निर्माण झाला आहे. भारत सरकारने यावेळी सुरक्षेचे कारण देत अनेक चीनी अ‍ॅप्सवर भारतात बंदी देखील घातली होती. यामध्ये भारतात लोकप्रिय असलेल्या सर्वच चीनी अ‍ॅप्सचा समावेश होतो. त्यामुळे भविष्यात भारत सरकार Huawei वर देखील बंदी घालू शकते. मात्र, भारतात Huawei वर बंदी घातल्यास देशातील टेलिकॉम क्षेत्रात जिओची एकाधिकारशाही सुरू होऊ शकते. जी चांगली गोष्ट नाही.
डेटा आणि इंटलेक्चुअल प्रॉपर्टी वॉर
टेक्नोलॉजीमुळे युद्धाचे स्वरुप बदलत चालले आहे, असे म्हटले तरी चुकीचे ठरणार नाही. सध्या डेटा आणि इंटलेक्चुअल प्रॉपर्टी अत्यंत महत्त्वाचे झाले आहे. त्यामुळे बॉम्ब व शस्त्रापेक्षा या गोष्टींना अधिक महत्त्व आले आहे. जगभरातील देश डेटा सिक्योरिटीला ध्यानात ठेवून आर्थिक नियमात बदल करत आहे. एकप्रकारे जग टेक्नोलॉजीच्या शीतयुद्धात प्रवेश करत आहे. अमेरिका आणि चीनच्या माध्यमातून इतर देश देखील यात ओढले जात आहेत. त्यामुळे टेक्नोलॉजीच्या शीतयुद्धात भविष्यात काय होईल हे सांगणे कठीण आहे.
Gadget News in Marathi: Computer, Mobile, Auto News in Marathi | Maharashtra Times
