गुगल आयडी
नवीन स्मार्टफोन खरेदी केल्यानंतर सर्वात प्रथम आपल्याला त्यावर जीमेल अकाउंटने लॉग इन करावे लागते. गुगल अकाउंटने लॉग इन न केल्यास अनेक गोष्टींचा अ‍ॅक्सेस मिळत नाही. तसेच, गुगल अकाउंटमुळे अनेक गोष्टींचा फायदा देखील होतो. तुम्ही तुमच्या डिव्हाइसला देखील याद्वारे शोधू शकता. गुगल अकाउंटमुळे आपला महत्त्वाचा डेटा फोनमध्ये उपलब्ध असतो. त्यामुळे तुम्ही जर फोन विकत असल्यास अकाउंटला रिमूव्ह करा. तुम्ही सेटिंग्समध्ये जावून यूजर अँड अकाउंट पर्यायावरून गुगल अकाउंट रिमूव्ह करू शकता.
डेटा बॅकअप
स्मार्टफोनमध्ये आपली खासगी फोटो, व्हिडिओ, महत्त्वाच्या फाइल्स तसेच कॉन्टॅक्ट्स असतात. त्यामुळे फोन कोणालाही देताना या डेटाचा बॅकअप घेणे गरजेचे आहे. तुम्ही गुगल ड्राइव्ह अथवा इतर स्मार्टफोन, पेन ड्राइव्हवर या डेटाचा बॅकअप घेऊ शकता. अनेकजण स्मार्टफोन विकताना डेटा बॅकअप घ्यायला विसरतात. परंतु, तुमच्या या डेटाचा चुकीच्या कामासाठी वापर होऊ शकतो. तसेच, बॅकअप घेतल्यानंतर तुम्ही स्मार्टफोनमधून डेटा डिलीट करू शकता. डेटा डिलीट केल्यामुळे याचा चुकीच्या कामासाठी वापर होणार नाही.
पासवर्ड
स्मार्टफोनच्या माध्यमातून कॉलिंग, चॅटिंगसोबतच सोशल मीडियाचा मोठ्या प्रमाणात वापर केला जातो. आपल्या फोनमध्ये अनेक सोशल मीडिया अ‍ॅप्स लॉग इन केलेले असतात. आपण सोशल मीडिया अकाउंट्सचे पासवर्ड ऑटो सेट केलेले असतात. त्यामुळे फोनची विक्री करताना सोशल मीडिया अकाउंट लॉग आउट करायला व हे अकाउंट हटवण्यास विसरू नका. तसेच, फोनमध्ये बँकिंग अ‍ॅप देखील असतात. फोन विकताना अशा बँकिंग अ‍ॅप्सला नक्की डिलीट करा. अन्यथा तुमचे मोठे आर्थिक नुकसान होऊ शकते.
रीसेट
स्मार्टफोन विकताना सर्वात महत्त्वाचे म्हणजे रीसेट करायला विसरू नका. तुमच्या फोनमधील सर्व डेटा, अकाउंट्स व इतर गोष्टी डिलीट करायच्या असल्यास रीसेट हा एक चांगला पर्याय आहे. फोनला रीसेट करण्यासाठी तुम्हाला सेटिंग्समध्ये जावून बँकअप अँड रीसेट या पर्यायावर क्लिक करावे लागेल. तुम्ही फोनला रीसेट करण्याआधी यातील डेटाचा बॅकअप घेऊ शकता. तसेच, फोनची विक्री करताना यातील सिम कार्ड आणि मायक्रोएसडी कार्ड काढून घ्यायला विसरू नका.
Gadget News in Marathi: Computer, Mobile, Auto News in Marathi | Maharashtra Times
