तुमचा मोबाईल चोरी केल्यानंतर आजकाल चोर फक्त एकच गोष्ट शोधत असतात हे तुम्हाला माहीत आहे का? ती गोष्ट म्हणजे तुमचे बँक डिटेल्स . आज काल जास्तीत जास्त लोक डिजिटल पेमेंट करतात आणि विविध अॅप्स वापरतात हे विसरून चालणार नाही. स्मार्टफोन चोरांना हे वॉलेट मिळवणे इतके अवघड नाही. उदाहरणार्थ, ब्राझीलमधील सो पाउलो येथील गुन्हेगारांनी आयफोन हँडसेट विकण्यासाठी नव्हे तर या उपकरणांच्या मालकांच्या बँक तपशीलांमध्ये प्रवेश करण्यासाठी आणि त्यांचे पैसे चोरण्यासाठी कथितपणे चोरी केली. अशा घटना समोर येत असल्याने सावधगिरी बाळगणे अत्यंत गरजेचे बनले आहे. तुमचा फोन हरवल्यास, तुम्ही खालील पद्धतींनी तुमच्या फोनचा किंवा त्याच्या डेटाचा गैरवापर टाळू शकता. जाणून घ्या या सोप्पी टिप्स ज्या स्मार्टफोन चोरी गेल्यानंतर देखील तुमचे बँक डिटेल्स सेफ ठेवण्यात तुमची मदत करतील. पाहा डिटेल्स.

​UPI पेमेंट Deactivate करा

upi-deactivate-

UPI पेमेंट Deactivate करा: फोन चोरी गेल्यानंतर थोडा उशीर तुम्हाला महागात पडू शकतो. UPI पेमेंटसारख्या इतर सुविधांकडेही तातडीने लक्ष देण्याची गरज आहे. शक्य तितक्या लवकर ते निष्क्रिय करा.

सर्व मोबाईल वॉलेट ब्लॉक करा: मोबाईल वॉलेटमुळे आयुष्य खूप सोपे झाले आहे. पण जर तुमचा फोन चुकीच्या हातात पडला तर गुगल पे आणि पेटीएम सारखे मोबाईल वॉलेटचा गैरवापर होऊ शकतो . संबंधित अॅपच्या हेल्प डेस्कशी संपर्क साधा आणि तुम्ही नवीन डिव्हाइसवर वॉलेट रीसेट करेपर्यंत कोणालाही प्रवेश दिला जाणार नाही याची खात्री करा.

वाचा: Jio-Airtel नाही तर,’या’ कंपनीचा प्लान आहे जबरदस्त,अनलिमिटेड डेटा-कॉलिंग-OTT सारखे बेनेफिट्स मिळवा कमी किमतीत

तक्रार नोंदवा

पोलिसांकडे जा, तक्रार नोंदवा: फोन चोरी गेल्यानंतर वर नमूद केलेल्या सर्व स्टेप्स फॉलो करा. येथे लक्षात घेण्यासारखी गोष्ट म्हणजे तुमच्या चोरीला गेलेल्या डिव्हाइसची माहिती अधिकार्‍यांना देणे देखील आवश्यक आहे. तुम्ही जवळच्या पोलिस स्टेशनमध्ये फोन चोरीची तक्रार नोंदवू शकता आणि त्यांच्याकडून एफआयआरची प्रत देखील घेऊ शकता. तुमच्या फोनचा गैरवापर झाला असेल किंवा तुमच्या फोनद्वारे तुमचे पैसे चोरीला गेले असतील, तर ही प्रत तुमच्यासाठी पुरावा म्हणून उपयुक्त ठरेल. फोन चोरी गेल्यास या गोष्टींकडे लक्ष दिले तर अधिक नुकसान होणार नाही.

वाचा : स्मार्टफोन वारंवार गरम होत असेल तर वापरा ‘या’ ४ टिप्स, फोन राहणार सेफ आणि कूल

​मोबाईल Banking Services बंद करा

-banking-services-

मोबाईल Banking Services बंद करा: फोन चोरी गेल्यानंतर तुमचे डिटेल्स सेफ राहतील याची काळजी घेणे आवश्यक आहे. चोर तुमच्या बँकेच्या तपशीलात सहज प्रवेश करू शकतात. त्यामुळे अशा वेळी बँक सेवा बंद करणे अत्यंत आवश्यक आहे. तुमचे सिम कार्ड आणि मोबाईल अॅप दोन्हीही अत्यंत महत्वाचे असतात. कारण, नोंदणीकृत नंबरवर OTP शिवाय कोणतेही हस्तांतरण होऊ शकत नाही. म्हणूनच फोन हरवला किंवा चोरीला गेला की लगेच दोन्ही ब्लॉक केले पाहिजेत. असे केल्यास तुम्ही तुमचे मोठे नुकसान टाळू शकता.

वाचा: Online व्यवहार करतांना QR कोड वापरत असाल तर, ‘या’ गोष्टींकडे द्या लक्ष, अन्यथा बसू शकतो लाखोंचा फटका

सिम कार्ड ब्लॉक करा

तुमचे सिम कार्ड ब्लॉक करा : फोन हरविल्यानंतर जर तो चुकीच्या हाती गेला तर, तुमचे मोठे नुकसान होऊ शकते. म्हणूनच, फोन हरवल्यास फोन नंबरचा गैरवापर होणार नाही याची काळजी घेणे सर्वात महत्त्वाचे आहे. असे होऊ नये यासाठी सिम कार्ड ब्लॉक करा. फोनवरील प्रत्येक अॅप ब्लॉक करा. ज्यात OTP द्वारे प्रवेश केला जाऊ शकतो. तुम्ही नेहमी नवीन सिम कार्डवर पुन्हा जारी केलेला जुना नंबर मिळवू शकता. यात काही वेळ लागू शकतो. परंतु, तुमची गोपनीयता आणि मोबाइल वॉलेट यापेक्षा जास्त महत्त्वाचे आहेत.

वाचा : Jio-Airtel नाही तर,’या’ कंपनीचा प्लान आहे जबरदस्त,अनलिमिटेड डेटा-कॉलिंग-OTT सारखे बेनेफिट्स मिळवा कमी किमतीत

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here