देशातील प्रमुख खासगी टेलिकॉम कंपन्या रिलायन्स जिओ (Reliance Jio), वोडाफोन-आयडिया (Vi) आणि एयरटेल (Airtel) आपल्या ग्राहकांसाठी एकापेक्षा एक शानदार प्लान्स आणत असतात. कंपन्यांकडे प्रीपेड प्लान्ससोबतच पोस्टपेड प्लान्सची देखील मोठी लिस्ट उपलब्ध आहे. विशेष म्हणजे या पोस्पेड प्लान्समध्ये संपूर्ण कुटुंबाला फायदा होतो. या फॅमिली पोस्टपेड प्लान्समध्ये कंपन्या मोफत कॉलिंग आणि एसएमएससोबतच अनलिमिटेड डेटा देखील ऑफर करतात. याशिवाय, प्लान्समध्ये अतिरिक्त बेनिफिट्सचा देखील फायदा मिळतो. कंपन्यांच्या या पोस्टपेड प्लान्समध्ये अ‍ॅमेझॉन प्राइम (Amazon Prime), नेटफ्लिक्स (Netflix) आणि डिज्नी+ हॉटस्टारचे (Disney+ Hotstar) मोफत सबस्क्रिप्शन दिले जात आहे. या प्लान्समध्ये कुटुंबातील इतर सदस्यांना अतिरिक्त सिम कार्डचा देखील फायदा मिळेल. म्हणजेच, एका प्लान अंतर्गत कुटुंबातील इतर सदस्य देखील कॉलिंग, डेटाचा फायदा घेऊ शकतील. ओटीटी बेनिफिट्ससह येणाऱ्या या पोस्टपेड प्लान्सविषयी सविस्तर जाणून घेऊया.

​रिलायन्स जिओचे फॅमिली पोस्टपेड प्लान

टेलिकॉम कंपनी रिलायन्स जिओच्या पोर्टफोलियोमधील सर्वात महागडा फॅमिली पोस्टपेड प्लान ९९९ रुपयांचा आहे. या प्लानमध्ये कंपनी प्रायमरी यूजरसह फॅमिली मेंबर्सला देखील बेनिफिट्स देत आहे. या प्लानमध्ये तुम्हाला तीन अतिरिक्त सिम कार्डचा फायदा मिळेल. प्लानमध्ये एकूण २०० जीबी डेटा दिला जात आहे. तसेच, ५०० जीबीपर्यंत डेटा रोलओव्हरची सुविधा मिळते. या प्लानमध्ये अनलिमिटेड वॉइस कॉलिंग, दररोज १०० मोफत एसएमएससह नेटफ्लिक्स, प्राइम व्हिडिओ आणि डिज्नी+ हॉटस्टारचे मोफत सबस्क्रिप्शन मिळते.

वाचा: OnePlus च्या मोठ्या स्क्रीनसह येणाऱ्या टीव्हीला स्वस्तात खरेदीची संधी, फीचर्स एकापेक्षा एक जबरदस्त; पाहा डिटेल्स

​वोडाफोन-आयडियाचा REDX प्लान

-redx-

वोडाफोन आयडियाकडे २,२९९ रुपये किंमतीचा REDX प्लान उपलब्ध आहे. या प्लानमध्ये कुटुंबातील ५ यूजर्सला फायदा मिळेल. प्लानमध्ये कंपनी अनलिमिटेड डेटाचा फायदा देत आहे. याशिवाय, देशभरात सर्व नेटवर्कवर अनलिमिटेड वॉइस कॉलिंग आणि दरमहिन्याला ३ हजार मोफत एसएमएसची सुविधा मिळते. प्लानमध्ये अतिरिक्तत बेनिफिट्स देखील मिळत आहे. या पोस्टपेड प्लानमध्ये नेटफ्लिक्स (टीव्ही आणि मोबाइल), प्राइम व्हिडिओ आणि डिज्नी+ हॉटस्टारचे मोफत सबस्क्रिप्शन दिले जात आहे.

वाचा: ‘या’ शानदार स्मार्ट टीव्हीला खरेदीसाठी ग्राहकांचा तुफान प्रतिसाद, किंमत फक्त ८,९९९ रुपये; फीचर्स जबरदस्त

​एअरटेलच्या या फॅमिली प्लानमध्ये मिळतील जबरदस्त बेनिफिट्स

एअरटेलकडे १,५९९ रुपये किंमतीचा शानदार फॅमिली प्लान उपलब्ध आहे. या प्लानचे नाव फॅमिली इनफिनिटी असे आहे. यामध्ये एका मुख्य सिम कार्डसह एक अतिरिक्त अ‍ॅड-ऑन कनेक्शन कंपनी देत आहे. प्लानमध्ये दरमहिन्याला ५०० जीबी डेटा मिळतो. याशिवाय, २०० जीबी डेटा रोलओव्हरची सुविधा देखील मिळेल. एअरटेलचा हा प्लान अतिरिक्त बेनिफिट्ससह येतो. या पोस्टपेड प्लानमध्ये अ‍ॅमेझॉन प्राइम व्हिडिओसह डिज्नी+ हॉटस्टार व्हीआयच्या मोफत सबस्क्रिप्शनचा फायदा मिळतो.

वाचा: अवघ्या १९ रुपयांचा शानदार रिचार्ज प्लान, मिळेल हाय-स्पीड डेटाचा फायदा; पाहा डिटेल्स

​या प्रीपेड प्लान्समध्ये देखील मिळेल ओटीटी बेनिफिट्स

टेलिकॉम कंपनी रिलायन्स जिओकडे ४९९ रुपये आणि ७९९ रुपये किंमतीचे शानदार स्वस्त प्लान्स उपलब्ध आहे. या प्लानमध्ये डिज्नी+ हॉटस्टारचे मोफत सबस्क्रिप्शन मिळेल. या प्लानमध्ये डेटा, कॉलिंग आणि एसएमएसची देखील सुविधा मिळते. एअरटेलकडे देखील ४९९ रुपयांचा स्वस्त प्रीपेड प्लान उपलब्ध आहे. या प्लानमध्ये देखील डिज्नी+ हॉटस्टार आणि प्राइम व्हिडिओचे मोफत सबस्क्रिप्शन दिले जात आहे. वीआयकडे देखील डिज्नी+ हॉटस्टार सबस्क्रिप्शनसह येणारा ४९९ रुपयांचा स्वस्त प्लान उपलब्ध आहे.

वाचा: Realme च्या ‘या’ शानदार एसीची तुफान विक्री, सेलचा आज शेवटचा दिवस

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here