5G spectrum auction, भारतात २६ जुलैला सुरू होणार ५जी लिलाव; कसे मिळेल सिम? किती असेल किंमत? जाणून घ्या सर्व प्रश्नांची उत्तरे – 5g auctions to start on july 26 in india jio airtel vodafone idea adani to bid

​काय आहे ५जी नेटवर्क?

जगभरातील अनेक देशात ५जी उपलब्ध असून, भारतात देखील लवकरच सुरू होणार आहे. ५जी मुळे इंटरनेट स्पीड मेगाबाइटवरून थेट गीगाबाइटवर पोहचेल. यामध्ये १जीबीपीएस म्हणजेच ४जी च्या तुलनेत १०० पट अधिक इंटरनेट स्पीड मिळेल. ५जी टेक्नोलॉजीचा वापर केवळ स्मार्टफोनपुरता मर्यादित राहणार नाही. तर बल्ब, पंखा, फ्रिज आणि कार देखील कनेक्ट होईल. एकप्रकारे घरातील डिव्हाइस स्मार्ट होतील. याशिवाय, हॉस्पिटल, शैक्षणिक संस्थांमध्ये देखील कनेक्टिव्हिटी मिळेल. ५जी वर तुम्ही काही मिनिटात संपूर्ण चित्रपट डाउनलोड करू शकता.

​कधी होणार ५जी चा लिलाव?

भारतात ५जी स्पेक्ट्रमचा लिलाव याच महिन्यात २६ जुलैला सुरू होणार आहे. या लिलावात मुकेश अंबानी याची रिलायन्स जिओ, सुनील भारतीय यांची एअरटेल आणि वोडाफोन आयडिया सारख्या टेलिकॉम कंपन्या भाग घेतील. याशिवाय, गौतम अदानी यांची कंपनी देखील लिलावात सहभागी होणार आहे. अदानी ग्रुप लिलावात भाग घेईल. परंतु, टेलिकॉम सर्विसमध्ये येणार नाही. कंपनी ५जी स्पेक्ट्रमचा वापर पोर्ट आणि कोल माइनसाठी करेल. कंपन्यांकडे १९ जुलैपर्यंत अर्ज मागे घेण्याचा कालावधी आहे. कंपन्या या लिलावात मोठी बोली लावण्याची शक्यता आहे.

वाचा – तुमच्या फोनमध्ये तर नाही Toll Fraud Malware? अँड्राइड यूजर्ससाठी किती धोकादायक? जाणून घ्या संपूर्ण माहिती

​भारतात कधी सुरू होणार ५जी सर्विस?

रिपोर्टनुसार, पंतप्रधान कार्यालयाने दूरसंचार विभागाला १५ ऑगस्टपर्यंत देशात ५जी टेलिकॉम सर्विस लाँच करण्यास सांगितले आहे. तसेच, यावर्षीच्या बजेटमध्ये देखील ५जी सेवा लवकरच लाँच केली जाणार असल्याची माहिती दिली होती. तसेच, लिलावानंतर काही प्रमुख शहरांमध्ये ही सर्विस सुरू होऊ शकते. सुरुवातीला १३ शहरांमध्ये ही सर्विस सुरू होईल. यामध्ये अहमदाबाद, बंगळुरू, चंडीगढ़, गांधीनगर, गुरुग्राम, हैद्राबाद, जामनगर, कोलकत्ता, चेन्नई, लखनौ, पुणे, दिल्ली आणि मुंबईचा समावेश आहे.

​ही कंपनी सर्वात आधी लाँच करणार ५जी सर्विस

रिलायन्सच्या ४४व्या वार्षिक सर्वसाधारणसभेत मुकेश अंबानी यांनी देशात सर्वातआधी ५जी सर्विस जिओ सुरू करेल, असे म्हटले होते. जिओ अत्याधुनिक ५जी टेक्नोलॉजी विकसित करण्यात सर्वात पुढे आहे. जिओला ५जी टेस्टिंग दरम्यान १GBPS पेक्षा अधिक स्पीड मिळाला होता. जिओने ५जी लाँचिंगसाठी गुगलसोबत भागीदारी केली आहे. जिओ ५जी साठी गुगल क्लाउडचा वापर करेल. परंतु, दूरसंचार विभागाने सर्वात आधी कोणती कंपनी ५जी सर्विस रोलआउट करेल, याबाबत अद्याप अधिकृतपणे कोणतीही माहिती दिलेली नाही.

वाचा: तुमच्या आधार कार्डवर किती जणांनी सिम कार्ड घेतले आहे? या वेबसाइटवर मिळेल सर्व माहिती

​५जी सिम कसे मिळेल?

5G Network साठी ग्राहकांना कंपन्यांकडून 5G SIM Card घ्यावे लागेल. हे सिम कार्ड ४जी सिम कार्डपेक्षा वेगळे असतील.कंपन्यांनी याबाबत अद्याप माहिती दिलेली नाही. काही रिपोर्टनुसार, ५जी नेटवर्क अ‍ॅक्सेस करण्यासाठी नवीन सिम कार्डची गरज नाही.५जी सर्विसचा वापर करण्यासाठी तुम्हाला ५जी स्मार्टफोन खरेदी करावा लागेल. ५जी मोबाइल फोनमध्ये ५जी सोबतच ४जी, ३जी आणि २जी नेटवर्कचा वापर करू शकता. ४जी फोनमध्ये ५जी नेटवर्क वापरता येणार नाही.

​किती असेल ५जी ची किंमत?

५जी सर्विसच्या किंमतीबाबत वेगवेगळे अंदाज लावले जात आहे. काही दिवसांपूर्वीच केंद्रीय मंत्र्यांनी माहिती दिली होती की, भारतात ५जी ची किंमत इतर देशांच्या तुलनेत खूपच कमी असेल. तसेच, तज्ञांनुसार, ५जी ची किंमत ४जी च्या तुलनेत जास्त असेल. काही महिन्यांपूर्वी सुनील भारती मित्तल यांनी म्हटले होते की, भारतात एव्हरेज रेवेन्यू पर यूजर खूपच कमी आहे. सध्या एव्हरेज रेवेन्यू १५० रुपये आहे, जो ६०० पर्यंत हवा. तसेच, लिलावात मोठी रक्कम खर्च केल्यानंतर कंपन्या निश्चितच ग्राहकांकडून याची वसूली करतील.

वाचा: Motorola चा धमाका! तब्बल २०० मेगापिक्सल कॅमेऱ्यासह लाँच करणार स्मार्टफोन, चार्जिंग देखील सुपर फास्ट