आज स्मार्टफोन महत्त्वाचे डिव्हाइस झाले आहे. त्यामुळे अगदी काही मिनिटं जरी स्मार्टफोन हातात नसल्यास अनेक कामे अडून राहतात. अनेकजण असेही आहेत, जे दरमहिन्याला नवीन स्मार्टफोन खरेदी करताना दिसतात. बाजारात नवीन फोन आल्यावर त्वरित खरेदी करण्याकडे अशा ग्राहकांचा कल असतो. भारतीय बाजारात ग्राहकांची मागणी पाहता कंपन्या देखील एकापेक्षा एक स्वस्त स्मार्टफोन्सला लाँच करतात. भारतात १५ हजारांच्या बजेटमधील फोन्स सर्वाधिक लोकप्रिय आहेत. या सेगमेंटमध्ये सॅमसंग, ओप्पो, रियलमी आणि रेडमीसह अनेक कंपन्या आपल्या डिव्हाइसला सादर करतात. तुम्ही जर स्वतःसाठी अथवा इतरांसाठी नवीन स्मार्टफोन खरेदी करण्याचा विचार करत असाल तर बाजारात एकापेक्षा एक स्वस्त स्मार्टफोन्स उपलब्ध आहेत. ई-कॉमर्स साइट Flipkart वर १५ हजारांच्या बजेटमधील काही चांगले हँडसेट्स उपलब्ध आहेत. या फोन्सच्या किंमत आणि फीचर्सविषयी सविस्तर जाणून घेऊया.

Oppo K10

oppo-k10

Oppo K10 स्मार्टफोन ६ जीबी रॅम आणि १२८ जीबी स्टोरेजसह येतो. या स्टोरेज व्हेरिएंटची फ्लिपकार्टवर किंमत १४,९९० रुपये आहे. ओप्पोच्या या फोनमध्ये ६.५९ इंच फुल एचडी+ डिस्प्ले दिला आहे. तर फोटोग्राफीसाठी ५० मेगापिक्सल + २ मेगापिक्सल + २ मेगापिक्सलचा ट्रिपल रियर कॅमेरा सेटअप दिला आहे. सेल्फीसाठी १६ मेगापिक्सलचा फ्रंट कॅमेरा मिळतो. यात ३३ वॉट सुपरवूक चार्जरसह ५००० एमएएचची दमदार बॅटरी मिळेल. हा फोन क्वालकॉम स्नॅपड्रॅगन ६८० प्रोसेसरसह येतो.

वाचा – कन्फर्म! ‘या’ तारखेला भारतात लाँच होणार Realme चा भन्नाट स्मार्टफोन, १०८MP कॅमेऱ्यासह मिळतील जबरदस्त फीचर्स

Redmi 10

redmi-10

Redmi 10 स्मार्टफोनचे ६ जीबी रॅम आणि १२८ जीबी स्टोरेज हे टॉप व्हेरिएंट फ्लिपकार्टवर १२,९९९ रुपये किंमतीत उपलब्ध आहे. या हँडसेटमध्ये ६.७ इंच एचडी+ डिस्प्ले दिला आहे. तर फोटोग्राफीसाठी ५० मेगापिक्सल मुख्य कॅमेऱ्यासह २ मेगापिक्सलचा दुसरा कॅमेरा दिला आहे. यात फ्रंटला ५ मेगापिक्सलचा सेल्फी कॅमेरा मिळेल. यात पॉवर बॅकअपसाठी ५००० एमएएचची दमदार बॅटरी दिली आहे. तसेच, मल्टीटास्किंगसाठी क्वालकॉम स्नॅपड्रॅगन ६८० प्रोसेसर दिला आहे.

वाचा: सावधान ! Sim Card Swapping मुळे होऊ शकते मोठे नुकसान, सिम फसवणूक कशी होते ते जाणून घ्या

Realme Narzo 50A

realme-narzo-50a

Realme Narzo 50A च्या ४ जीबी रॅम आणि १२८ जीबी स्टोरेज या टॉप व्हेरिएंटची किंमत १२,५९९ रुपये आहे. हा फोन ऑनलाइन शॉपिंग प्लॅटफॉर्म Flipkart वर स्वस्तात उपलब्ध आहे. यामध्ये ६.५ इंच एचडी+ डिस्प्ले दिला आहे. तसेच, फोटोग्राफीसाठी ५० मेगापिक्सल + २ मेगापिक्सल + २ मेगापिक्सल ट्रिपल रियर कॅमेरा दिला आहे. तर सेल्फीसाठी ८ मेगापिक्सलचा फ्रंट कॅमेरा दिला आहे. यात १८ वॉट फास्ट चार्जिंग सपोर्टसह ६००० एमएएचची बॅटरी, मीडियाटेक हीलियो जी८५ प्रोसेसरचा सपोर्ट दिला आहे.

वाचा: ‘या’ लेटेस्ट स्मार्टफोन्समध्ये मिळते ६ GB रॅम आणि भन्नाट कॅमेरा, सुरुवातीची किंमत ९४९९ रुपये, पाहा फीचर्स

Poco M4 Pro 5G

poco-m4-pro-5g

Poco M4 Pro 5G स्मार्टफोनच्या ४ जीबी रॅम आणि ६४ जीबी स्टोरेज व्हेरिएंटची किंमत १४,९९९ रुपये आहे. फोनच्या स्टोरेजला मायक्रोएसडी कार्डच्या मदतीने १ टीबीपर्यंत वाढवू शकता. यात तुम्हाला ६.६ इंच फुल एचडी+ डिस्प्ले मिळेल. तर फोटोग्राफीसाठी ५० मेगापिक्सल + ८ मेगापिक्सलचा रियर कॅमेरा, १६ मेगापिक्सलचा फ्रंट कॅमेरा मिळतो. पॉवर बॅकअपसाठी ५००० एमएएचची बॅटरी दिली आहे. हा फोन मीडियाटेक डायमेंसिटी ८१० प्रोसेसरसह येतो.

वाचा: स्वस्तात मस्त स्मार्टवॉच लाँच, मनगटावर बांधून करा कॉल, स्मार्टफोनची गरजच नाही, ६ एप्रिलपासून विक्री

Realme 9i

realme-9i

या लिस्टमधील रियलमीचा हा दुसरा स्मार्टफोन आहे. फोनच्या १२८ जीबी स्टोरेज व्हेरिएंटची किंमत १४,९९९ रुपये आहे. हा फोन ई-कॉमर्स साइट फ्लिपकार्टवर स्वस्तात उपलब्ध आहे. फोनमध्ये ६.६ इंच फुल एचडी+ डिस्प्ले दिला आहे. यात फोटोग्राफीसाठी फ्रंटला १६ मेगापिक्सलचा कॅमेरा दिला आहे. तर रियरला ५० मेगापिक्सल + २ मेगापिक्सल + २ मेगापिक्सलचा कॅमेरा मिळतो. यात ५००० एमएएचची बॅटरी आणि क्वालकॉम स्नॅपड्रॅगन ६८० प्रोसेसर मिळेल.

वाचा: Jio-Airtel-Vi वर ‘या’ कंपनीचा प्लान पडतोय भारी, ५०० रुपयांपेक्षा कमी किंमतीत १८० जीबी डेटासह अनेक फायदे

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here