फॅक्ट चेकः शहांनी काश्मीरबद्दल असं विधान केले?

हिंदुस्तान टाइम्ससारख्या दिसणाऱ्या एका बातमीचा स्क्रीनशॉट सध्या सोशल मीडियावर मोठ्या प्रमाणात शेअर केला जात आहे. या बातमीत दावा करण्यात आला आहे की, गृहमंत्री अमित शहा काश्मीरच्या मुस्लिम बहुल भागच्या विरोधात असून त्या ठिकाणी डेमोग्राफी बदलण्यासाठी प्रयत्नशील आहेत.

या बातमीचे शीर्षक आहे. व्हीएचपी कॅडरमध्ये बोलताना अमित शहा म्हणाले, आम्ही कसे काय एका मुस्लिम बहुल राज्याला ठेवू शकतो. ज्यावेळी संपूर्ण भारत हिंदू बहुल होत आहे. आम्ही केवळ ४ वर्षात काश्मीरची डेमोग्राफी बदलू.

या बातमीत १ एप्रिल २०२० ची तारीख दिसतेय.

एका वाचकाने आम्हाला हा स्क्रीनशॉट आमच्या व्हॉट्सअॅप नंबर पाठवून खरी माहिती जाणून घेण्याची विनंती केली.

आम्हाला काही ट्विट्स मिळाले. ज्या बातमीचे शीर्षक सारखेच होते.

खरं काय आहे ?

हा स्क्रीनशॉट फेक आहे. हिंदुस्तान टाइम्सने अशी कोणतीही बातमी छापली नाही.

तसेच याशिवाय अमित शहा यांनी नेहमीच म्हटले की, केंद्र सरकारची जम्मू काश्मीरची डेमोग्राफी बदलण्याची कोणतीही योजना नाही.

कशी केली पडताळणी?

आम्हाला हिंदुस्तान टाइम्सचे सहाय्यक संपादक नीरज चौहान यांचे ट्विट मिळाले. त्यांनी व्हायरल होत असलेल्या बातमी संदर्भात मोठा स्क्रीनग्रॅब ट्विट केले होते. या बातमीत त्यांचे नाव छापलेले दिसत होते. त्यांनी या ट्विटमध्ये म्हटले की, ही बातमी खोटी आहे.

त्यांनी ट्विट केले, व्हॉट्सअॅपवर माझ्या नावाने एक खोटी बातमी शेअर केली जात आहे. ही स्टोरी माझी नाही. किंवा हिंदुस्तान टाइम्सची नाही. कोणीतरी एडिट केले असून ते आता व्हायरल करीत आहेत. ही बातमी पूर्णपणे फेक आहे. सर्व वाचकांना विनंती आहे की, हे पाहा.

आम्हाला जम्मू काश्मीरचे माजी मुख्यमंत्री उमर अब्दुल्ला यांचे एक ट्विट मिळाले. ज्यात त्यांनी या बातमीचा उल्लेख केला होता. त्यांनी म्हटले, काश्मीरमध्ये एक स्क्रीनशॉट शेअर केला जात आहे. या आर्टिकलमधील खराब इंग्रजी हाच पुरावा आहे की, ही बातमी कोणत्या तरी आयटी सेलकडून फोटोशॉप करून व्हायरल केली जात आहे.

रिपोर्टमध्ये १ एप्रिल ही तारीख आहे. त्यामुळे हे एप्रिल फुल डे निमित्त शेअर करण्यात आलेला प्रँक सुद्धा होऊ शकतो. परंतु, याला गंभीरपणे घेतले कारण, ही बातमी एका रिपोर्टरच्या नावाने छापण्यात आली. त्यामुळे ही फेक न्यूज आहे.

याच दिवशी हिंदुस्तान टाइम्सचे सहायक संपादक नीरज चौहान यांची एक स्टोरी आहे. ज्यात त्यांनी
, असे म्हटले होते. आणि त्यांना आश्वासन दिले आहे की, केंद्र सरकार केंद्र शासित प्रदेशची डेमोग्राफी बदलण्यासाठी प्रयत्नशील नाहीत.

निष्कर्ष
हिंदुस्तान टाइम्सच्या न्यूज रिपोर्टसारखी दिसणारा एक स्क्रीनशॉटमध्ये जो दावा करण्यात येत आहे, तो खोटा आहे, असे मटा फॅक्ट चेकच्या पडताळणीत स्पष्ट झाले आहे.