Smartphone wallet Tips: जर तुमचा मोबाईल चोरी गेला किंवा तो चुकीने हरवला. तर, चोर फक्त एकच गोष्ट शोधत असतात आणि ती म्हणजे तुमचे तुमचे बँक डिटेल्स. इंटरनेटचा वापर वाढल्यामुळे आज काल जास्तीत जास्त लोक डिजिटल पेमेंट करत आहेत आणि विविध अॅप्स वापरत आहेत. त्याचे फायदे तर आहेतच. पण, त्याकडे लक्ष न दिल्यास यामुळे तुमचे मोठे नुकसान देखील होऊ शकते. खरं पाहता, एकदा तुमचा स्मार्टफोन चोरांच्या हाती आला तर स्मार्टफोन स्मार्टफोन वॉलेट्स मिळवणे इतके अवघड नाही. कधी- कधी तर चोर स्मार्टफोनसाठी नाही तर त्यातील बँक डिटेल्स मिळविण्यासाठी सुद्धा स्मार्टफोन चोरतात. गेल्या काळात अशा काही घटना घडल्या आहेत. म्हणूचच सावधगिरी बाळगणे अत्यंत गरजेचे आहे. तुमचा फोन हरवल्यास, तुम्ही खालील पद्धतींनी तुमच्या फोनचा किंवा त्याच्या डेटाचा गैरवापर टाळू शकता.

File Report

file-report

पोलिसांकडे जा, तक्रार नोंदवा: तुमच्या चोरीला गेलेल्या Smartphone/ डिव्हाइसची माहिती पोलिस अधिकार्‍यांना देणे देखील आवश्यक आहे. तुम्ही जवळच्या पोलिस स्टेशनमध्ये फोन चोरीची तक्रार नोंदवू शकता आणि त्यांच्याकडून एफआयआरची प्रत देखील घेऊ शकता. तुमच्या फोनचा गैरवापर झाला असेल किंवा तुमच्या फोनद्वारे तुमचे पैसे चोरीला गेले असतील, तर ही प्रत तुमच्यासाठी पुरावा म्हणून उपयुक्त ठरेल. आज कालच्या या डिजिटल युगात ऑनलाईन फसवेगिरीचे प्रमाण वाढले असून अशात योग्य ती काळजी घेणे आवश्यक आहे.

वाचा : Smartphone Tips: जुन्या स्मार्टफोनमध्ये नव्या सारखा बॅटरी बॅकअप ! ‘या’ टिप्सच्या मदतीने मिळवा लो बॅकअप पासून सुटका

Mobile Wallets

mobile-wallets

सर्व मोबाईल वॉलेट ब्लॉक करा: मोबाईल वॉलेटमुळे आयुष्य खूप सोपे झाले आहे. आजकाल अनेक स्मार्टफोन युजर्स मोबाईल वॉलेटचा आवर्जून वापर करतात. पण, जर तुमचा फोन चुकीच्या हातात पडला तर Google Pay आणि पेटीएम सारख्या मोबाईल वॉलेटची तुम्हाला मोठी किंमत मोजावी लागू शकते. म्हणून जर कधी मोबाईल हरविला किंवा चोरी गेला तर सर्वप्रथम संबंधित अॅपच्या हेल्प डेस्कशी संपर्क साधा आणि तुम्ही नवीन डिव्हाइसवर वॉलेट रीसेट करेपर्यंत कोणालाही प्रवेश दिला जाणार नाही याची खात्री करा.

वाचा : Smartphone Offers : ट्रिपल रिअर कॅमेरा सेटअपसह येणाऱ्या iQOO च्या ‘या’ दमदार 5G स्मार्टफोनवर मोठा ऑफ, पाहा फीचर्स

Deactivate UPI Payments

deactivate-upi-payments

UPI पेमेंट निष्क्रिय करा: थोडा उशीर तुम्हाला महागात पडू शकतो. चोर UPI पेमेंटसारख्या इतर सुविधांशी छेडछाड करण्याचा प्रयत्न करू शकतो. त्यामुळे याकडेही तातडीने लक्ष देण्याची गरज आहे. शक्य तितक्या लवकर ते निष्क्रिय करा.

मोबाइल बँकिंग सेवा: फोन चोर तुमच्या बँकेच्या तपशीलात सहज प्रवेश करू शकतात. त्यामुळे अशा वेळी बँक सेवा बंद करणे अत्यंत आवश्यक आहे. नोंदणीकृत नंबरवर OTP शिवाय कोणतेही हस्तांतरण होऊ शकत नाही. पण, फोन हरवला किंवा चोरीला गेला की लगेच दोन्ही ब्लॉक केले पाहिजेत.

Block Sim Card

block-sim-card

तुमचे सिम कार्ड ब्लॉक करा: फोन हरवल्यास फोन नंबरचा गैरवापर होणार नाही याची काळजी घेणे सर्वात महत्त्वाचे आहे. फोन चोरी झाल्यानंतर सर्वात आधी करायचे काम म्हणजे सिम कार्ड ब्लॉक करणे म्हणजे फोनवरील प्रत्येक अॅप ब्लॉक करणे. ज्यात OTP द्वारे प्रवेश केला जाऊ शकतो. तुम्ही नेहमी नवीन सिम कार्डवर पुन्हा जारी केलेला जुना नंबर मिळवू शकता. या प्रोसेसला काही वेळ लागू शकतो. परंतु, तुमची गोपनीयता आणि मोबाइल वॉलेट यापेक्षा जास्त महत्त्वाचे आहेत. म्हणून, तुमचा मोबाइल चुकीच्या हाती जाऊन त्याचा गैरवापर होऊ नये असे जर तुम्हाला वाटत असेल तर,फोन हरवल्यास लगेच सिम ब्लॉक करा .

वाचा: Smartphone Offers: प्रीमियम स्मार्टफोन खरेदीची इच्छा करा पूर्ण, One Plus च्या सर्वात महाग स्मार्टफोनवर मिळतोय तगडा डिस्काउंट

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here