WhatsApp हे जगभरात सर्वाधिक वापरले जाणारे इंस्टंट मेसेजिंग अ‍ॅप आहे. स्मार्टफोन वापरणारी क्वचितच अशी एखादी व्यक्ती असेल ज्यांच्या हँडसेटमध्ये WhatsApp नसेल. आपल्या फीचर्स आणि सोप्या इंटरफेसमुळे इतर अ‍ॅपच्या तुलनेत WhatsApp ची लोकप्रियता अधिक आहे. विशेष म्हणजे Jan Koum हे WhatsApp चे सह-संस्थापक एक युक्रेनियन इमिग्रेंट आहेत. त्यांचा जन्म १९७६ मध्ये Fastiv येथे झाला. या अ‍ॅपला २०१४ मध्ये तब्बल १९.३ अब्ज डॉलर्समध्ये फेसबुकला विकण्यात आले होते.
PayPal
भारतात ऑनलाइन पेमेंटसाठी डिजिटल वॉलेट अ‍ॅपचा मोठ्या प्रमाणात वापर गेला जातो. यात प्रामुख्याने गुगल पे, पेटीएम, अमेझॉन पे, भारत पे सारख्या अ‍ॅप्सचा वापर केला जातो. PayPal मात्र भारतात जास्त लोकप्रिय नाही. परंतु, जागतिक बाजारात PayPal हे एक लोकप्रिय डिजिटल पेमेंट अ‍ॅप आहे. अनेक देशांमध्ये PayPal चा मोठ्या प्रमाणात वापर केला जातो. युक्रेनियम अमेरिकन उद्योगपती Maksymilian Rafailovych ‘Max’ Levchin हे या अ‍ॅपचे सह-संस्थापक आहेत.
Snapchat
Snapchat हे जगभरातील लोकप्रिय इंस्टंट मेसेजिंग अ‍ॅप आहे. भारतात देखील या अ‍ॅपचे लाखो यूजर्स आहेत. या अ‍ॅपमध्ये वापरल्या जाणाऱ्या Masking टेक्नोलॉजीला Looksery ने तयार केले होते. या कंपनीचे ऑफिस युक्रेनच्या Odessa मध्ये आहे. कंपनीचे ऑफिस युक्रेनसोबतच अमेरिकेत देखील आहे. Looksery ची मालकी Snap Inc जवळ आहे. स्नॅपचॅटने २०१५ मध्ये Looksery ला खरेदी केले होते. Snap चे ऑफिस देखील युक्रेनच्या Kyiv आणि Zaporizhia मध्ये आहे.
Grammarly
महत्त्वाचा मेल पाठवायचा असेल अथवा कॉलेजचा प्रोजक्ट करायचा असेल, अचूक इंग्लिशसाठी Grammarly चा वापर केला जातो. Grammarly चा वापर जगभरात कोट्यावधी लोक करतात. याची वॅल्यू १३ अब्ज डॉलर एवढी आहे. तुम्ही स्मार्टफोनमध्ये देखील या अ‍ॅपला डाउनलोड करून इंग्रजीत कोणत्याही चूका न करता चॅटिंग करू शकता. याचे संस्थापक Max Lytvyn, Alex Shevchenko आणि Dmytro Lider हे युक्रेनचे आहे. कंपनीचे ऑफिस Kyiv मध्ये आहे.
CleanMyMac
CleanMyMac ही देखील एक लोकप्रिय वेबसाइट आहे. अ‍ॅपलचे डिव्हाइस वापरणाऱ्या यूजर्सलाही वेबसाइट खूपच उपयोगी येते. याचा उपयोग मॅक क्लिनर म्हणून केला जातो. याच्या मदतीने Mac मधील अनावश्यक फाइल्स आणि Malware ला डिलीट करता येते. या वेबसाइटला MacPaw नावाचे कंपनीने तयार केले असून, ही कंपनी Kyiv स्थित आहे. कीव्हसोबतच कंपनीचे ऑफिस कॅलिफोर्नियामध्ये देखील आहे. या व्यतिरिक्त देखील अनेक महत्त्वाच्या टेक्नोलॉजी कंपन्यांचा कोणत्या ना कोणत्या कारणाने युक्रेनशी संबंध येतो.
Gadget News in Marathi: Computer, Mobile, Auto News in Marathi | Maharashtra Times
