Jio Airtel Vi Prepaid Plans: इंटरनेशिवाय तुम्ही स्मार्टफोन वापरूच शकत नाही. दिवसभर सोशल मीडिया, चॅटिंग, व्हिडिओ पाहण्यासाठी इंटरनेट गरजेचे आहे. अशावेळी आपल्याला डेली डेटा ऑफर करणारे रिचार्ज प्लान्स घ्यावे लागतात. टेलिकॉम कंपन्या देखील ग्राहकांची गरज लक्षात घेऊन दररोज १ जीबी, २ जीबी डेटा ऑफर करणारे स्वस्त प्लान्स सादर करत असतात. देशातील खासगी टेलिकॉम कंपन्या रिलायंस जिओ (Reliance Jio), एअरटेल (Airtel) आणि वोडाफोन आयडियाकडे (Vodafone Idea) कमी किंमतीत येणारे शानदार प्रीपेड प्लान्स उपलब्ध आहे. ६०० रुपयांपेक्षा कमी किंमतीत येणाऱ्या या प्लान्समध्ये डेटा, अनलिमिटेड कॉलिंग, एसएमएससह अतिरिक्त बेनिफिट्सचा देखील फायदा मिळेल. काही प्लान्समध्ये Disney+Hotstar चे मोफत सबस्क्रिप्शन देखील दिले जात आहे. Disney+Hotstar द्वारे तुम्ही चित्रपट-सीरिजसह आयपीएलचा देखील मोफत आनंद घेऊ शकता. ६०० रुपयांपेक्षा कमी किंमतीत येणाऱ्या या प्लान्समधील बेनिफिट्सविषयी जाणून घेऊया.

​जिओचे शानदार प्लान्स

जिओचा ३३३ रुपयांचा प्लान: जिओकडे ३३३ रुपयांचा शानदार प्रीपेड प्लान उपलब्ध असून, यामध्ये दररोज १.५ जीबी डेटा, दररोज १०० एसएमएस आणि अनलिमिटेड वॉइस कॉलिंगची सुविधा मिळते. प्लानची वैधता २८ दिवस आहे. यामध्ये तुम्हाला ३ महिन्यांसाठी Disney+Hotstar चे सबस्क्रिप्शन दिले जात आहे.

जिओचा ४९९ रुपयांचा प्रीपेड प्लान: जिओचा ४९९ रुपयांचा प्लान २८ दिवसांच्या वैधतेसह येतो. प्लानमध्ये देशभरात सर्व नेटवर्कवर अनलिमिटेड वॉइस कॉलिंग, दररोज १०० एसएमएस आणि दररोज २ जीबी डेटा दिला जातो. प्लानमध्ये वर्षभरासाठी डिज्नी+ हॉटस्टारचे मोफत सबस्क्रिप्शन मिळेल.

वाचा: Sim Card: तुमच्या नावावर किती जणांनी घेतले आहे सिम कार्ड? या सोप्या प्रोसेसने मिळेल संपूर्ण माहिती

​जिओचा ५८३ रुपयांचा प्रीपेड प्लान

टेलिकॉम कंपनी रिलायन्स जिओकडे ६०० रुपयांच्या बजेटमध्ये ३३३ रुपये आणि ४९९ रुपयांप्रमाणेच ५८३ रुपयांचा शानदार प्रीपेड प्लान उपलब्ध आहे. या रिचार्ज प्लानमध्ये तुम्हाला दररोज १.५ जीबी डेटाची सुविधा मिळते. याशिवाय, देशभरात सर्व नेटवर्कवर अनलिमिटेड वॉइस कॉलिंग आणि दररोज मोफत १०० एसएमएसची सुविधा दिली जात आहे. या प्रीपेड प्लानची वैधता ५६ दिवस आहे. यामध्ये तुम्हाला ३ महिन्यांसाठी Disney+Hotstar चे मोफत सबस्क्रिप्शन मिळेल.

​Airtel चे प्रीपेड प्लान

airtel-

Airtel चा ३९९ रुपयांचा प्रीपेड प्लान: या प्लानमध्ये २८ दिवसांसाठी दररोज १०० एसएमएस, दररोज २.५ जीबी डेटा, देशभरात सर्व नेटवर्कवर अनलिमिटेड कॉलिंगची सुविधा मिळते. या प्लानमध्ये ३ महिन्यांसाठी Disney+Hotstar चे सबस्क्रिप्शन दिले जाते.

Airtel चा ४९९ रुपयांचा प्रीपेड प्लान: या प्लानमध्ये २८ दिवसांसाठी दररोज २ जीबी डेटा, अनलिमिटेड वॉइस कॉलिंग, दररोज १०० एसएमएस आणि १ वर्षासाठी Disney+Hotstar चे सबस्क्रिप्शन मिळेल.

Airtel चा ५९९ रुपयांचा प्रीपेड प्लान: ५९९ रुपयांच्या प्लानची वैधता २८ दिवस असून, यात दररोज ३ जीबी डेटा, अनलिमिटेड कॉलिंग आणि दररोज १०० एसएमएसची सुविधा मिळते. हा प्लान १ वर्षासाठी Disney+Hotstar च्या सबस्क्रिप्शनसह येतो.

​Vi चे प्रीपेड प्लान

vi-

Vi चा ४९९ रुपयांचा प्रीपेड प्लान: या प्लानमध्ये २८ दिवसांसाठी दररोज २ जीबी डेटा, अनलिमिटेड वॉइस कॉलिंग आणि दररोज १०० एसएमएसची सुविधा दिली जाते. प्लानमध्ये १ वर्षासाठी Disney+Hotstar चे मोफत सबस्क्रिप्शन दिले जाते. या व्यतिरिक्त कंपनीकडे ६०१ रुपयांचा प्लान देखील आहे. यामध्ये दररोज ३ जीबी डेटा, अनलिमिटेड वॉइस कॉलिंग, दररोज १०० एसएमएसची सुविधा मिळते. याशिवाय, १६ जीबी अतिरिक्त डेटा, Disney+Hotstar चे एक सबस्क्रिप्शन दिले जाते.

वाचा: Recharge Plans: Jio चा ‘हा’ स्वस्त प्लान Airtel वर पडतोय भारी, फक्त २०० रुपयात मिळतील धमाकेदार बेनिफिट्स

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here