काम करतांना अचानक वाय-फायचा स्पीड कमी होत असल्याने तुम्हीही हैराण आहात का? हाय स्पीड ब्रॉडबँड प्लान आणि चांगला राउटर असूनही तुम्हाला इतका चांगला स्पीड मिळत नसेल तर तुम्हाला राऊटरकडे विशेष लक्ष देण्याची गरज आहे. वर्क फ्रॉम होम आणि ऑनलाइन क्लासेसमुळे युजर्सना जास्त डेटाची आवश्यकता असते. मोबाइल डेटावर अनेक कामे करणे कठीण असल्याने ब्रॉडबँड कनेक्शन घ्यावे लागते. खूप पैसे खर्चून ब्रॉडबँड कनेक्शन घेतले तरीही जर इंटरनेट स्लो चालत असले अथवा व्हिडिओ पाहताना अडथळा येत असेल तर मग मात्र अस्वस्थ व्हायला होते. वायफाय राउटर चुकीच्या जागी ठेवल्यानेही असे होऊ शकते. तुमचे देखील ब्रॉडबँड कनेक्शन व्यवस्थित काम करत नसल्यास आम्ही तुम्हाला अशाच काही सोप्या टिप्स सांगणार आहोत, ज्याचा तुम्हाला नक्कीच फायदा होईल. जाणून घ्या या सोप्प्या टिप्स आणि रॉकेटसारखी वाढवा वाय फायचा स्पीड.

​राउटर अपग्रेड करा

राउटर अपग्रेड करा: जर तुमच्याकडे हाय स्पीड इंटरनेट प्लान असेल, पण तुम्हाला त्याचा अर्धा स्पीड मिळत नसेल, तर तुमच्या राउटरमध्ये समस्या असू शकते. तुम्ही तुमचा राउटर (किंवा मॉडेम/राउटर कॉम्बो) विकत घेतल्यापासून अनेक वर्षे झाली असल्यास, कदाचित अपग्रेड करण्याची वेळ आली आहे. वायरलेस आणि इंटरनेट तंत्रज्ञान गेल्या काही वर्षांत खूप बदलले आहे आणि 5 किंवा त्याहून अधिक वर्षे जुने असलेले अनेक राउटर नवीन तंत्रज्ञानाला समर्थन देत नाहीत. तुमचा राउटर मॉडेल नंबर पहा आणि तुमच्या इंटरनेट पॅकेजशी त्याच्या वैशिष्ट्यांची तुलना करा.

​डिव्हाइस रीस्टार्ट करा

डिव्हाइस रीस्टार्ट करा: नेहमी लक्षात ठेवा, माणसांप्रमाणेच उपकरणांनाही ब्रेक लागतात. कधी- कधी खराब इंटरनेट गतीच्या बाबतीत राउटर रीसेट करणे चांगले असते. जर तुम्हालाही चांगला वेग मिळत नसेल तर तुमचा राउटर, मॉडेम बंद करा आणि नंतर पुन्हा चालू करा. तुम्ही इंटरनेट बूस्टरची देखील मदत घेऊ शकता. बाजारात वेगवेगळ्या प्रकारचे इंटरनेट बूस्टर उपलब्ध आहे, याची किंमत मिड रेंजपासून ते हाय रेंजपर्यंत आहे. यामुळे घरातील वाय-फायचा स्पीड वाढवण्यासोबतच याची रेंज देखील वाढवेल.

​राउटर अँटेना कुठे आहे?

राउटर अँटेना कुठे आहे? वायफाय स्पीड अनेक गोष्टींवर अवलंबून असते. यात अनेक गोष्टी महत्वच्या आहेत. वायफाय स्पीडमध्ये अँटेना पोझिशन हा देखील महत्त्वाचा घटक आहे. राउटरचा अँटेना ४५ आणि ६० अंशांच्या दरम्यान ठेवण्याचा प्रयत्न करा. वायफाय राउटर नेहमी नेहमी मोकळ्या जागेत ठेवा जिथून तो सहज सिग्नल पाठवू शकेल, जेणेकरून तुमचा इंटरनेट स्पीड दुप्पट होऊ शकेल. अँटेना पोझिशन नीट असेल तर नेटवर्क योग्य स्पीड पोहचेल आणि तुम्हाला काम करतांना नेटवर्कची अडचण येणार नाही.

​राउटर अशा ठिकाणी ठेवा जिथे नेटवर्क चांगले आहे

राउटर अशा ठिकाणी ठेवा जिथे नेटवर्क चांगले आहे: इंटरनेट कनेक्शन स्पीड कमी असेल तर कामांमध्ये अडचणी येऊ शकतात. नामाकिंत कंपन्यांचे वाय-फाय वापरत असून देखील वाय-फायच्या नेटवर्कची स्पीड हवा तसा नाही नाही. अशी अनेकदा अनेकांची तक्रार असते. चांगले नेटवर्क मिळविण्यासाठी वायफाय राउटर नेहमी घराच्या मध्यभागी ठेवण्याचा प्रयत्न करा. यामुळे तुम्हाला संपूर्ण घरामध्ये चांगले नेटवर्क मिळतील. त्याचे सिग्नल भिंती, मजले, छत, फर्निचर, उपकरणे आणि इतर कोणत्याही मोठ्या वस्तूंद्वारे अवरोधित केले जाऊ शकतात. वायफाय राउटर जितके जास्त असेल तितके चांगले सिग्नल तुम्हाला देईल.

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here