आज प्रत्येक कामासाठी स्मार्टफोन महत्त्वाचा झाला आहे. जेवण मागवण्यापासून ते कपडे खरेदीपर्यंत… ते आर्थिक व्यवहारासाठी स्मार्टफोनचा वापर होतो. त्यामुळे लहान मुलांपासून ते वयोवृद्धांपर्यंत प्रत्येकाच्या हातात स्मार्टफोन पाहायला मिळतो. बाजारात वेगवेगळ्या किंमतीसह येणारे अनेक स्मार्टफोन्स उपलब्ध आहेत. परंतु, अनेकदा किंमत जास्त असल्याने आपल्याला असे स्मार्टफोन्स खरेदी करता येत नाही. तुम्ही देखील स्मार्टफोन खरेदी करण्याचा विचार करत असाल व तुमचे बजेट कमी असल्यास काळजी करण्याचे कारण नाही. आम्ही अशा काही प्लॅटफॉर्म्सची माहिती देणार आहोत, ज्यावरून तुम्ही महागडे स्मार्टफोन्स स्वस्तात खरेदी करू शकता. या प्लॅटफॉर्मवर तुम्हाला रिफर्बिश्ड स्मार्टफोन्स स्वस्तात मिळतील. याशिवाय, या फोनवर वॉरंटी देखील मिळते. हे फोन जुने असले तरीही याचे अनेकदा टेस्टिंग केले जाते. कमी किंमतीत शानदार स्मार्टफोन्स मिळणाऱ्या या प्लॅटफॉर्मविषयी सविस्तर जाणून घेऊया.

​Cashify

cashify

स्मार्टफोन खरेदी करण्यासाठी आणि विक्रीसाठी Cashify हा लोकप्रिय प्लॅटफॉर्म आहे. या प्लॅटफॉर्मवर तुम्ही जुने, रिफर्बिश्ड स्मार्टफोन खरेदी करण्यासोबतच तुमच्या स्मार्टफोनची विक्री देखील करू शकता. तुम्ही कॅशिफाईच्या वेबसाइटवर जावून सहज स्मार्टफोन खरेदी करू शकता. तुम्हाला येथे वेगवेगळे स्मार्टफोन ब्रँड जसे की, शाओमी, सॅमसंग, वनप्लस, पोको सारख्या कंपन्यांचे फोन्स स्वस्तात मिळतील. तुम्हाला Cashify वरून फोन खरेदी करताना वेगवेगळ्या ऑफर्सचा फायदा देखील मिळेल.

​Yaantra

yaantra

तुम्ही जर कमी किंमतीत सेकंड हँड स्मार्टफोन खरेदी करण्याचा विचार करत असाल तर yaantra.com वेबसाइट तुमच्यासाठी चांगला प्लॅटफॉर्म आहे. वेबसाइटच्या माध्यमातून तुम्ही चांगल्या क्वालिटीसह येणारे फोन्स स्वस्तात खरेदी करू शकता. विशेष म्हणजे जुन्या फोनच्या खरेदीवर तुम्हाला वॉरंटी देखील मिळेल. Yaantra चे अ‍ॅप देखील तुम्ही प्ले स्टोरवरून मोफत डाउनलोड करू शकता. या प्लॅटफॉर्मच्या माध्यमातून लॅपटॉप आणि स्मार्टफोन दुरुस्त करण्याची देखील सुविधा मिळते.

​2gud

2gud

तुम्ही जर वॉरंटीसह येणारा स्वस्त स्मार्टफोन खरेदी करण्याचा विचार करत असाल तर www.2gud.com वेबसाइट तुमच्यासाठी चांगला पर्याय आहे. या प्लॅटफॉर्मवर रिफर्बिश्ड स्मार्टफोन उपलब्ध असतात. या स्मार्टफोनला अनेकदा टेस्ट करून विक्रीसाठी उपलब्ध केले जाते. ही ऑनलाइन शॉपिंग प्लॅटफॉर्म फ्लिपकार्टचीच एक वेबसाइट आहे. येथून तुम्ही ईएमआयवर देखील फोन खरेदी करू शकता. तसेच, तुम्हाला वेगवेगळ्या ब्रँड्सचे चांगले स्मार्टफोन स्वस्तात खरेदी करता येईल.

​अन्य वेबसाइट

सेकंड हँड अथवा रिफर्बिश्ड स्मार्टफोन खरेदी करण्यासाठी फ्लिपकार्ट आणि अ‍ॅमेझॉन सारख्या अन्य वेबसाइट्स देखील उपलब्ध आहेत. फ्लिपकार्टवर अनेकदा रिफर्बिश्ड स्मार्टफोनचे सेलचे आयोजन केले जाते. येथून तुम्ही आयफोन सारखे महागडे स्मार्टफोन्स देखील स्वस्तात खरेदी करू शकतात. तसेच, केवळ स्मार्टफोनच नाही, तर या वेबसाइट्सवर तुम्हाला लॅपटॉप्सवर इतर गॅजेट्स देखील मिळतील. वॉरंटीसह येणारे हे प्रोडक्ट्स तुम्हाला स्वस्तात खरेदी करता येतील. दरम्यान, Refurbished स्मार्टफोन खरेदी करण्याआधी त्याबद्दल जाणून घेणे गरजेचे आहे. Refurbished स्मार्टफोन दोन प्रकारचे असतात. यातील एक जुने फोन्स असतात, ज्यांचा वापर केल्यानंतर पुन्हा विक्रीसाठी उपलब्ध केले जाते. तर काही नवीन स्मार्टफोन असतात, ज्यात मॅन्यूफॅक्चरिंग दरम्यान काही त्रुटी असतात. अशा डिव्हाइसला दुरुस्त करून पुन्हा विक्रीसाठी उपलब्ध केले जाते. हे फोन सर्टिफाइड असतात.

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here