| महाराष्ट्र टाइम्स.कॉम | Updated: Jul 5, 2022, 5:14 PM

Ration Card: महत्त्वाच्या सरकारी कागदपत्रांपैकी एक असलेल्या रेशन कार्डचा अनेक सरकारी योजनांचा लाभ घेण्यासाठी उपयोगी होतो. तुम्ही अगदी सहज रेशन कार्डमध्ये कुटुंबातील इतर सदस्यांच्या नावाचा समावेश करू शकता.

 

Ration card

हायलाइट्स:

  • रेशन कार्डमध्ये करू शकता इतर व्यक्तींच्या नावाचा समावेश.
  • सरकारी योजनांचा फायदा घेण्यासाठी होतो रेशन कार्डचा उपयोग.
  • रेशन कार्डग्नापे मिळेल मोफत अन्नधान्य.
नवी दिल्ली :Ration Card: आधार कार्ड, पॅन कार्ड आणि मतदान ओळखपत्राप्रमाणेच रेशन कार्ड देखील एक महत्त्वाचे सरकारी कागदपत्रं आहे. सरकारी योजनांचा लाभ घेण्यासाठी रेशन कार्ड खूपच उपयोगी आहे. खासकरून, गरीब कुटुंबांना सरकारी योजनांचा लाभ घेण्यासाठी याचा फायदा होतो. यामुळे अगदी कमी दरामध्ये अन्नधान्य उपलब्ध होते. याशिवाय, आरोग्य, शिक्षण व विमा संबंधी योजनांचा देखील फायदा होतो. करोना काळात गरीब कुटुंबांना मोफत अन्नधान्य देखील मिळाले. रेशन कार्ड हे कुटुंबातील प्रमुख व्यक्तीच्या नावाने जारी केले जाते. परंतु, इतर कुटुंबातील काही व्यक्तींच्या नावाचा रेशन कार्डमध्ये समावेश नसतो. तुम्हाला देखील इतर व्यक्तीचे नाव रेशन कार्डमध्ये समावेश करायचे असल्यास यासाठी सोपी प्रोसेस उपलब्ध आहे. या प्रोसेसविषयी जाणून घेऊया.

वाचा: WhatsApp वर तुम्हाला कोणी केले आहे ब्लॉक? ‘या’ सोप्या ट्रिकने घ्या जाणून

रेशन कार्डमध्ये नवीन व्यक्तीच्या नावाचा असा करा समावेश

  • जर एखाद्या व्यक्तीच्या नावाचा रेशन कार्डमध्ये समावेश करायचा असल्यास तुम्हाला सर्वात प्रथम अधिकृत वेबसाइट https://nfsa.gov.in/Default.aspx वर जावे लागेल. येथे रेशन कार्डच्या पर्यायावर क्लिक करा.
  • आता ‘Ration Card Details On State Portals’ वर क्लिक करा. त्यानंतर तुमच्या राज्याचे नाव, जिल्हा, ब्लॉक आणि पंचायतचे नाव निवडा.
  • त्यानंतर रेशनचे नाव, दुकानादाराचे नाव व रेशन कार्डचा प्रकार निवडा. आता तुमच्यासमोर एक लिस्ट असेल, ज्यात कार्डधारकांची नावे असतील. येथे तुम्हाला तुमच्या रेशन कार्डमध्ये कोणाच्या नावाचा समावेश आहे, याची माहिती मिळेल.
  • जर एखाद्या व्यक्तीच्या नावाचा समावेश करायचा असल्यास तुम्हाला जवळील अन्न पुरवठा विभाग अथवा ग्राहक सेवा केंद्रावर जावे लागेल.
  • पुढे तुम्हाला फॉर्म भरून द्यावा लागेल. सोबतच, काही महत्त्वाची कागदपत्रं द्यावी लागतील. त्यानंतर २ आठवड्यात त्या व्यक्तीच्या नावाचा रेशन कार्डमध्ये समावेश होईल.

वाचा: Zebronics Smartwatch: स्वस्तात मस्त! कॉलिंग सपोर्टसह भन्नाट स्मार्टवॉच भारतात लाँच, आवाजाने होते कंट्रोल; जाणून घ्या किंमत

वाचा: Smartphone Tips: तुमचा फोन पावसात भिजल्यास घाबरू नका, ‘या’ टिप्स येतील खूपच कामी

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : add new member name in ration card in maharashtra check details
Marathi News from Maharashtra Times, TIL Network

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here