पंतप्रधान नरेंद्र मोदी यांनी ५ तारखेला ९ वाजता ९ मिनिटासाठी मेणबत्ती पेटवा, असे आवाहन केले होते. या आवाहनाला प्रतिसाद देण्यासाठी पेटवलेल्या फटाक्यामुळे सोलापुरात विमानतळ परिसरात आग लागल्याची घटना घडली, असा दावा करणारे वृत्त अनेक मीडिया पोर्टल, काँग्रेस कार्यकर्ते, फॅक्ट चेकर, टीव्ही अँकर यांच्यासह अनेक प्रसिद्ध व्यक्तींनी हा दावा केला आहे.
पाहा या ठिकाणी काही ट्विट, ज्यात व्हिज्युअल दिसत असून हे रविवारचा असल्याचा दावा करण्यात आला आहे.
Fire breaks out at in Maharashtra, local media blames firecrackers during
#9pm9minutes campaign.
— Janta Ka Reporter (@JantaKaReporter) April 5, 2020
ट्विटरवर अॅक्टिव असलेले आणि प्रसिद्ध पत्रकारानेही एक व्हिडिओ शेअर करताना लिहिले की, आता सोलापुरात सुद्धा आग लागली. ट्विट व्हायरल झाल्यानंतर त्यांनी हे ट्विट डिलिट केले.
काँग्रेस कार्यकर्ते श्रीवत्स यांनी ही हेच व्हिज्युअल्स याच दाव्यासह शेअर केले. एका अलर्ट ट्विट युजरने त्यांचे हे ट्विट पाहिले व या खरे काय व खोटे काय हेही सांगितले.
या ठिकाणी पाहा, ते ट्विट ज्या ठिकाणी श्रीवत्स यांनी आपल्या ट्विटचे कॉन्टेंट घेतले होते.
खरं काय आहे?
शेअर करण्यात आलेले व्हिज्युअल्स हे फेब्रुवारी २०२० रोजीचे आहेत. ज्यावेळी महाराष्ट्राच्या सोलापुरात एअरपोर्टवर आग लागली होती.
कशी केली पडताळणी ?
यूट्यूबवर ‘Solapur fire’ कीवर्ड सर्च केल्यानंतर आम्हाला एबीपी माझाचा एक व्हिडिओ मिळाला. ज्यात ३ फेब्रुवारी २०२० रोजी अपलोड केलेले होते. या व्हिडिओचे व्हिज्युअल्स सध्या शेअर होत असलेल्या व्हिज्युअल्ससारखेच आहेत.
या ठिकाणी पाहा दोन्ही व्हिज्युअल्सचे स्क्रीनग्रॅबची तुलना
निष्कर्ष
रविवारी ९ वाजता ९ मिनिटासाठी असे आवाहन करण्यात आल्यानंतर फटाके फोडल्याने आग लागल्याचा दावा खोटा आहे, हा व्हिडिओ २ महिन्यापूर्वीचा जुना आहे, असे मटा फॅक्ट चेकच्या पडताळणीत स्पष्ट झाले आहे.
Gadget News in Marathi: Computer, Mobile, Auto News in Marathi | Maharashtra Times
