फ्री स्पीच
स्पेसएक्स, टेस्लाचे प्रमुख असलेले Elon Musk हे ट्विटरवर मोठ्या प्रमाणात सक्रीय आहेत. त्यांनी याआधी सातत्याने ट्विटरच्या धोरणावर टीका केली होती. आता त्यांनी ट्विटर खरेदी करण्यामागे फ्री स्पीच हे कारण आहे. मस्क यांनी म्हटले होते की, ट्विटरमध्ये मोठी क्षमता आहे. मात्र, यासाठी कंपनीला खासगी बनवणे गरजेचे आहे. त्यामुळे आता संपूर्ण मालकी एका हाती आल्याने मोठे बदल होतील. कॉन्टेंट मॉडरेशन आणि सेंसरशिपबाबत देखील पाऊले उचलली जातील.
वाचा – उकाड्याने हैराण झालात? महागडे एसी विसरा, खरेदी करा ‘हा’ पोर्टेबल एअर कूलर; किंमत फक्त १५०० रुपये
Twitter च्या अल्गोरिद्मला ओपन सोर्स केले जाईल
एलॉन मस्क यांच्यानुसार, फ्री स्पीचसाठी ट्विटरच्या अल्गोरिद्मला ओपन सोर्स करणे गरजेचे आहे. त्यामुळे कंपनी खरेदी केल्यानंतर आता लवकरच ट्विटरच्या अल्गोरिद्मला ओपन सोर्स केले जाईल. ओपन सोर्समुळे यूजर्सला ट्विटरवर विश्वास कायम राहील, असेही त्यांनी म्हटले आहे. अल्गोरिद्म ओपन सोर्स झाल्याने पारदर्शकता वाढेल व सिक्योरिटी रिसर्चर वेळोवेळी टेस्ट देखील करू शकतील. ट्विटर कोड Github वर उपलब्ध व्हायला हवे, असेही त्यांनी म्हटले आहे.
वाचा: फक्त ११ हजारांच्या बजेटमध्ये Realme च्या स्मार्टफोनची धमाकेदार एंट्री, फीचर्स एकापेक्षा एक जबरदस्त
खऱ्या यूजर्सला केले जाईल ऑथेन्टिकेट
ट्विटरला खरेदी करण्याआधी एलॉन मस्क यांनी म्हटले होते की, प्लॅटफॉर्मवरील सर्व यूजर्सला ऑथेन्टिकेट केले जाईल. म्हणजेच, ट्विटर वापरणारे सर्व यूजर्स खरे असतील. सध्या ट्विटरवर बनावट अकाउंट्स आणि बॉट्सची संख्या मोठी आहे. ट्विटर खरेदीची घोषणा केल्यानंतर देखील त्यांनी स्पॅम बॉट्सला हटवले जाईल असेही म्हटले आहे. मात्र, हे कशाप्रकारे केले जाईल हे अद्याप स्पष्ट झालेले नाही. ट्विटरला अधिक चांगला प्लॅटफॉर्म बनवण्यासाठी हा एक मोठा प्रयत्न ठरू शकतो.
वाचा: स्मार्टफोनच्या एका क्लिकवर मिळेल स्वस्त पेट्रोल-डिझेलची माहिती; ‘हे’ अ‍ॅप्स येतील खूपच उपयोगी
स्पॅम बॉट्स अकाउंटला हटवणार
एलॉन मस्क ट्विटर खरेदी करण्याच्या आधीपासूनच सुरक्षा आणि पारदर्शकतेच्या बाजूने असल्याचे पाहायला मिळाले आहे. मस्क यांनी प्लॅटफॉर्म्सवरील बॉट अकाउंटला हटवले जाणार असल्याचे म्हटले होते. ट्विटर खरेदी केल्यानंतर केलेल्या ट्विटमध्ये देखील त्यांनी याचा पुन्हा एकदा उल्लेख केला आहे. सर्व खऱ्या यूजर्सचे ऑथेन्टिकेशन आणि स्पॅम अकाउंट्स हटवले जाणार असल्याचे म्हटले आहे. कंपनीची १०० टक्के मालकी त्यांच्याकडे आल्याने लवकरच याची अंमलबजावणी देखील होण्याची शक्यता आहे.
वाचा: धमाकेदार ऑफर! चक्क रिचार्जच्या किंमतीत मिळतोय दमदार Realme 9i स्मार्टफोन, जाणून घ्या फीचर्स
फॉलोअर्सची संख्या होईल कमी
ट्विटर खरेदी केल्यानंतर केलेल्या ट्विटमध्ये मस्क यांनी नवीन फीचर्स, अल्गोरिद्म ओपन सोर्स, बॉट अकाउंट्सला हटवणे आणि खऱ्या यूजर्सला ऑथेन्टिकेट केले जाईल, असे म्हटले आहे. फ्री स्पीचबाबत देखील त्यांनी उल्लेख केला आहे. मात्र, बॉट अकाउंट्सचे ट्विटरवरील प्रमाण मोठे आहे. अशात जर बॉट अकाउंट्सला हटवल्याने यूजर्सची फॉलोअर्स संख्या कमी मोठ्या प्रमाणात कमी होईल. फॉलोअर्स कमी झाल्यास यूजर्स नाराज होण्याची शक्यता आहे. दरम्यान, मस्क यांच्याकडे पूर्ण मालकी आल्याने आता ट्विटरमध्ये काय बदल होणार, हे पाहणे महत्त्वाचे आहे.
Gadget News in Marathi: Computer, Mobile, Auto News in Marathi | Maharashtra Times
