Mid Range Smartphones: स्मार्टफोनमध्ये जेवढे जास्त फिचर्स असतील तेवढी त्याची किंमत जास्त असा सर्वसाधारण समज असतो. पण, आता तसे नाही. ग्राहकांना आकर्षित करण्यासाठी आजकाल स्मार्टफोन कंपन्या अगदी १० हजारांपासून ते लाख रुपये किमतीचे स्मार्टफोन्स लाँच करत असतात. गेल्या काही काळात मिड रेंज स्मार्टफोन्सची मागणी मोठ्या प्रमाणात वाढली आहे. महागड्या स्मार्टफोन फीचर्सचा अनुभव देणाऱ्या या फोन्सची किंमत सर्वाना परवडणारी असते. तुम्ही देखील असाच एखाद्याभन्नाट स्मार्टफोन खरेदी करण्याच्या विचारात असाल तर, सध्या मार्केटमध्ये मिड रेंज फोन्समध्ये अनेक स्मार्टफोन्स उपलब्ध आहेत. आज आम्ही तुमच्यासोबत २०,००० रुपयांच्या बजेटमध्ये येणाऱ्या सर्वोत्तम स्मार्टफोन्सची लिस्ट शेयर करणार आहो. यामध्ये Realme 9 5G स्पीड एडिशन, Samsung Galaxy M33 5G, Infinix Note 12 Pro 5G, Xiaomi Redmi Note 11T 5G सारख्या फोन्सचा समावेश आहे.
Xiaomi Redmi Note 11T 5G
हा Xiaomi फोन MediaTek Dimensity 810 प्रोसेसरद्वारे सपोर्टेड आहे. फोनमध्ये ६.६ इंच स्क्रीनसह IPS LCD डिस्प्ले आहे. या फोनमध्ये ९० HZ चा रिफ्रेश दर देण्यात आला आहे. हा स्मार्टफोन ड्युअल कॅमेरा सेटअपसह येतो. यात एक ५० MP मुख्य रिअर कॅमेरा आणि दुसरा ८ MP कॅमेरा आहे. फ्रंट कॅमेर्‍याबद्दल बोलायचे झाले तर यात १६ MP फ्रंट कॅमेरा आहे. यात ५००० mAh बॅटरी आहे. Xiaomi Redmi Note 11T 5G फोनची सुरुवातीची किंमत १५,९९९ रुपये आहे.
Infinix Note 12 Pro 5G
Infinix Note 12 Pro 5G – हा फोन MediaTek Dimensity 810 प्रोसेसरद्वारे समर्थित आहे. फोनमधील डिस्प्ले हा ६.७ -इंच स्क्रीनचा फुल एचडी + एमोलेड डिस्प्ले आहे. स्मार्टफोन ट्रिपल कॅमेरा सेटअपसह येतो. यात १०८ MP मेन रियर कॅमेरा, २ MP खोली आणि २ MP मॅक्रो कॅमेरा आहे. याशिवाय, १६ MP फ्रंट कॅमेरा देण्यात आला आहे. Infinix Note 12 Pro 5G मध्ये ५००० mAh बॅटरी देण्यात आली आहे. हा फोन ८ GB रॅम आणि १२८ GB इंटरनल स्टोरेज सह येतो. फोनची किंमत १७,९९९ रुपये आहे.
OnePlus Nord CE 2 Lite 5G
OnePlus Nord CE 2 Lite – Snapdragon 695 प्रोसेसर या फोनमध्ये देण्यात आला आहे. फोनमध्ये ६.५९ इंच स्क्रीनवरून फुल एचडी + डिस्प्ले उपलब्ध आहे. फोनमध्ये १२० HZ चा रिफ्रेश दर देखील देण्यात आला आहे. OnePlus Nord CE 2 Lite स्मार्टफोन ट्रिपल कॅमेरा सेटअपसह येतो. यात ६४ MP चा मुख्य रियर कॅमेरा आहे, याशिवाय २ MP चे इतर 2 कॅमेरे आहेत. याशिवाय यात १६ १ MP फ्रंट कॅमेरा आहे. OnePlus Nord CE 2 Lite मध्ये ५००० mAh बॅटरी आहे. फोनची सुरुवातीची किंमत १९,२७४ रुपये आहे.
Samsung Galaxy M33 5G
फोनमधील डिस्प्लेबद्दल बोलायचे झाले तर, त्याची ६.६ -इंचाची स्क्रीन फुल एचडी + डिस्प्ले देते. फोनमध्ये १२० HZ चा रिफ्रेश दर देखील देण्यात आला आहे. हा स्मार्टफोन क्वाड कॅमेरा सेटअप सह येतो. यात ५० MP मेन रियर कॅमेरा, ५ MP अल्ट्रा वाइड, २ MP डेप्थ कॅमेरा आणि २ MP मॅक्रो कॅमेरा आहे. याशिवाय, ८ एमपी फ्रंट कॅमेरा उपलब्ध आहे. यात ६००० mAh बॅटरी आहे. हा फोन ६ जीबी रॅम, १२८ जीबी इंटरनल स्टोरेज आणि ८ जीबी रॅम, १२८ जीबी इंटरनल स्टोरेजसह येतो. फोनची सुरुवातीची किंमत १७,९९९ रुपये आहे.
Realme 9 5G SE
Realme 9 5G स्पीड एडिशन : Realme चा हा फोन स्नॅपड्रॅगन 778G प्रोसेसरद्वारे सपोर्टेड आहे. स्मार्टफोनमध्ये १४४ HZ चा रिफ्रेश दर देण्यात आला आहे. हा स्मार्टफोन ट्रिपल कॅमेरा सेटअपसह येतो. यात ४८ MP मेन रियर कॅमेरा, २ MP अल्ट्रा वाइड आणि २ MP डेप्थ कॅमेरा उपलब्ध आहे. फ्रंट कॅमेर्‍याबद्दल बोलायचे झाले तर, यात १६ MP फ्रंट कॅमेरा आहे. यात ५००० mAh बॅटरी आहे. हा फोन ६ जीबी रॅम, १२८ जीबी इंटरनल स्टोरेज आणि ८ जीबी रॅम, १२८ जीबी इंटरनल स्टोरेजसह येतो. स्मार्टफोनची सुरुवातीची किंमत १९,९९९ रुपये आहे.
वाचा: नवीन Smart TV खरेदी करायचा असल्यास पाहा ‘ही’ ऑफर, ३२ ते ६५ इंचाच्या टीव्हींवर मिळतोय ३३ % पर्यंत ऑफ
Gadget News in Marathi: Computer, Mobile, Auto News in Marathi | Maharashtra Times
