अनोळखी नंबर आणि क्यूआर कोडपासून लांब राहा
सध्या मोबाइल नंबर आणि क्यूआर कोडच्या माध्यमातून पेमेंट करणे खूपच सोपे झाले आहे. तुम्ही केवळ मोबाइल नंबर एंटर करून कोणालाही अगदी निटात पैसे पाठवू शकता. परंतु, मोबाइल नंबर एंटर करताना तो तपासूनच पैसे पाठवावे. तसेच, अनेक बनावट क्यूआर कोड देखील असतात. त्यामुळे खऱ्या क्यूआर कोडला स्कॅन करून पैसे पाठवावे. छोट्या-मोठ्या स्टॉल, दुकानांवर पेमेंट करताना काळजी घेणे गरजेचे आहे. बनावट नंबर, क्यूआर कोड असल्यास तुमचे नुकसान होऊ शकते.
पैसे रिसिव्ह करण्यासाठी पिन टाकू नका
गेल्या काही दिवसात ऑनलाइन फसवणुकीचे प्रमाण मोठ्या प्रमाणात वाढले आहे. सायबर गुन्हेगार क्रेडिट, डेबिट कार्ड ब्लॉक करण्याची भिती दाखवून, केवायसी आणि लॉटरीच्या नावाखाली फसवणूक करतात. लॉटरीच्या नावाखाली पैसे पाठवत असल्याचे सांगून पिन टाकण्यास सांगतात. मात्र, पैसे पाठवण्याऐवजी पिन टाकल्यानंतर आपोआप खात्यातून पैसे वजा होतात. सायबर गुन्हेगार पैसे मिळवण्यासाठी लोकांना पिन टाकण्यास सांगतात. तसेच, ओटीपीच्या माध्यमातून देखील मोठ्या प्रमाणात फसवणूक केली जाते.
वाचाः Airtel, Jio की Vi? जाणून घ्या कोण देत आहे ग्राहकांना सुपरफास्ट ४जी इंटरनेट?
बनावट यूपीआय अ‍ॅप
सध्या अनेक कंपन्यांचे वेगवेगळे यूपीआय अ‍ॅप उपलब्ध आहेत. तुम्ही अशा अ‍ॅप्सला प्ले स्टोरवरून सहज डाउनलोड करू शकता. मात्र, काही ठराविक लोकप्रिय अ‍ॅप्सचे क्लोन अ‍ॅप्स देखील प्ले स्टोरवर उपलब्ध असतात. अशा अ‍ॅप्सचा वापर केल्यास तुमचे मोठे नुकसान होऊ शकते. याशिवाय, प्ले स्टोर आणि अ‍ॅप स्टोरच्या माध्यमातून मूळ अ‍ॅप डाउनलोड करावे. अ‍ॅप डाउनलोड करण्यासाठी थर्ड पार्टी स्टोरचा वापर करू नये. या बनावट अ‍ॅप्सच्या माध्यमातून पेमेंट केल्याचे दिसते. मात्र, खात्यातून पैसे जात नाही. अशाप्रकारे दुकानदारांची मोठ्या प्रमाणात फसवणूक होते.
वाचाः Jio चा धमाका! लाँच केला अनलिमिटेड डेटासह येणारा प्लान, २०० रुपयात पाहता येईल १४ OTT प्लॅटफॉर्म्स
आयडी आणि पिन शेअर करू नये
बँक अकाउंट व यूपीआय अ‍ॅपचा वापर करताना कधीही अनोळखी व्यक्तीला खासगी माहिती शेअर करू नये. तसेच, यूपीआय पिनबाबत कधीही कोणाला माहिती देऊ नये. अनेकदा पैशांचे लालच दाखवून माहिती व ओटीपी मागितला जातो. अशी माहिती शेअर करणे टाळावे. मोबाइल नंबरवर आलेला ओटीपी शेअर केल्यास तुमचे बँक खाते मिनिटात रिकामे होईल. तसेच, अनोळखी लिंकवर क्लिक करणे टाळावे. तुमचे बँक खात्याशी ई-मेल आयडी आणि मोबाइल नंबर अपडेट ठेवा.
वाचाः ६४ मेगापिक्सल कॅमेऱ्यासह स्वस्तात लाँच झाला OnePlus चा शानदार स्मार्टफोन, जाणून घ्या किंमत-फीचर्स
Gadget News in Marathi: Computer, Mobile, Auto News in Marathi | Maharashtra Times
