@nirajcpanditMt
लॉकडाऊनमुळे लहान मुलांना खेळण्यासाठीही घराबाहेर पडता येत नाहीय. म्हणूनच घरातली कामं सांभाळून ‘वर्क फ्रॉम होम’करणाऱ्या अनेक पालकांनी आपल्या मुलांना युट्यूबवरील विविध चॅनल्सचा पर्याय खुला करून दिला आहे. यामुळे गेल्या तीन आठवड्यांमध्ये देशातच नव्हे तर जगभरात लहान मुलांची युट्यूब चॅनल्स टॉपवर गेली आहेत.
गाण्यांमधून लहान मुलांना अभ्यास शिकवणारं सर्वात लोकप्रिय चॅनल ‘नर्सरी ऱ्हाइम्स’नं यात मुसंडी मारली असून, आठवडाभरात या चॅनेलचे ७ टक्के व्ह्यूअर्स वाढले आहेत. भारतीय मुलांच्या पसंतीचं आणि भारतीय गोष्टींचं चॅनेल ‘चूचू टीव्ही नर्सरी ऱ्हाइम्स अँड किड्स साँग’ या वाहिनीचेही सात टक्के व्ह्यूअर्स वाढले. एका आठवड्यात तब्बल तीन लाख नवीन युजर्सनी ही वाहिनी सबस्क्राइब केली. तर लहान मुलांच्या विविध गंमतीशीर गोष्टी दाखवणाऱ्या ‘वॉव किड्स’ या चॅनलला १६ टक्क्यांनी व्ह्यूअर्स वाढले असून, दोन लाख युजर्सनी हे चॅनल सबस्क्राइब केलं आहे.
वाचाः
एकूण युट्यूबवर ५६ अब्ज व्ह्यूजनी वाढ झाल्याचं ट्युबफिल्टरनं प्रसिद्ध केलेल्या अहवालात स्पष्ट करण्यात आलं आहे. किड्स डिना शो या चॅनलनं आठवड्याभरात मुसंडी मारून १२ टक्के अधिक, म्हणजे तब्बल ६२६.६ दशलक्ष व्ह्यूअर्स मिळवले आहेत. मागील आठवड्यात टॉप ५०मध्ये प्रथमच १७ विविध देशांचे युट्यूब चॅनल्स वर आले आहेत. यात प्रथमच जर्मनीची वाहिनी ‘हर्ट टेस्ट’ हे अॅडव्हेन्चर चॅनलही टॉप ५०मध्ये आलं आहे. या वाहिनीच्या व्ह्यूअर्समध्ये सुमारे ९३ टक्क्यांनी वाढ झाली आहे. यामुळे या चॅनलला लॉकडाऊनचा सर्वाधिक फायदा झाला आहे. या सर्वाबरोबरच वृत्त वाहिन्यांच्या चॅनल्स अधिक पाहिले गेले.
वाचाः
लहान मुलांची चॅनल्स आघाडीवर
लॉकडाऊनच्या काळात जास्तीत जास्त वेळ ऑनलाइन घालवणाऱ्यांनी युट्यूबला सर्वाधिक पसंती दिली आहे. युट्यूबवर ५६ अब्ज व्ह्यूजची वाढ झाली असून, अनेक युट्यूब चॅनल्सनी व्ह्यूअरशिपमध्ये मुसंडी मारलीय. लहान मुलांची युट्यूब चॅनल्स यात सर्वाधिक आघाडीवर आहेत.
टॉप ५० मध्ये या देशांचे चॅनल्स
भारत – १६ चॅनल्स
अमेरिका – १२ चॅनल्स
रशिया – ३ चॅनल्स
कॅनडा, थायलंड, ब्राझिल, ब्रिटन आणि अर्जेंटिना – प्रत्येकी २ चॅनल्स
वाचाः
Gadget News in Marathi: Computer, Mobile, Auto News in Marathi | Maharashtra Times
