IPL 2022 लवकरच सुरू होणार आहे. गेल्या अनेक दिवसांपासून क्रिकेट चाहते आयपीएल सुरू होण्याची वाट पाहत आहेत. यंदा आयपीएलमध्ये दोन नवीन संघांचा समावेश झाल्याने चाहत्यांची उत्सुकता अधिकच वाढली आहे. सध्या आयपीएल प्रक्षेपण हक्क हे स्टार इंडियाकडे आहेत. त्यामुळे तुम्ही दररोज टीव्हीवर क्रिकेट सामने पाहण्याचा आनंद घेऊ शकतातच; पण सोबतच मोबाइलवर देखील तुम्हाल लाईव्ह मॅच पाहता येईल. आयपीएलला डिज्नी + हॉटस्टार ओटीटी प्लेटफॉर्मवर स्ट्रिम केले जाईल. म्हणजेच, ज्या युजर्सकडे डिज्नी+ हॉटस्टारचे सबस्क्रिप्शन आहे, ते मॅचचा आनंद घेऊ शकतात. याशिवाय, टेलिकॉम कंपन्या Jio, Airtel आणि Vi देखील आपल्या प्लानमध्ये Disney + Hotstar चे मोफत सबस्क्रिप्शन देत आहे. त्यामुळे तुम्हाला वेगळे सबस्क्रिप्शन घेण्याची देखील गरज नाही. Jio, Airtel आणि Vi च्या कोणत्या प्लानमध्ये हे सबस्क्रिप्शन मिळत आहे जाणून घ्या.

​Reliance Jio चे Disney+ Hotstar सबस्क्रिप्शनसह येणारे प्लान्स

reliance-jio-disney-hotstar-

टेलिकॉम कंपनी Reliance Jio कडे ६०१ रुपये किंमतीचा शानदार प्लान उपलब्ध आहे. या प्लानची वैधता २८ दिवस असून, यामध्ये दररोज ३ जीबी डेटासह अतिरिक्त ६ जीबी डेटाचा फायदा मिळेल. अशाप्रकारे या प्लानमध्ये २८ दिवसांसाठी एकूण ९० जीबी डेटा मिळतो. प्लानमध्ये तुम्हाला देशभरात कोणत्याही नेटवर्कवर अनलिमिटेड वॉइस कॉलिंगची देखील सुविधा दिली जात आहे. तसेच, दररोज १०० मोफत एसएमएस देखील मिळतात. जिओचा हा प्लान मोफत Disney+ Hotstar सबस्क्रिप्शनसह येतो.

​Reliance Jio चा ४९९ रुपयांचा प्लान

reliance-jio-

तुम्ही जर ओटीटी सबस्क्रिप्शनसह येणारा स्वस्त प्लान शोधत असाल तर जिओकडे ४९९ रुपयांचा एक चांगला प्रीपेड प्लान उपलब्ध आहे. या प्लानमध्ये देशभरात सर्व नेटवर्कवर अनलिमिटेड वॉइस कॉलिंगची सुविधा दिली जात आहे. याशिवाय, दररोज १०० एसएमएस देखील मोफत मिळतात. या प्लानची वैधता २८ दिवस असून, यात दररोज २ जीबी डेटा मिळतो. या प्लानमध्ये तुम्हाला Disney+ Hotstar चे मोफत सबस्क्रिप्शन आणि Jio अ‍ॅप्सचा मोफत अ‍ॅक्सेस दिला जातो.

​Vodafone Idea चे Disney+ Hotstar सबस्क्रिप्शनसह येणारे प्लान्स

vodafone-idea-disney-hotstar-

Vodafone Idea कडे ६०१ रुपये किंमतीत येणारा शानदार प्लान उपलब्ध आहे. या प्लानमध्ये तुम्हाला दररोज १०० एसएमएससह सर्व नेटवर्कवर अनलिमिटेड वॉइस कॉलिंगची सुविधा दिली जात आहे. या प्लानची वैधता २८ दिवस असून, यामध्ये दररोज ३ जीबी डेटा मिळतो. कंपनीकडे ९०१ रुपयांचा प्लान देखील असून, यामध्ये ७० दिवसांसाठी दररोज ३ जीबी डेटा, अनलिमिटेड कॉलिंग आणि दररोज १०० एसएसएसची सुविधा मिळते. या दोन्ही प्लानमध्ये वर्षभरासाठी डिज्नी + हॉटस्टार मोबाइलचे सबस्क्रिप्शन मिळेल. तसेच, ६०१ रुपये आणि ९०१ रुपयांच्या प्लानमध्ये क्रमशः १६ जीबी आणि ४८ जीबी अतिरिक्त डेटा मिळतो.

​Airtel चे Disney+ Hotstar सबस्क्रिप्शनसह येणारे प्लान्स

airtel-disney-hotstar-

Airtel कडे ओटीटी बेनिफिट्ससह येणारा ५९९ रुपयांचा शानदार प्लान उपलब्ध आहे. या प्लानमध्ये देशभरात सर्व नेटवर्कवर अनलिमिटेड वॉइस कॉलिंगची सुविधा मिळते. या प्लानची वैधता २८ दिवस असून, यात दररोज १०० एसएमएस आणि दररोज ३ जीबी डेटाचा फायदा मिळतो. कंपनीकडे ५६ दिवसांच्या वैधतेसह येणारा ८३८ रुपयांचा प्लान देखील उपलब्ध असून, यामध्ये दररोज २ जीबी डेटा, दररोज १०० एसएमएस आणि अनलिमिटेड वॉइस कॉलिंगची सुविधा मिळते. या प्लानमध्ये Disney+ Hotstar चे सबस्क्रिप्शन मिळेल.

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here