Online Shopping Tips: ज्या सेलची ग्राहक आतुरतेने वाट पाहत आहेत, तो अॅमेझॉन प्राइम डे सेल 2022 २३ जुलैपासून सुरू होणार आहे. हा दोन दिवसांचा सेल दरवर्षी आयोजित केला जातो. या ईकॉमर्स सेलमध्ये सर्वोत्तम डील, सूट आणि कॅशबॅकचा लाभ मिळतो. या सेल दरम्यान, स्मार्टफोन, फीचर फोन, लॅपटॉप आणि इतर इलेक्ट्रॉनिक्स वस्तूंवर मोठ्या सवलती उपलब्ध आहेत. Amazon ने आधीच जाहीर केले आहे की, या सेलमध्ये भरपूर सूट मिळणार आहे. अशात, बहुतेक लोक विक्रीवर उपलब्ध असलेल्या सवलतीबद्दल खूप उत्सुक आहेत. पण, ऑनलाईन सेलमध्ये खरेदी करण्यापूर्वी काही गोष्टींची काळजी घेणे आवश्यक आहे. असे केल्यास तुम्हाला चांगल्या डील्स तर मिळतीलच. सोबतच, फसवणुकीसारखे प्रकार देखील टाळता येतील. चला तर मग जाणून घेऊया अशा ५ गोष्टी ज्या ऑनलाईन शॉपिंग करतांना लक्षात ठेवणे महत्वाचे आहे.
Complaint
तक्रार करण्यास अजिबात संकोच करू नका : तुम्ही Amazon Sale मध्ये खरेदी केली आणि जर तुम्हाला चुकीचे उत्पादन वितरित केले गेले असेल तर तुम्ही ते सहजपणे बदलू शकता. अॅमेझॉन कस्टमर केअर या बाबतीत खूप सक्रिय आहे. तुम्ही सोशल मीडिया आणि मोबाईल अॅपद्वारे चुकीच्या वस्तू पाठवल्याबद्दल तक्रार करू शकता. वेबसाइटवर कस्टमर केअर नंबर देखील दिलेला आहे. याशिवाय तुम्ही कोणत्याही प्रकारची तक्रार करू शकता. ‘जागो ग्रहक जागो’. हे लक्षात घेऊनच खरेदी करा.
वाचा : वीज बिलाचे टेन्शन विसरा,’या’ स्मार्ट टिप्सच्या मदतीने Electricity Bill येणार कमी, होणार सेव्हिंग
Be Alert
योग्य विक्रेता निवडा: खरेदी करतांना कोणत्याही प्रकारची फसवणूक टाळायची असेल तर याकडे लक्ष देणे आवश्यक आहे. जर तुम्हाला एखादी वस्तू खूप आवडली असेल तर ती वस्तू तुम्हाला कोण देत आहे देखील पहा. याचा अर्थ तुम्ही Amazon प्लॅटफॉर्मवरून वस्तू खरेदी करत आहात, पण माल कोण विकत आहे. कंपनी काय आहे? जर तुम्हाला कंपनीबद्दल माहिती असेल तर डोळसपणे खरेदी करा. जर तुम्हाला त्या कंपनीबद्दल माहिती नसेल तर इथे तुम्हाला सतर्क राहण्याची गरज आहे. प्रथम त्या कंपनीचे रिव्ह्यू आणि टिप्पण्या वाचा . त्यानंतरच वस्तू खरेदी करा.
Check Products
उत्पादन नवीन किंवा वापरलेले आहे का ते तपासा : अनेक वेळा तुम्हाला जुने मॉडेल निवडले जाते. अनेकदा खरेदी नंतर कळते की तुम्ही ऑर्डर केलेली वस्तू खूप जुन्या मॉडेलची आहे. यासाठी तुम्हाला वस्तू खरेदी करण्यापूर्वी तुमच्या उत्पादनाचे संशोधन करावे लागेल. ती वस्तू नक्की कशी आहे आणि ती वस्तू किती जुनी आहे हे पाहण्यासाठी दुसऱ्या वेबसाइटवर जावे लागेल. असे केल्यास ज्या वस्तूसाठी तुम्ही पैसे खर्च करत आहात ती योग्य आहे याची खात्री पटेल.
वाचा : iQOO 10 आणि 10 Pro लाँच, 200W फास्ट चार्जिंग सपोर्ट मिळणार, पाहा किंमत
Payment Method
प्रथम पेमेंट पद्धत निवडा: ऑनलाईन शॉपिंग करतांना ही एक सर्वात महत्वाची गोष्ट आहे. खरेदी करतांना सर्वप्रथम आपण पेमेंट पद्धत निवडली पाहिजे. जर तुम्हाला वस्तू ईएमआयमध्ये घ्यायच्या असतील तर वेबसाइटवर दिलेल्या वस्तूंवर ईएमआयचा पर्याय आहे की नाही हे आधीच तपासा. म्हणजेच, क्रेडिट कार्ड किंवा डेबिट कार्डवर ईएमआय पर्याय सक्रिय आहे की नाही, ते तपासले पाहिजे. जर तुम्हाला Amazon Pay ने पेमेंट करायचे असेल तर ही अट नीट समजून घ्या. जेणेकरून तुम्हाला जास्त पैसे मोजावे लागणार नाहीत.
Budge And Listing
बजेट आणि लिस्टिंग: Amazon Prime चे पेज समोर आले असून यामध्ये अशा डील्सची निवड करण्यात आली आहे. जे आकर्षक दिसतात. या विक्री दरम्यान, तुम्ही बॅग, इलेक्ट्रॉनिक्स वस्तू आणि गृहोपयोगी वस्तू सवलत आणि कॅशबॅक इत्यादीसह खरेदी करू शकता. अशात कोणतीही ऑनलाइन शॉपिंग करण्यापूर्वी तुम्हाला काय खरेदी करायचे आहे याची यादी तयार करा. गरज लक्षात घेऊन बजेट बनवा. बजेट बनवताना त्या वस्तूची किंमत तुमच्या बजेटमध्ये आहे की नाही हे देखील लक्षात ठेवा.
वाचा: बेस्टच ! आता तुम्हीही खरेदी करू शकता iPhone 13, मिळतोय ‘इतक्या’ हजारांचा जबरदस्त ऑफ, पाहा डिटेल्स
Gadget News in Marathi: Computer, Mobile, Auto News in Marathi | Maharashtra Times
