व्होडाफोन कॉलर ट्यून प्लान, ६७ रुपयांत ३ महिने वैधता

नवी दिल्लीः टेलिकॉम कंपनी व्होडाफोनने ग्राहकांना आकर्षित करण्यसाठी तीन नवीन प्रीपेड प्लान लाँच केले आहेत. या रिचार्ज प्लानची किंमत ४७ रुपये, ६७ रुपये आणि ७८ रुपये आहे. हे तिन्ही प्लान कॉलर ट्यून प्लान आहेत. या तीन रिचार्ज प्लानमध्ये कॉलर ट्यूनसोबत ९० दिवसांची वैधता मिळणार आहे. कंपनीने या प्लानमध्ये कॉलिंगची सुविधा दिली नाही. व्होडाफोनने याआधी ९५ रुपयांचा प्लान बाजारात लाँच केला होता. या प्लानमध्ये ५६ दिवसांची वैधता होती.

व्होडाफोनचा कॉलर ट्यून प्लान

या प्लानमध्ये युजर्संना ४७ रुपयांत २८ दिवसांची, ६७ रुपयांत ९० दिवसांची आणि ७८ रुपयांच्या प्लानमध्ये ८९ दिवसांची कॉलर ट्यूनची वैधता मिळणार आहे. तसेच कंपनीने या तिन्ही प्लानमध्ये कॉलर ट्यूनची सुविधा दिली आहे. युजर्संना या तिन्ही प्लानमध्ये कोणत्याही नेटवर्कवर कॉलिंगची सुविधा दिली नाही. तसेच हा प्लान केवळ मुंबई सर्कलमध्ये उपलब्ध आहे. कंपनी लवकरच हा प्लान अन्य सर्कलमध्ये उपलब्ध करण्याची शक्यता आहे.

९५ रुपयांचा प्लान

युजर्संना या प्लानमध्ये २०० एमबी डेटासह कॉलिंगसाठी ७४ रुपयांचा टॉकटाइम दिला जातो. याशिवाय रिचार्ज पॅकची वैधता ५६ दिवसांची आहे. हा प्लान बिहार, केरळ, कर्नाटक, चेन्नई, मध्य प्रदेश, मुंबई आणि तामिळनाडू सर्कलमध्ये उपलब्ध आहे. हा प्लान लवकरच देशातील अन्य सर्कलमध्ये उपलब्ध करण्याची शक्यता आहे.

याआधीही लाँच झाला होता हा रिचार्ज प्लान

व्होडाफोन कंपनीने या प्लानला गेल्या वर्षी लाँच केले होते. त्यावेळी या प्लानमध्ये टॉकटाइम, ५०० एमबी डेटा आणि २८ दिवसांची वैधता मिळत होती. आता कंपनीने या पॅकची वेळ वाढवली आहे.

व्होडाफोन आयडियाचा १२९ रुपयांचा प्लान

या प्लानमध्ये युजर्संना २ जीबी डेटा आणि ३०० एसएमएसची सुविधा मिळणार आहे. तसेच कोणत्याही नेटवर्कवर अनलिमिटेड कॉलिंग करता येवू शकणार आहे. या पॅकची वैधता १४ दिवसांची आहे.