JioFiber १०० Mbps ब्रॉडबँड प्लान
जिओ देशातील सर्वात मोठ्या टेलिकॉम कंपनीपैकी एक आहे. जिओकडे पोस्टपेड आणि प्रीपेड मोबाइल रिचार्ज प्लान्स तर आहेतच, मात्र कंपनीच्या पोर्टफोलियोमध्ये ब्रॉडबँड प्लान्सची मोठी लिस्ट देखील आहे. कंपनीकडे ३० दिवसांच्या वैधतेसह येणारा JioFiber प्लान आहे. ६९९ रुपयांच्या या प्लानमध्ये १०० एमबीपीएस स्पीडने डेटा मिळतो. यात एकूण ३३०० जीबी डेटा मिळेल. यूजर्सला या प्लानमध्ये १०० एमबीपीएसच्या स्पीडने अपलोड आणि डाउनलोड स्पीडचा अ‍ॅक्सेस मिळेल.
Excitel चा १०० Mbps प्लान
Excitel देखील ब्रॉडबँड सर्विससाठी लोकप्रिय आहे. कंपनीकडे १०० एमबीपीएस स्पीडसह येणारे अनेक प्लान्स उपलब्ध आहेत. कंपनीकडे १ महिन्यासाठी ६९९ रुपयांचा प्लान उपलब्ध आहे. यूजर्स ३ महिने, ४ महिने, ६ महिने, ९ महिने आणि १२ महिन्यांचा प्लान देखील घेऊ शकतात. या प्लान्सची किंमत ५६५ रुपये, ५०८ रुपये, ४९० रुपये, ४२४ रुपये आणि ३९९ रुपये आहे. तसेच, ९ महिन्यांचा प्लान केवळ नवीन ग्राहकांसाठी उपलब्ध आहे. या प्लानमध्ये यूजर्सला अनलिमिटेड डेटा मिळतो.
वाचा: Ration Card: घरबसल्या करू शकता रेशन कार्डसाठी अर्ज, सरकारी योजनांचा मिळेल फायदा; जाणून घ्या प्रोसेस
Airtel चा १०० एमबीपीएस प्लान
Airtel एक्सस्ट्रीम फायबर १ जीबीपीएसपर्यंत हाय-स्पीड इंटरनेट प्रदान करणारे प्लान्स आहेत. कंपनीकडे ७९९ रुपये किंमतीचा शानदार ब्रॉडबँड प्लान उपलब्ध आहे. या प्लानमध्ये १०० एमबीपीएसच्या स्पीडने इंटरनेटचा फायदा मिळेल. या ब्रॉडबँड प्लानमध्ये एकूण ३.३ टीबी म्हणजेच ३३०० जीबी फेयर-यूज-पॉलिसी (FUP) डेटा मिळतो. Airtel च्या या प्लानची वैधता एक महिन्याची आहे. या व्यतिरिक्त देखील कंपनीकडे शानदार ब्रॉडबँड प्लान्स उपलब्ध असून, तुम्ही कंपनीच्या अधिकृत वेबसाइटवरून याची माहिती घेऊ शकता.
वाचा: THOMSON AC: बंपर डिस्काउंट! उकाड्यात घ्या थंड हवेचा अनुभव, खूपच स्वस्तात मिळतायत ‘हे’ शानदार एसी
BSNL चा १०० एमबीपीएस ब्रॉडबँड प्लान
सरकारी टेलिकॉम कंपनी BSNL देखील १०० एमबीपीएस ब्रॉडबँड प्लान ऑफर करते. बीएसएनएलकडे सुपरस्टार प्रीमियम १ आणि फायबर वॅल्यू असे दोन प्लान्स आहेत, जे १०० एमबीपीएस स्पीड ऑफर करतात. या प्लान्सची किंमत क्रमशः ७४९ रुपये आणि ७९९ रुपये आहे. या प्लान्सची वैधता १ महिना आहे. BSNL च्या या सुपरस्टार प्रीमियम – १ प्लानमध्ये १००० जीबी आणि फायबर वॅल्यू प्लानमध्ये ३३०० जीबी डेटाचा फायदा मिळतो.
Gadget News in Marathi: Computer, Mobile, Auto News in Marathi | Maharashtra Times
