Micromax Bolt Selfie
Micromax Bolt Selfie स्मार्टफोनला तुम्ही ३ हजार रुपयांपेक्षा कमी किंमतीत खरेदी करू शकता. मायक्रोमॅक्सच्या या फोनमध्ये १ जीबी रॅम आणि ८ जीबी स्टोरेज मिळतो. तसेच, पॉवर बॅकअपसाठी यात १७५० एमएएचची बॅटरी दिली आहे. तर फोटोग्राफीसाठी यात ५ मेगापिक्सलचा फ्रंट आणि रियर कॅमेरा दिला आहे. या स्मार्टफोनमध्ये MediaTek MT६७३५M प्रोसेसरचा सपोर्ट दिला आहे. हा फोन अँड्राइड वी५.१ ऑपरेटिंग सिस्टमवर काम करतो. या फोनची किंमत फक्त २,९३९ रुपये आहे.
Samsung Galaxy M01
Samsung Galaxy M01 स्मार्टफोन टॉप १० सर्वात स्वस्त हँडसेटमध्ये येतो. या स्मार्टफोनची किंमत केवळ ४,९९९ रुपये आहे. हा फोन दोन स्टोरेजमध्ये व्हेरिएंटमध्ये येतो. यात १ जीबी रॅम आणि १६ जीबी स्टोरेज, २ जीबी रॅम आणि ३२ जीबी स्टोरेज मिळते. Samsung Galaxy M01 स्मार्टफोनमध्ये ५.३ इंच एचडी+ डिस्प्ले दिला आहे. पॉवर बॅकअपसाठी ३००० एमएएचची बॅटरी दिली आहे. फोन MediaTek ६७३९ प्रोसेसरसह येतो. फोन अँड्राइड १० वर काम करतो. यामध्ये ८ मेगापिक्सलचा रियर कॅमेरा आणि ५ मेगापिक्सल फ्रंट कॅमेरा मिळतो.
Lava Z1
Lava Z1 स्मार्टफोनला तुम्ही फक्त ५,१९९ रुपयात खरेदी करू शकता. या फोनमध्ये ५ इंचाचा डिस्प्ले दिला असून, याचे रिझॉल्यूशन ४८०x८५४ पिक्सल आहे. यात कॉर्निंग गोरिल्ला ग्लासचे प्रोटेक्शन देखील मिळेल. या स्मार्टफोनमध्ये १.८GHz क्वाडकोर मीडियाटेक हीलियो ए०२ प्रोसेसर दिला आहे. फोटोग्राफीसाठी ५ मेगापिक्सलचा एलईडी फ्लॅश लाइटसह रियर कॅमेरा आणि ५ मेगापिक्सलचा फ्रंट फेसिंग कॅमेरा दिला आहे. फोनमध्ये २ जीबी रॅम आणि १६ जीबी स्टोरेज मिळते. तसेच, ३१०० एमएएचची बॅटरी दिली आहे.
Tecno Spark Go
Tecno Spark Go स्मार्टफोनला तुम्ही ६,९९९ रुपयात खरेदी करू शकता. हा फोन सिंगल स्टोरेज व्हेरिएंटमध्ये येतो. यात २ जीबी रॅम आणि ३२ जीबी स्टोरेज मिळेल. Tecno Spark Go फोनमध्ये ६.२५ इंच एचडी + डिस्प्ले दिला असून, याचे रिझॉल्यूशन ७२०x१६०० पिक्सल आणि आस्पेक्ट रेशियो २०:९ आहे. यामध्ये quad-core Helio A२० प्रोसेसर दिला आहे. स्मार्टफोनच्या मदतीने डिव्हाइसच्या स्टोरेजला तुम्ही २५६ जीबीपर्यंत वाढवू शकता. यात रियरला १३ मेगापिक्सल ड्यूल कॅमेरा सेटअप आणि फ्रंटला ८ मेगापिक्सलचा कॅमेरा दिला आहे. तर पॉवरसाठी ५००० एमएएचची बॅटरी दिली आहे.
Gadget News in Marathi: Computer, Mobile, Auto News in Marathi | Maharashtra Times
