Social Media Day 2022, ३० जूनला का साजरा केला जातो Social Media Day? जाणून घ्या मजेशीर फॅक्ट्स – social media day 2022 history significance and all you need to know

​सोशल मीडिया डे चा इतिहास

आज (३० जून) जगभरात Social Media Day साजरा केला जात आहे. परंतु, याची सुरुवात एक दशकापूर्वीच झाली आहे. जगभरात सोशल मीडिया दिवस साजरा करण्याची सुरुवात जून २०१० पासून झाली. त्यावेळी सोशल मीडियाचा प्रभाव जास्त लोकांवर नव्हता. त्यामुळे जगभरात सोशल मीडियाचा प्रभाव व याची महत्त्वाची भूमिका समजावी यासाठी हा दिवस साजरा केला जाऊ लागला. तेव्हापासून दरवर्षी ३० जूनला हा खास दिवस साजरा केला जात आहे.

वाचा: Smart TV Offers: कमी किंमतीत खरेदी करा भन्नाट फीचर्ससह येणारे स्मार्ट टीव्ही, हजारो रुपयांची होईल बचत

​पहिला सोशल मीडिया प्लॅटफॉर्म

जगातील पहिला सोशल मीडिया प्लॅटफॉर्म म्हणून Sixdegrees ला ओळखले जाते. या प्लॅटफॉर्मला Andrew Weinreich ने १९९७ मध्ये लाँच केले होते. सिक्सडिग्रीज साइटद्वारे यूजर्स कुटुंबातील सदस्य व मित्रांचा ग्रुप बनवू शकत होते. Sixdegrees चे लाखो यूजर्स होते, परंतु, २००१ मध्ये हा प्लॅटफॉर्म बंद झाला. Sixdegrees हे काहीप्रमाणात फेसबुकसारखेच होते. आधुनिक सोशल मीडिया प्लॅटफॉर्म म्हणून २००२ साली लाँच झालेल्या Friendster ला ओळखले जाते. त्यानंतर LinkedIn, MySpace आणि फेसबुकसह अनेक प्लॅटफॉर्म्स यूजर्ससाठी उपलब्ध झाले.

​सोशल मीडियाचे महत्त्व

सध्या सोशल मीडिया वापरत नाही अशी क्वचितच एखादी व्यक्ती सापडेल. एका रिपोर्टनुसार, गेल्या एकावर्षात इंटरनेट यूजर्सची संख्या ७.६ टक्क्यांनी वाढून ४.७२ अब्जावर पोहचली आहे. सध्याच्या काळात सोशल मीडिया हे प्रभावी माध्यम झाले आहे. एकमेकांशी कनेक्टेड राहण्यासोबतच सामाजिक मुद्यांना पुढे आणण्यासाठी देखील सोशल मीडिया महत्त्वाचा आहे. अगदी सोशल मीडियावरील एका पोस्टमुळे अनेक मोठे बदल झाल्याचे देखील पाहायला मिळाले आहे. याशिवाय, बिझनेसच्या दृष्टीने देखील सोशल मीडिया महत्त्वाचा आहे.

वाचा: Aadhaar-Pan शी संबंधित ‘हे’ काम त्वरित करा पूर्ण, अन्यथा १ जुलैनंतर भरावा लागेल दंड

​सोशल मीडियावर प्रत्येक ६० सेकंदाला काय काय होते?

सोशल मीडियावर दर सेकंदाला असंख्य गोष्टी घडत असतात. २०२० च्या एका रिपोर्टनुसार, प्रत्येक ६० सेकंदाला यूट्यूबवर ४३२० मिनिटांचे व्हिडिओ अपलोड होतात. इंस्टाग्रामवर दरमिनिटाला २१६०० नवीन फोटो अपलोड केले जातात. तसेच, पिंटरेस्टवर दर ६० सेकंदाला ३,४७२ फोटो पिन केले जातात. फेसबुकवर २४६०००० कंटेंट शेअर होतात. तसेच, दर ६० सेकंदाला २,७७,००० ट्विट केले जातात. स्नॅपचॅटवर दररोज ६ अब्ज व्हिडिओ पाहिले जातात.

वाचा: iPhone 14 च्या लाँचआधी iPhone 11 आणि 12 वर बंपर डिस्काउंट, आतापर्यंतच्या सर्वात कमी किंमतीत घेऊन जा घरी