Smartphone Tips: स्मार्टफोन वापरत नाही असे जर एखाद्याने सांगितले तर त्यावर लगेच विश्वास बसणार नाही. कारण, आजकाल शाळकरी मुलांपासून ते वयोवृद्ध लोकांपर्यंत प्रत्येक जण स्मार्टफोन वापरतो. फोन हा आधुनिक जीवनाचा एक भाग बनला आहे. कारण, अनेक गोष्टी करण्यासाठी त्याचा वापर होतो. ऑनलाईन शॉपिंग पासून ते ऑनलाईन क्लासेसपर्यंत स्मार्टफोनने सगळ्यांचे जीवन सहज सोप्पे बनविले आहे. पण, अनेकदा युजर्स स्मार्टफोन वापरतांना योग्य ती काळजी घेत नाही. तुम्ही देखील स्मार्टफोन युजर असाल तर या चुका करणे टाळा. याकडे वेळीच लक्ष न दिल्यास तुमची वैयक्तिक माहिती तर चुकीच्या हाती जाऊच शकते. सोबतच, तुम्हाला आर्थिक नुकसान देखील सहन करावे लागू शकते. तुमचे असे नुकसान होऊ नये. म्हणून, आज आम्ही काही सर्वात सामान्य आणि सर्वात मोठ्या स्मार्टफोन चुकांबद्दल तुम्हाला सविस्तर सांगणार आहो.

Public Wi-Fi

public-wi-fi

सार्वजनिक वाय-फाय नेटवर्क वापरणे: सार्वजनिक वाय-फाय नेटवर्क स्वस्त आणि वापरण्यास सोपे आहेत. जे अनेक लोक वापरतात. पण, फ्री वाय फाय वापरण्यापूर्वी हे नेटवर्क सुरक्षिततेसाठी धोका असू शकतात. हे देखील माहित असणे आवश्यक आहे. या नेटवर्कशी जोडलेले हॅकर्स सार्वजनिक वाय-फाय नेटवर्कवर पाठवलेली माहिती सहज पाहू शकतात. हे हॅकर्सना युजर्सची माहिती चोरण्यास आणि त्यांच्या डिव्हाइसवर दूरस्थपणे प्रवेश करण्यास अनुमती देईल. तुम्हाला सार्वजनिक वाय-फाय नेटवर्क वापरण्याची आवश्यकता असल्यास, इंटरनेटशी कनेक्ट करताना तुम्ही VPN वापरत असल्याची खात्री करा.

वाचा : Smart Gadgets: ‘या’ डिव्हाइसेसच्या मदतीने घर बनणार Smart Home, आजच आणा घरी, फीचर्स आहेत ट्रेंडी

Old Apps

old-apps

अपडेट्स महत्वाचे : काही युजर्सना अॅप्ससाठी नवीन सॉफ्टवेअर अपडेट उपलब्ध असल्याचे नोटिफिकेशन्स आवडत नाहीत . पण, यामुळे उपकरण सुरक्षितपणे चालण्यास मदत होते. हे अपडेट्स केवळ युजर्सचा अनुभव सुधारण्यावर लक्ष केंद्रित करत नाहीत तर नवीन शोधलेल्या त्रुटींना सामोरे जाणारे सुरक्षा पॅच देखील समाविष्ट करतात. ही Updates खूप महत्त्वाची आहेत आणि त्यांच्याकडे दुर्लक्ष केल्याने तुमचे डिव्हाइस Malware Attack च्या संपर्कात येऊ शकते. या व्यतिरिक्त, हे Updates काही दोष देखील दूर करतात. ज्यामुळे तुमचा हँडसेट खराब होऊ शकतो. प्रत्येक वेळी शक्य तितक्या लवकर अपडेट डाउनलोड केले पाहिजे.

​Android OS

android-os

Android OS: मोबाईल ब्रँड सतत सॉफ्टवेअर तसेच मोबाईल OS (Android) साठी सुरक्षा अपडेट्स शेअर करत असतात. यापैकी काही आवश्यक आहेत कारण ते तुमच्या डिव्हाइसवर नवीन वैशिष्ट्ये आणि डिझाइन घटक आणतात, तर इतर सुरक्षा Updates आहेत. जी फोनला धोकादायक अॅप्स आणि इतर तत्सम धोक्यांपासून संरक्षण देतात. तुमच्‍या स्‍मार्टफोनला ग्‍लिच-फ्री चालण्‍यासाठी हे अपडेट डाउनलोड करण्‍याची आवश्‍यकता आहे. म्हणून जर स्मार्टफोन अधिक काळ चांगला चालावा असे वाटत असल्यास अपडेट्सकडे लक्ष द्या.

वाचा: Bill Gates: आयफोन नाही तर, ‘या’ कंपनीचा स्मार्टफोन वापरतात Bill Gates, पाहा काय आहे फोनमध्ये खास

Apps

apps

Google Play Store: काही युजर्स अॅप्ससाठी इतर Sources शोधण्याचा प्रयत्न करतात. जेव्हा त्यांना ते Google Play Store वर सापडत नाहीत. अनधिकृत स्रोत आणि third party apps स्टोअर वापरण्याचा सल्ला दिला जात नाही. कारण, यामधून अॅप्स डाउनलोड केल्याने त्यांचे डिव्हाइस मालवेअर आणि धोकादायक अॅप्सच्या समोर येऊ शकतात. हे हानिकारक अॅप्स व्हायरस आणि स्पायवेअरसह डिव्हाइसेस संक्रमित करू शकतात. जे युजर्सची वैयक्तिक माहिती, पासवर्ड आणि अगदी बँकिंग तपशील देखील चोरू शकतात.

वाचा : Smartphone Tips: जुन्या स्मार्टफोनमध्ये नव्या सारखा बॅटरी बॅकअप ! ‘या’ टिप्सच्या मदतीने मिळवा लो बॅकअप पासून सुटका

Wrong Charger

wrong-charger

चुकीचे चार्जर वापरणे: ही चूक फोन वापरतांना अनेक जण करतात. सर्व चार्जर सारखेच असतात असा अनेक युजर्सचा गैरसमज असतो. जोपर्यंत केबल कनेक्टर त्यांच्या फोनमध्ये बसेल तोपर्यंत कोणताही चार्जर काम करेल असे त्यांना वाटते. मात्र, योग्य चार्जर असणे महत्त्वाचे आहे. कारण, ड्युप्लिकेट चार्जर्स केवळ आग आणि शॉर्ट सर्किटचा धोकाच निर्माण करत नाहीत तर अल्पावधीत दीर्घकाळासाठी तुमचा स्मार्टफोन देखील खराब करू शकतात. नेहमी विश्वसनीय ब्रँडचे चार्जर त्यांची सुरक्षा आणि मार्गदर्शक तत्त्वे तपासल्यानंतर खरेदी करा.

वाचा :Facebook Account: फेसबुकवर ‘या’ चुका म्हणजे अकाउंट थेट ब्लॉक,अशी घ्या काळजी, पाहा डिटेल्स

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here