टेक्नोलॉजीच्या या काळात आज फोन स्मार्ट झाले आहेत. कंपन्या ग्राहकांच्या सुविधेसाठी दमदार फीचर्ससह येणारे फोन्स सादर करत आहे. यासोबतच, फोन जास्त दिवस टिकावे यासाठी यांची बिल्ड क्वालिटी देखील चांगली असते. फोनच्या स्क्रीनच्या सुरक्षेसाठी गोरिल्ला ग्लास प्रोटेक्शन देखील दिले जाते. याशिवाय, आणखी एक गोष्ट फोनमध्ये पाहायला मिळते ते म्हणजे पाण्यापासून सुरक्षा. बाजारात वॉटर रेसिस्टेंटसह येणारे सध्या खूप कमी फोन आहेत. मात्र, असे असले तरी ही गोष्ट फोनला सुरक्षित ठेवण्यासाठी महत्त्वाची आहे. फोन स्पेशल कोटिंग आणि सर्टिफिकेशनसह येतात. जे यांना वॉटर रेसिस्टेंस, रिपेलेंट आणि वॉटरप्रूफ बनवते. मात्र, अनेकदा Water resistant, Water repellent आणि Waterproof चा अर्थ लक्षात येत नाही. या गोष्टींचा अर्थ माहित नसल्याने अनेकदा यूजर्सचे नुकसान होते. त्यामुळे या सर्वांमध्ये काय फरक आहे, ते जाणून घेऊया.

​Water resistant (वॉटर रेसिस्टेंट)

water-resistant-

कंपनीने फोनबाबत Water resistant चा दावा केला असल्यास याचा अर्थ हँडसेटमध्ये पाणी जाणार नाही. अनेक घड्याळांमध्ये देखील अशी टेक्नोलॉजी दिली जाते. डिव्हाइस वॉटर रेसिस्टेंट असल्याने यावर पाण्याचे काही थेंब पडल्यास प्रोडक्ट खराब होत नाही. मात्र, याचा अर्थ असा नाही की तुम्ही फोनला थेड पाण्यात बुडवाल. वॉटर रेसिस्टेंटचा अर्थ वॉटरप्रुफ नाहीये. वॉटर रेसिस्टेंटच्या बाबतीत १ ते ९ मध्ये रेटिंग दिले जाते. आयपी रेटिंग्सला फोनवरील प्रयोगाच्या आधारावर दिले जाते. यावरूनच तुमचा फोन पाण्यात किती सुरक्षित आहे, ते समजू शकते.

​Water repellent (वॉटर रिपेलेंट)

water-repellent-

कंपनीने स्मार्टफोनबाबत वॉटर रिपेलेंटचा दावा केला असल्यास याचा अर्थ हँडसेटवर एक पातळ कोटिंग केले आहे. या कोटिंगमुळे फोनमध्ये पाणी जात नाही. फोनमध्ये ही कोटिंग आतून व बाहेरून दोन्ही बाजूने असते. बहुतांश स्मार्टफोन कंपन्या या कोटिंगला हायड्रोफोबिकच्या माध्यमातून तयार करतात. तज्ञांनुसार, सर्वसाधारण फोनच्या तुलनेत वॉटर रिपेलेंट स्मार्टफोन हे अधिक चांगले व सुरक्षित असतात. या कोटिंगमुळे फोनवर पाण्याचा परिणाम होत नाही. तसेच, फोन जास्तवेळ पाण्यात असला तरी नुकसान न होण्याची शक्यता अधिक असते.

​वॉटरप्रूफ

अनेक स्मार्टफोन हे वॉटरप्रूफ सर्टिफिकेशनसह येतात. याचा अर्थ फोन पाण्यात देखील खराब होत नाही. एवढेच नाही तर वॉटरप्रूफ सर्टिफिकेशनसह येणाऱ्या स्मार्टफोनचा वापर तुम्ही पाण्याच्या आत फोटोग्राफी करण्यासाठी देखील करू शकता. मात्र, लक्षात ठेवा की असे फोन पाण्याच्या आत १ मीटर ते १.५ मीटरपर्यंतच वॉटरप्रुफ असतात. मात्र, यापेक्षा खोल पाण्यात फोन पडल्यास खराब होण्याची शक्यता आहे. तसेच, फोन जास्त वेळ पाण्यात असल्यास देखील नुकसान होऊ शकते. त्यामुळे नवीन स्मार्टफोन खरेदी करताना तो वॉटरप्रूफ, वॉटर रेसिस्टेंट अथवा वॉटर रिपेलेंट यापैकी कोणत्या कॅटेगरीमध्ये येतो हे नक्की पाहा.

​भारतात उपलब्ध असलेले बेस्ट वॉटरप्रूफ स्मार्टफोन्स

अनेकदा तुम्ही वाचले असेल की फोन IP रेटिंगसह येतात. IP चा अर्थ International Protection marking’ असून, हे International Electrotechnical Commission (IEC) द्वारे निर्धारित केले जाते. अनेक फोन IP६७ आणि IP६८ सर्टिफिकेशनसह येतात. या रेटिंगवरूनच फोन पाण्यात किती सुरक्षित आहे, हे लक्षात येते. भारतीय बाजारात काही वॉटरप्रूफ स्मार्टफोन्स आहेत. यामध्ये Xiaomi Mi 11 Ultra, iPhone 13 Pro Max, Samsung Galaxy S22 Ultra, Vivo X70 Pro Plus आणि ONEPLUS 9 PRO या स्मार्टफोन्सचा समावेश आहे.

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here