How to Clean Your Phone: करोना व्हायरस महामारीनंतर लोक स्वच्छतेबाबत अधिक जागृक झाले आहेत. आरोग्याच्या दृष्टीने आता विशेष काळजी घेतली जाते. व्हायरस, जंतूपासून वाचण्यासाठी वारंवार हात धुतले जातात. मात्र, ज्या स्मार्टफोनचा आपण दिवसभर वापर करतो, त्यावरच सर्वाधिक बॅक्टेरिया आढळतात. दिवसातून अनेकदा आपण फोन हातात घेतो. यामुळे गंभीर आजार होण्याची शक्यता आहे. फोनला दिवसभरातून आपण जवळपास १०० वेळा स्पर्श करत असू. त्यामुळे यातून आजार होऊ शकतात. वर्ष २०११ मध्ये यूनिव्हर्सिटी ऑफ लंडनने मोबाइल फोनच्या स्वच्छतेबाबत एक सर्वेक्षण केले होते. या दरम्यान कंपनीने अनेक मोबाइल फोनला टेस्ट केले. यावेळी आढळले की, यापैकी ८० टक्के स्मार्टफोन असेल होते, जे पब्लिक टॉयलेटपेक्षाही १८ पट अधिक घाण होते. त्यामुळे फोनला बॅक्टेरिया फ्री ठेवणे गरजेचे आहे. यासाठी तुम्हाला या टिप्स उपयोगी येतील.

​मऊ कापडाने फोन करा साफ

तुम्ही फोनला साफ करण्यासाठी एखाद्या मऊ सुती कापडाचा वापर करू शकता. किंवा मायक्रोफायबर कापड देखील उपयोगी येईल. याचा उपयोग केल्यास फोन अगदी व्यवस्थित साफ होईल. कापडाचा एक कोपरा थोड्याशा पाण्यात बुडवा. त्यानंतर हळूहळू डिव्हाइसला साफ करा. यामुळे तुमचा फोन अगदी व्यवस्थित साफ होईल. मात्र, लक्षात ठेवा की, यावेळी पाण्याचे थेंब डिव्हाइसवर पडणार नाही. तसेच, इतर कापडाचा वापर करू नका, अन्यथा स्क्रीनवर स्क्रॅच पडेल.

​कॉटन स्वाब्स

तुमच्या घरात कॉटन स्वाब असेल, ज्याने कान साफ केले जातात. या कॉटन स्वाबचा उपयोग करून तुम्ही कोपरे व्यवस्थित साफ करू शकता. विशेष स्लॉटला साफ करण्यासाठी कॉटन स्वाब्स उपयोगी येईल. याचा हलक्या हाताने वापर करा.

पाणी व अल्होहलचा करा उपयोग

अनेक कंपन्या अल्कोहल, एथनॉल आणि अमोनिया सारख्या गोष्टींद्वारे फोनला साफ करण्यास मनाई करतात. परंतु, अनेकांचे म्हणणे आहे की अल्कोहलने फोन व्यवस्थित साफ होतो. ६० टक्के पाणी ४० टक्के रबिंग अल्कोहलचे मिक्सचर बनवून तुम्ही हलक्या कपड्याने फोनला साफ करू शकता.

वाचा: Upcoming Smartphones: Motorola चा नवीन स्मार्टफोन भारतात करणार धमाकेदार एंट्री, मिळेल २०० मेगापिक्सलचा कॅमेरा

​डिस्टिलाइट वॉटर आणि विनिगर

अल्कोहलचा उपयोग करायचा नसल्यास तुम्ही विनिगरचा वापर करू शकता. समान पाणी व विनिगर घ्या. त्या मऊ कापडाचा कोपरा बुडवा. आता त्या मऊ कापडाच्या मदतीने फोनला व्यवस्थित साफ करा. यामुळे तुमचा फोन बॅक्टेरिया फ्री होईल.

यूव्ही लाइटने करा सॅनिटाइज

फोनला पूर्णपणे जर्म फ्री ठेवायचे असल्यास यूव्ही लाइटने सॅनिटाइज करा. अनेक चार्जिंग केसमध्ये यूव्ही लाइट दिली जाते. याद्वारे तुमचा फोन स्वच्छ होईल. अशा चार्जिंग केसद्वारे तुम्ही इतर डिव्हाइस देखील स्वच्छ करू शकता.

वाचा: Photography Tips: लो लाइटमध्ये काढा प्रोफेशनल फोटो, ‘या’ टिप्स येतील खूपच उपयोगी

​बाथरूम व किचनपासून फोन ठेवा लांब

फोनला बॅक्टेरियापासून लांब ठेवण्यासाठी केवळ स्वच्छ करून काम होणार नाही. तुम्हाला काही छोटे मोठे बदल देखील करावे लागतील. यासाठी सर्वात प्रथम किचन व बाथरूमपासून फोनला लांब ठेवा. तसेच, गरज असल्यास ब्लूटूथचा उपयोग करा.

सगळ्यांना देऊ नका फोन

तुम्ही जर फोन इतरांना देत असाल तर यामुळे देखील बॅक्टेरिया वाढू शकतात. त्यामुळे फोन इतरांना देणे कमी करा. दिला तरीही फोनला साफ करून वापरा.

वाचा: Flipkart वर सुरूये खास सेल, अवघ्या ७९ रुपयात मिळेल वस्तू; ८० टक्क्यांपर्यंत डिस्काउंट उपलब्ध

​कार्पेटवर ठेवू नका

अनेकदा पाहायला मिळते की लोक कार्पेटवर फोन ठेवतात. मात्र, यामुळे स्मार्टफोनवर मोठ्या प्रमाणात बॅक्टेरिया जमा होतात. त्यामुळे फोनला कार्पेटवर ठेवण्याऐवजी टेबलवर ठेवा.

वारंवार धुवा हात

दिवसातून आपण असंख्य वेळा फोन हातात घेतो. फोनच्या माध्यमातून बॅक्टेरिया हातावर देखील येतात. त्यामुळे जर तुमचा हात स्वच्छ असेल तर फोन देखील स्वच्छ राहील. म्हणून वारंवार हात धुवणे गरजेचे आहे. यामुळे तुमचा आजारापासून देखील बचाव होईल.

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here