स्मार्टफोनप्रमाणेच सध्या लॅपटॉप देखील महत्त्वाचा झाला आहे. कॉलेजच्या प्रोजेक्टपासून ते ऑफिसच्या कामापर्यंत अनेक गोष्टी लॅपटॉपच्या माध्यमातून सहज शक्य होते. बाजारात अनेक Chromebook उपलब्ध आहे. क्रोमबुक हे विंडोज आणि मॅक लॅपटॉपला गुगलचे उत्तर आहे. गेल्या काही वर्षात Google ने क्रोमओएसमध्ये अनेक सुधारणा केल्या आहेत. त्यामुळे आज प्रत्येक कॉम्प्युटर ब्रँड क्रोमबुक प्रदान करत आहे. क्रोमओएसवर चालणारे हे लॅपटॉप क्रोम ब्राउजरवर आधारित एक ऑपरेटिंग सिस्टम आहे. हे पीसी आणि मॅकबुकपेक्षा वेगळे आहे. तुम्ही क्रोमओएसच्या मदतीने लॅपटॉपवर नियमित कामे सहज करू शकतात. तुम्ही जर स्वतःसाठी अथवा इतरांसाठी नवीन लॅपटॉप खरेदी करण्याचा विचार करत असाल तर बाजारात अनेक शानदार लॅपटॉप उपलब्ध आहेत, जे क्रोमओएससह येतात. ३० हजार रुपयांच्या बजेटमध्ये येणाऱ्या बेस्ट क्रोमबुक लॅपटॉपविषयी सविस्तर जाणून घेऊया.

Asus Chromebook Flip

asus-chromebook-flip

Asus Chromebook Flip मध्ये ११.६ इंच एचडी अँटी-ग्लेअर डिस्प्ले दिला आहे. यामध्ये ४ जीबी डीडीआर४ रॅम आणि ६४ जीबी ईएमएमसी स्टोरेज दिले आहे. लॅपटॉपमध्ये इंटेल सेलेरॉन ड्यूल-कोर १.१GHz प्रोसेसर दिला आहे. Asus चा हा लॅपटॉप क्रोमओएस वर काम करतो. यामध्ये कनेक्टिव्हिटीसाठी वाय-फाय, ब्लूटूथ ५.० आणि ३ यूएसबी पोर्ट दिला आहे. यात ७२०पी वेब कॅमेरा देखील दिली आहे. लॅपटॉपमध्ये गुगल असिस्टेंट सपोर्ट दिला आहे. Asus Chromebook Flip ची सुरुवाती किंमत २४,९९९ रुपये आहे.

Acer Chromebook Celeron

acer-chromebook-celeron

Acer Chromebook Celeron मध्ये ११.६ इंच एचडी डिस्प्ले दिला आहे. यामध्ये ४ जीबी डीडीआर४ रॅम आणि १६ जीबी eMMC स्टोरेज दिले आहे. स्टोरेजला मायक्रोएसडी कार्डद्वारे वाढवू शकता. लॅपटॉप Intel Celeron Dual-Core प्रोसेसरसह येतो. कनेक्टिव्हिटीसाठी वाय-फाय, ब्लूटूथ आणि यूएसबी पोर्ट दिला आहे. यात गुगल असिस्टेंटचा सपोर्ट मिळेल. याशिवाय Google Play Store चा देखील सपोर्ट मिळतो. ११ तासांच्या बॅटरी लाइफसह येणाऱ्या Asus Chromebook Flip ची किंमत २३,९९० रुपये आहे.

वाचा: ‘ही’ भन्नाट ट्रिक वापरल्यास WhatsApp कॉलमुळे लवकर संपणारा Mobile Data खूप दिवस चालणार

Lenovo Ideapad 3 Chromebook

lenovo-ideapad-3-chromebook

Lenovo Ideapad 3 Chromebook मध्ये ११.६ इंच LCD HD रिझॉल्यूशनसह येणारा डिस्प्ले दिला आहे. या लॅपटॉपला तुम्ही टॅबलेटप्रमाणे देखील वापरू शकता. यात ४ जीबी डीडीआर४ रॅम आणि ६४ जीबी eMMC स्टोरेज दिला आहे. या क्रोमबुकला तुम्ही सिंगल चार्जमध्ये १० तास वापरू शकता. यात २ वॉट ड्यूल स्पीकर दिला आहे. डिव्हाइसमध्ये ७२०p एचडी वेब कॅमेरा देखील दिला आहे. हा लॅपटॉप क्रोमएसवर काम करतो. Lenovo Ideapad 3 Chromebook ला तुम्ही १८,९९० रुपये किंमतीत खरेदी करू शकता.

वाचा: एकच नंबर! अवघ्या १० सेकंदात १ लाखांपेक्षा अधिक यूनिट्सची विक्री, Realme च्या ‘या’ भन्नाट फोनचा बाजारात दबदबा

HP Chromebook MediaTek

hp-chromebook-mediatek

HP Chromebook MediaTek मध्ये ११.६ इंच एचडी रिझॉल्यूशनसह येणारा डिस्प्ले दिला आहे. फुल चार्जमध्ये लॅपटॉपला १५ तास वापरू शकता. यात व्हिडिओ कॉलसाठी एचपी ट्रू व्हिजन ७२०पी वेब कॅमेरा दिला आहे. HP Chromebook मध्ये कनेक्टिव्हिटीसाठी वाय-फाय, ब्लूटूथ आणि यूएसबी पोर्ट दिले आहे. हा लॅपटॉप मीडियाटेक कॉम्पॅनियो ५०० प्रोसेसरवर काम करतो. यात ४जीबी डीडीआर४ रॅम आणि ६४ जीबी eMMC स्टोरेज दिले आहे. HP Chromebook MediaTek लॅपटॉप २४,८४५ रुपयात उपलब्ध आहे.

वाचा: खूपच कमी किंमतीत लाँच झाले OnePlus चे धमाकेदार इयरफोन्स, मिळेल तब्बल ३० तासांची बॅटरी लाइफ

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here