LG Style 3 स्मार्टफोन लाँच, पाहा किंमत

नवी दिल्लीः स्मार्टफोन कंपनी एलजी ने ग्लोबल बाजारात आपला नवीन स्मार्टफोन लाँच केला आहे. युजर्संना या फोनमध्ये ४८ मेगापिक्सलचा कॅमेरा, जबरदस्त प्रोसेसर आणि मोठी बॅटरीचा सपोर्ट मिळणार आहे. भारतात हा फोन कधी लाँच होईल, याविषयी कंपनीने अद्याप काहीही माहिती दिली नाही.

वाचाः

LG Style 3 ची किंमत
कंपनीने या स्मार्टफोनच्या किंमतीची अद्याप घोषणा केली नाही. परंतु, काही रिपोर्टमध्ये हा दावा करण्यात आला आहे की, एलजी स्टाईल ३ ची किंमत ३८ हजार रुपये असू शकते. हा फोन मिरर ब्लॅक आणि ऑरोरा व्हाईट या दोन रंगात खरेदी करता येवू शकतो.

LG Style 3 खास वैशिष्ट्ये

कंपनीने या फोनमध्ये ६.१ इंचाचा ओएलईडी क्यूएचडी डिस्प्ले दिला आहे. ज्याचे रिझॉल्यूशन ३१२०x१४४० पिक्सल आहे. तसेच या फोनमध्ये स्नॅपड्रॅगन ८४५ प्रोसेसर आणि ४ जीबी रॅम प्लस ६४ जीबी स्टोरेजचा सपोर्ट दिला आहे. हा फोन अँड्रॉयड १० ऑपरेटिंग सिस्टमवर काम करतो.

LG Style 3 चा कॅमेरा

या फोनमध्ये एलजी कंपनीने ड्युअल कॅमेऱ्याचा सेटअप दिला आहे. ज्यात ४८ मेगापिक्सलचा सेन्सर आणि ५ मेगापिक्सलचा डेप्थ सेन्सर दिला आहे. तसेच युजर्संना या फोनमध्ये फ्रंटला ८ मेगापिक्सलचा सेल्फी कॅमेरा मिळणार आहे.

LG Style 3 ची बॅटरी

कंपनीने या फोनमध्ये कनेक्टिविटीसाठी वायफाय, जीपीएस, ब्लूटूथ आणि यूएसबी पोर्ट यासारखे फीचर्स दिले आहेत. तसेच कंपनीने युजर्संना या फोनमध्ये ३५०० एमएएच क्षमतेची बॅटरी दिली आहे.

वाचाः