Jio Prepaid Plans Under 500 : देशातील सर्वात मोठी टेलिकॉम कंपनी Reliance Jio ला कमी किंमतीत जास्त फायदे देणारे रिचार्ज प्लान्स सादर करण्यासाठी ओळखले जाते. कंपनीकडे प्रत्येक ग्राहकाच्या गरजेनुसार वेगवेगळे प्लान्स उपलब्ध आहेत. जिओकडे अगदी १०० रुपयांपासून ते ४ हजार रुपयांपर्यंतचे प्लान्स उपलब्ध आहेत. तसेच, १५ दिवसांच्या वैधतेपासून ते १ वर्षाचे वैधतेसह येणारे प्रीपेड प्लान्स देखील जिओकडे मिळतील. विशेष म्हणजे या प्लान्समध्ये तुम्हाला डेली डेटा, अनलिमिटेड वॉइस कॉलिंग आणि एसएमएससह इतर बेनिफिट्स देखील मिळतील. Reliance Jio कडे ५०० रुपयांच्या बजेटमध्ये येणारे असेच काही चांगले प्लान्स उपलब्ध आहेत. या बजेटमध्ये येणाऱ्या प्लान्सला ग्राहकांची सर्वाधिक पसंती मिळते. यातील काही प्लान्समध्ये यूजर्सला डिज्नी+ हॉटस्टारचे मोफत सबस्क्रिप्शन देखील मिळेल. कंपनीकडे ५०० रुपयांच्या बजेटमध्ये ४९९ रुपये, ३३३ रुपये आणि २९९ रुपयांचे शानदार प्लान्स उपलब्ध आहेत. या प्लान्सविषयी सविस्तर जाणून घेऊया.

​जिओचा ४९९ रुपयांचा प्लान

टेलिकॉम कंपनी रिलायन्स जिओकडे ४९९ रुपयांचा शानदार प्लान उपलब्ध आहे. या प्लानची वैधता २८ दिवस आहे. या प्रीपेड प्लानमध्ये दररोज २ जीबी डेटा याप्रमाणे एकूण ५६ जीबी डेटा दिला जातो. डेली डेटा समाप्त झाल्यानंतर ६४ Kbps च्या स्पीडने इंटरनेट वापरू शकता. याशिवाय, देशभरात सर्व नेटवर्क वर अनलिमिटेड वॉइस कॉलिंगची सुविधा दिली जाते. प्लानमध्ये दररोज १०० मोफत एसएमएस देखील मिळतात. याशिवाय, डिज्नी+ हॉटस्टार आणि जिओ अ‍ॅप्सचे मोफत सबस्क्रिप्शन मिळेल.

वाचा: Movies Download Website: ‘या’ ५ वेबसाइट्सवरून मोफत डाउनलोड करता येईल लोकप्रिय चित्रपट-सीरिज, एकही रुपये खर्च नाही; पाहा लिस्ट

​जिओचा ३३३ रुपयांचा प्लान

Reliance Jio कडे ३३३ रुपयांचा शानदार प्रीपेड प्लान उपलब्ध आहे. या प्लानची वैधता २८ दिवस आहे. यामध्ये दररोज १.५ जीबी डेटा दिला जातो. डेली डेटा समाप्त झाल्यानंतर तुम्ही ६४ केबीपीएसच्या स्पीडने इंटरनेट वापरू शकता. यात देशभरात सर्व नेटवर्कवर अनलिमिटेड वॉइस कॉलिंग आणि दररोज १०० मोफत एसएमएसची देखील सुविधा मिळते. तसेच, ३ महिन्यांसाठी डिज्नी+ हॉटस्टारचे मोफत सबस्क्रिप्शन आणि जिओ अ‍ॅप्सचा मोफत अ‍ॅक्सेस दिला जात आहे.

​२९९ रुपयांचा प्रीपेड प्लान

Jio चा २९९ रुपयांचा प्रीपेड प्लान २८ दिवसांच्या वैधतेसह येतो. यात दररोज २ जीबी डेटा याप्रमाणे एकूण ५६ जीबी डेटा दिला जात आहे. डेली डेटा समाप्त झाल्यानंतर तुम्ही ६४ केबीपीएसच्या स्पीडने इंटरनेट वापरू शकता. याशिवाय, दररोज १०० मोफत एसएमएस आणि देशभरात सर्व नेटवर्कवर अनलिमिटेड वॉइस कॉलिंगची देखील सुविधा दिली जात आहे. प्लानमध्ये जिओ टीव्ही, जिओ सिनेमा, जिओ सिक्योरिटी आणि जिओक्लाउड या जिओ अ‍ॅप्सचा मोफत अ‍ॅक्सेस देखील मिळतो.

वाचा: Email Scams: इंटरनेटच्या जगातील सर्वात मोठा स्कॅम, लोकांनी गमावले तब्बल १८७ अब्ज रुपये; पाहा कसे?

​जिओचा २९६ रुपयांचा प्रीपेड प्लान

जिओकडे २९६ रुपयांचा प्रीपेड प्लान देखील उपलब्ध आहे. याला कंपनीने जिओ फ्रीडम प्लान असे नाव दिले आहे. प्लानची वैधता ३० दिवस असून, यामध्ये एकूण २५ जीबी डेटा मिळतो. हा डेटा कोणत्याही लिमिटशिवाय कधीही वापरू शकता. याशिवाय, देशभरात सर्व नेटवर्कवर अनलिमिटेड वॉइस कॉलिंग, दररोज १०० एसएमएसचा देखील फायदा मिळतो. जिओच्या या प्लानमध्ये जिओ टीव्ही, जिओ सिनेमा, जिओ सिक्योरिटी आणि जिओक्लाउड या अ‍ॅप्सचे मोफत सबस्क्रिप्शन दिले जात आहे.

​जिओचा २०९ रुपयांचा प्रीपेड प्लान

कंपनीकडे २०९ रुपयांचा शानदार स्वस्त प्रीपेड प्लान देखील उपलब्ध आहे. या प्लानमध्ये २८ दिवसांसाठी दररोज १ जीबी डेटा याप्रमाणे एकूण २८ जीबी डेटा, सर्व नेटवर्कवर अनलिमिटेड वॉइस कॉलिंग, दररोज १०० मोफत एसएमएसची देखील सुविधा मिळते. डेली डेटा समाप्त झाल्यास ६४ केबीपीएसच्या स्पीडने इंटरनेट वापरता येईल. या प्रीपेड प्लानमध्ये जिओ टीव्ही, जिओ सिनेमा, जिओ सिक्योरिटी आणि जिओ क्लाउड या अ‍ॅप्सचा मोफत अ‍ॅक्सेस दिला जातो.

वाचा: Smartphone Offers: बंपर ऑफर! अवघ्या १४ हजारांच्या बजेटमध्ये मिळतोय ५०MP कॅमेऱ्यासह येणारा स्मार्टफोन, पाहा डिटेल्स

Gadget News in Marathi: Computer, Mobile, Auto News in Marathi | Maharashtra Times

RELATED ARTICLESMORE FROM AUTHOR

LEAVE A REPLY

Please enter your comment!
Please enter your name here