स्मार्ट स्पीकर्स
स्मार्ट स्पीकर या गॅजेट्स लिस्टमध्ये टॉपवर आहे. भारतात सर्वाधिक वापर होणाऱ्या व्हर्च्यूअल असिस्टेंटमध्ये Amazon Alexa, Google Assistant आणि Apple Siri चा समावेश आहे. स्मार्ट स्पीकर हे जुन्या पोर्टेबल स्पीकरप्रमाणे नसतात. इंटरनेट कनेक्टिव्हिटीसह चालणाऱ्या या स्मार्ट स्पीकरच्या मदतीने अलार्म सेट करणे, न्यूज पाहणे, वॉइस कमांडने इतरांना फोन करणे अशी कामे सहज करू शकता. तसेच, स्मार्टफोनशी कनेक्ट करून वॉइस कमांडने गाणी ऐकण्याची देखील सुविधा मिळते.
वाचा: Smartphone Tips: फोन सर्विस सेंटरला देताना ‘या’ गोष्टी ठेवा लक्षात, अन्यथा होईल मोठे नुकसान
स्मार्ट लाइट्स
स्मार्ट लाइट्सला खरेदी करण्याआधी घरातील बल्ब होल्डर कोणता आहे, हे नक्की पाहा. बल्ब होल्डरनुसारच स्मार्ट लाइट खरेदी करा. फिलिप्स स्मार्ट ब्लब सादर करणाऱ्या लोकप्रिय ब्रँड्सपैकी एक आहे. तुम्ही ८०० रुपये किंमतीत येणाऱ्या Zunpulse 10W मल्टीकलर स्मार्ट लाइट कॉम्बोला देखील खरेदी करू शकता. लक्षात ठेवा की, बहुतांश स्मार्ट बल्ब हे केवळ २.५Ghz वाय-फाय नेटवर्कशी कनेक्ट होतात. तुम्ही बल्बला स्मार्ट स्पीकरशी कनेक्ट करून वॉइस कमांडने देखील कंट्रोल करू शकता.
वाचा: गेमिंगची आवड आहे? तुमच्यासाठी आला १८ जीबी रॅमसह येणारा धमाकेदार स्मार्टफोन; पाहा किंमत-फीचर्स
स्मार्ट टीव्ही स्टिक
तुमच्या घरामध्ये जुना साधा टीव्ही असल्यास स्मार्ट स्टिक तुमच्या खूच उपयोगी येईल. तुम्ही या स्टिकद्वारे साध्या टीव्हीला स्मार्ट बनवू शकता. बाजारात Amazon, Realme आणि Xiaomi सारख्या कंपन्यांच्या स्मार्ट टीव्ही स्टिक उपलब्ध आहेत. मात्र या स्मार्ट टीव्ही स्टिकचा वापर करण्यासाठी तुमच्या टीव्हीमध्ये HDMI पोर्ट असणे गरजेचे आहे. तसेच, स्मार्ट स्टिकसाठी आवश्यक पॉवर पॉइंट असणे देखील गरेजेचे आहे. तुम्हाला ५ हजार रुपयांच्या बजेटमध्ये चांगल्या स्मार्ट टीव्ही स्टिक मिळतील.
स्मार्ट प्लग
घराला स्मार्ट बनवण्यासाठी तुम्ही स्मार्ट प्लग देखील खरेदी करू शकता. स्मार्ट प्लग हे पॉवर आणि वेळेची देखील बचत करतात. कोणत्याही डिव्हाइसला चार्ज करण्यासाठी स्मार्ट प्लग वापर करता येतो. परंतु, खरेदी करण्याआधी एम्पीयर नक्की तपासा. प्रमुख ऑनलाइन शॉपिंग प्लॅटफॉर्म्सवर तुम्हाला १ हजार ते २ हजार रुपयांच्या बजेटमध्ये येणारे चांगल्या कंपनीचे स्मार्ट प्लग मिळतील. तुम्ही स्मार्ट प्लगला स्पीकरशी कनेक्ट करून, घरातील इतर स्मार्ट प्रोडक्ट्सला देखील वॉइसने कंट्रोल करू शकता.
स्मार्ट सिक्योरिटी कॅमेरा
गेल्याकाही वर्षात सिक्योरिटी कॅमेरा देखील स्मार्ट झाले आहे. बाजारात वेगवेगळ्या आकारात येणारे स्मार्ट कॅमेरे उपलब्ध आहेत. यामध्ये माइकचा देखील सपोर्ट मिळतो. विशेष म्हणजे २४ तास रेकॉर्डिंगसह येणारे कॅमेरे उपलब्ध आहेत. यात अंधारात देखील एचडी क्वालिटीमध्ये रेकॉर्डिंगची सुविधा मिळते. तुम्ही जर इनडोर कॅमेरा खरेदी करण्याचा विचार करत असाल तर मायक्रोफोन असणे गरजेचे आहे. तुम्ही बाजारातून २ ते ३ हजार रुपयांच्या बजेटमध्ये चांगले सिक्योरिटी कॅमेरा खरेदी करू शकता.
वाचा: mAadhaar अ‍ॅप काय आहे? याचा नक्की फायदा काय? जाणून घ्या संपूर्ण माहिती
Gadget News in Marathi: Computer, Mobile, Auto News in Marathi | Maharashtra Times
