Smartphones Under 30,000 : भारतीय स्मार्टफोन मार्केटमध्ये अनेक पर्याय उपलब्ध आहेत. जे, वेगवेगळ्या सेगमेंटमध्ये विक्रीसाठी उपलब्ध आहेत. काहींच्या किमती १० हजारांपेक्षा कमी आहेत. तर, काहींच्या लाखाच्या घरात. सहसा स्मार्टफोन खरेदी करतांना युजर्स त्यात असणारे फीचर्स तर पाहतातच. सोबत, ते फोन्सच्या डिझाईन आणि लुक्सकडे देखील विशेष लक्ष देतात. काही फोन सामान्य असतात आणि त्यात युनिक असे काहीच नसते. तुम्ही जर चांगल्या डिझाईनसह भन्नाट फीचर्स असलेला स्मार्टफोन ३० हजार रुपयांच्या बजेटमध्ये खरेदी करण्याचा विचार करत असाल तर, काळजीचे कारण नाही. आज आम्ही तुम्हाला अशाच काही स्मार्टफोन्सबद्दल सांगणार आहोत, जे ३० हजार रुपयांच्या सेगमेंटमध्ये येतात. यामध्ये केवळ चांगले डिझाइन, चांगला प्रोसेसर, शक्तिशाली बॅटरी आणि रंग बदलणारे बॅक कव्हर (कलर चेंजिंग स्मार्टफोन) आहेत. चला जाणून घेऊया या स्मार्टफोन्सच्या फीचर्सबद्दल.
Poco F3 GT
Poco F3 GT: फोनमध्ये LPDDR4x रॅम आणि UFS 3.1 स्टोरेज ऑफर केला जात आहे. प्रोसेसर म्हणून यात मीडियाटेक डाइमेंसिटी 1200 चिपसेट आहे. गेमिंग एक्सपीरियन्सला जबरदस्त बनवण्यासाठी कंपनी या फोनमध्ये गेमिंग पॉप अप ट्रिगर ऑफर करते. हेवी गेमिंग दरम्यान फोन गरम होऊ नये यासाठी यात VC लिक्विड कूलिंग टेक्नोलॉजीचा वापर करण्यात आला आहे. Poco F3 GTचे फीचर बहुतांश रेडमी K40 गेमिंग फोन सारखेच आहेत. रेडमी K40 गेमिंग एडिशन मध्ये 120Hz चे रिफ्रेश रेट सोबत ६.६७ इंचाचा फुल एचडी प्लस १० बिट ओलेड डिस्प्ले दिला आहे. फोनची किंमत २८,९९९ रुपये आहे.
Xiaomi 11i 5G
Xiaomi 11i 5G : Xiaomi 11i 5G २६९९९ रुपयांना खरेदी करता येईल. ही किंमत ८ GB रॅम आणि १२८ GB अंतर्गत स्टोरेजसह येते. या फोनच्या मुख्य स्पेसिफिकेशनबद्दल बोलायचे झाले तर, यामध्ये १०८ -मेगापिक्सलचा प्रायमरी रियर कॅमेरा सेटअप देण्यात आला आहे. तसेच, यात १६-मेगापिक्सलचा सेल्फी कॅमेरा आहे. यात ५१६० mAh ची बॅटरी आहे. तसेच, हा मोबाइल MediaTek Dimensity 920 चिपसेटसह येतो. जर जास्त मेमरी हवी असेल तर त्यात 1 TB पर्यंतचे SD कार्ड बसवता येते.
वाचा: हॅलो सर, मी पुजा बोलतेय… अशा Spam Calls चा कंटाळा आलाय?, फक्त हे काम करा, कधीच येणार नाहीत कॉल्स
Oppo Reno 5 Pro 5G
Oppo Reno 5 Pro 5G मध्ये ६.५५ इंचाचा डिस्प्ले मिळत आहे. स्क्रीन रिझोल्यूशन १०८० x२४०० पिक्सेल आहे. फोनमध्ये MediaTek Dimensity 1000+ प्रोसेसर देण्यात आला आहे. कंपनीने फोनमध्ये ४३५० mAh बॅटरी दिली आहे. फोनच्या मागील बाजूस क्वाड रियर कॅमेरा सेटअप देण्यात आला आहे. यामध्ये प्रायमरी कॅमेरा सेटअप ६४ MP आहे, उर्वरित सेन्सर ८ MP आहे, तिसरा कॅमेरा सेन्सर २ MP आहे आणि शेवटचा सेन्सर देखील २ MP आहे. फोनमध्ये ३२ MP सेल्फी कॅमेरा आहे. फोनची किंमत २९,९९० रुपये आहे.
OnePlus Nord 2 5G
हा फोन ई-कॉमर्स वेबसाइट Amazon वर २९,९९९ रुपयांना लिस्ट झाला आहे. यात ६.४३ -इंचाचा डिस्प्ले आहे. त्याचे रिफ्रेश दर ९०Hz चे आहेत. हा फ्लुइड AMOLED डिस्प्ले आहे आणि त्याचे रिझोल्यूशन २४०० x १०८०पिक्सेल आहे. हा मोबाईल फोन MediaTek Dimension 1200 AI चिपसेट सह येतो. Amazon वर सूचीबद्ध केलेल्या माहितीनुसार, यात आतापर्यंतचा सर्वात वेगवान CPU आहे. कॅमेरा सेटअपबद्दल बोलायचे झाले तर, बॅक पॅनलवर ट्रिपल कॅमेरा सेटअप आहे, ज्यामध्ये प्रायमरी कॅमेरा ५० मेगापिक्सलचा आहे, तर सेल्फी कॅमेरा ३२ मेगापिक्सलचा आहे.
Gadget News in Marathi: Computer, Mobile, Auto News in Marathi | Maharashtra Times
